Untuk itu paralu ba pikir kritis, arif dan tanggap dalam satiok masalah dan tantangan Talenggang biduak di lauik, Arek-arek pagang kamudi Pandai batenggang di nan rumik, Sinan bamain aka budi Hiduik baraka mati bariman bahaso populernyo Adat manyuruah mampagunokan aka, Islam agamo urang baraka mako batamulah rueh jo buku, bak punco masuk ka hulu elok tibo rancak manantilah, samo santiang kaduonyo. Minang manarimo Islam jo suko hati. Itu baru duo. Nan ka tigo, masyarakat Minangkabau dari dulu sampai kini indak pernah mangklasifikasikan manusia, ndak dikenal kasta-kasta nan mambedakan martabat hino atau mulia, ndak ado bangsawan badarah biru, ndak ado ningrat katurunan rajo. Pangulu di hormati karano jabatan bukan karano gala Datuak nyo itu pun ditinggikan hanyo sarantiang jambo-jamboan, di dahulukan hanyo salangkah tungkai-tungkaian. Aratinyo sabateh manuruik anggo jo tanggua sapanjang wawenang nan di amanatkan kaum, isuk baliau mangulimpah kok camat lah pensiun tentara alah bebas tugas inyo baliak jadi urang darai, duduak samo randah kok tagak samo tinggi jo masyarakat di nagari. Nan ka di junjuang di hamba-hamba hanyo niniak mamak tapi anak bininyo dunsanak jo kapanakan konco sapalankin pun tatap urang biaso ndak ado tampek nepotisme di Minangkabau. Bahkan pamimpin tauladan hanyolah nan basifat mamandikan kudo, tajun dahulu masuk aia bukan sarupo mamandikan anjiang nan mamarentah dari tapi jalan jauh mantang awak kapalo desa ka di samabah-sambah dek urang banyak indak ado carito urang mambungkuak-bungkuak mananti titah dari baliau No Way kato anak mudo kini.
--------------------------------- Finding fabulous fares is fun. Let Yahoo! FareChase search your favorite travel sites to find flight and hotel bargains. --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Tapi harus mendaftar dulu di: https://www.google.com/accounts/NewAccount dengan email yang terdaftar di mailing list ini. -~----------~----~----~----~------~----~------~--~---
