Inyiak Sunguik di tapi ombak nan badabua,
LPM Marapalam ko dimulai dari niek baiyo batido di rumah gadang pak Rainal Rais
Dt. Rajo Sati Nan Mulie antaro mak Dutamardin, pak Afrijon Ponggok Katik Basa
Batuah & ambo 11 April 2011 nan lalu di Kanagarian Sulik Aia, X Koto Diateh
Kab. Solok.
Ambo kiro salaruik salamo nan ko indak mangecek-ngecek surang sajo, baa kok
baitu? Sabab salaruik salamo nan ko LPM Marapalam alah melakukan beberapa hal,
antaro lain adolah :
1. Karajosamo jo Ikatan Keluarga Lintau Buo (IKLB) Juli 2011 nan lalu
untuak ma-onlinekan 9 nagari,
2. Mancubo membantu pendampingan website nagari di Minangkabau,
Sungayang & Tanjuang di kec. Sungayang, Tanah Datar bulan Mei 2011 nan lalu.
Selama pendampingan berlangsung, alhamdulillah kito bisa lewakan salah satu
siswa berprestasi nagari Tanjuang nan ditarimo di IPB nan indak punyo biaya &
dibantu lansuang oleh perantaunyo bundo Ida Hasan di USA.
3. Kudian karajosamo jo DPP PKDP sarato Pemkab Padang Pariaman sajak
November 2011 untuak ma-onlinekan 60 nagari di Padang Pariaman, nan Januari
2012 kapatang alah online 5 website nagari di Kec. IV Koto Aua Malintang
bakarajo samo jo Ikako Amal. Insya Allah habih rayo nan akan datang akan kito
usahokan 10 nagari di kec. IV Koto, Kec. Padang Sago & Kec. Patamuan akan
diusahokan online pulo bakarajosamo jo IK VII Koto Bersatu. Selain itu, di Kec.
Sungai Limau, Kec. Batang Gasan, Kec. V Koto Kampuang Dalam sarato Kec. V Koto
Timur alah kito lakukan survey lapangan, tingga kapado IK-IK masing-masing
untuak mampasamokannyo.
4. Membantu Solok Saiyo Sakato (S3) dalam Musyawarah Adat bulan Maret
2012 nan lalu, insya Allah babarapo nagari-nagari di Kab. Solok nan ko akan
kito usahokan pulo pendampingan website nagari pado maso nan akan datang. Alah
ado pembicaraan ka arah sinan, insya Allah akan dilakukan pabilo IK-IK alah
maambiak keputusan untuak itu.
5. Pendampingan website nagari di kec. Lubuak Sikapiang Kab. Pasaman di
nagaria Pauah & nagari Aia Manggih. Alhamdulillah nagari Aia Manggih manang
lomba kompetensi wali nagari untuak tahun 2012 nan ko.
6. Mancubo maadokan event Minangkabau Youth Camp di Kanagarian Talang
Babungo, Kec. Hiliran Gumanti Kab. Solok bakarajosamo jo Solok Saiyo Sakato
(S3) & Mappas. Namun dek ulak mak Asmun Sjuieb jo mak MC Baridjambek hal mantun
indak terjadi kesepahaman antaro 3 organisasi nan ko.
7. Nan kini, sadang maaupayokan pendampingan website nagari di Kec.
Sumpur Kudus Kab. Sijunjuang. Insya Allah nagari Sumpur Kudus & nagari Sumpur
Kudus Selatan akan kito cubo untuak ma-onlinekannyo.
Kok namuah Inyiak Sunguik lakukan searching di google dengan keyword 'LPM
Marapalam' ambo kiro akan basobok babarapo tentang tulisan, foto & video
mengenai kegiatan LPM Marapalam, baiak di media IT sarupo blog, facebook,
youtube ataupun media cetak Sumbar.
Kok kurang tanggapan nan ado di milis nan ko,ambo kiro tapulang kapado nan ado
di milis nan ko. Selain itu, seluruh kaba tantang LPM Marapalam selalu indak
malewakan namo pribadi, sabab nan di LPM Marapalam nan ko indak manjua namo
doh, labiah diusahokan ateh namo basamo.
Khusus untuak kampuang ambo sendiri di kanagarian Kubang, kec. Guguak, Kab. 50
Koto, insya Allah indak manggunokan ateh namo LPM Marapalam, sabab ambo kiro
dengan komunikasi jo Ikatan Keluarga Kubang (IKK) hal iko bisa diusahokan
surang, insya Allah. Beko timbua pulo curito sumbang kalau disabuik manggunokan
fasilitas LPM Marapalam untuak membantu nagari surang.
Saat kini, LPM Marapalam alah pulo peralatan dari sumbang perantau, antaro lain
:
1. 2 Unit LCD Monitor 19" sumbangan organisasi perantau dari suatu
kecamatan di Padang Pariaman
2. 2 unit Notebook dari sumbangan perantau asa Padang Pariaman nagari
Kurai Taji domisili Jakarta.
3. Peralatan nan lain masih mamakai milik pribadi & pinjam sana sini,
yaitu 3 CPU & 5 LCD Monitor basarato 1 unit infokus, 1 unit VGA Spliter, 1 unit
kamera digital pocket, 1 unit camera DLSR Canon 30D, 2 tripod, 1 modem ADSL, 2
Modem USB sarato manual & kabel-kabel.
4. Sumbangan dari perantau asa Padang Pariaman domisili USA untuak
nagarinyo sejumlah 4 unit CPU & 4 Unit LCD 19" Samsung sarato 3 modem USB nan
akan disumbangkan ka nagari sampai kini masih kito simpan dengan baik sampai
wakatu pendampingan di kanagarian mantun akan kito laksanakan (survey alah
dilakukan - namun pemerintahan nagari sampai kini alun bisa baiyo batido).
ket : seluruh nama donatur baiak organisasi & perorangan indak kami sebutkan,
dengan alasan semoga nan manyumbang mantun ikhlas dan tidak menimbulkan sifat
riya.
Mengenai namo web mantun, Inyiak Sunguik tunggu sajolah daulu, sabab ambo baru
tibo bana di Sumpu kini setelah menempuh perjalanan basamo-samo pak wali jo
kendaraan roda 2 nan panuah peralatan sarato pakaian, sabab selain membuek
dokumentasi sarato melatih perangkat jo pemuda nagari, ambo akan tingga di
Sumpur Kudus hinggo tanggal 22 Juli 2012 nan ko.
wasalam
AZ/lk/34th/caniago
Sumpur Kudus - Sijunjung
asa nagari Kubang, 50 Koto
babako ka Canduang Koto Laweh, Agam
________________________________
Dari: sjamsir_sjarif <hamboc...@yahoo.com>
Kepada: rantaunet@googlegroups.com
Dikirim: Rabu, 4 Juli 2012 2:46
Judul: Re: [R@ntau-Net] LPM Marapalam : Pendampingan Website Nagari Sumpur
Kudus - Sijunjung
Ondeh, tambah rindu awak jo Lembah Sumpu
Udaro barasiah jo langik biru
Tukang foto manyumbang inspirasi baru
Untuak dikenang generasi baru
Angku Zulkarnain,
Mamang ado ambo caliak duo tigo websites Rang Mudo barasa dari Sumpu, namun
tampaknyo susah maimbaunyo. Permah MakNgah mahubuangi mareka, mambuek komentgar
di websites mereka, namun indak ado baleh kabar barita. Nan rajin cuma anggota
awak angku Rinal. Tanpa inyo barito Sumpu pun agak kabua. Panah juo ambo
hubuangi Walinagari Sumpu, namun tampaknyo agak kurang gesit juo baemail ka
lua. Buya Maarif pun jarang carito.
Rasonyo nan bakotat-kotat di internet tantang Nagari Sumpu ko saroman awak
batigo sajo, angku Zulkarnain, Inal, jo MakNgah.
Untuak tambahan saran, barangkali angku Zulkarnain maulang jalehkan apo tu "LPM
Marapalam", "Pendapingan Website" dsb; acok didanga dari postiang angku, tapi
mungkin indak banyak urang nan jaleh tahu. Apo status LPM Marapalam tu, apo
galehnyo, struktur hubuangan organisasinyo jo badan-badan parusahaan-parusahaan
lain, baitu juo jo Lapau/Rantaunet. Mudah-mudahan dengan keterangan agak
saketek, dapek dijalehkan, supayo angku Zulkarnaihn indak payah mangecek-ngecek
surang sajo, tapi saroman basorak madok arah ka dindiang tabiang di Lembah
Harau...
PS. Apo namo website Nagari Sumpu tu?
Salam,
--MakNgah
Sjamsir Sjarif
Rang Bunian Rimbo Sumpu, July 3, 2012
--- In rantau...@yahoogroups.com, Armen Zulkarnain <emeneschoobie@...> wrote:
>
>
>
> Assalammualaikum wr wb
>
> Angku, mamak, bundo sarato dunsanak sapalanta nan dirakhmati Allah azza
> wajalla,
>
> Melalui milis nan ko ambo kabakan, insya Allah pendampingan website nagari di
> nagari Sumpur Kudus, Kab. Sijunjung akan dilakukan 2-3 hari ka muko.
> Pendampingan nan ko saroman jo cluster Lubuak Sikapiang nan didampingi LPM
> Marapalam bulan April 2012 nan lalu, dimano dilakukan atas inisiatif
> pemerintahan nagari tanpa dukungan dari organisasi perantau. Alah bacubo
> malewakannyo sajak bulan Mei 2011 nan lalu, namun indak juo tampak sinyal
> perantau untuak membantu nagari nan ko.
>
> Dek karano itu, Wali Nagari Sumpur Kudus Nasirwan Domo tadi siang manjapuik
> kami di Padang untuak maansua-ansua hal iko dalam babarapo pertemuan. Nan
> kini hanyo bisa kito lakukan sampai manjalang bulan suci Ramadhan tibo, sabab
> ambo harus babaliak ka kampuang kutiko bulan puaso alah datang untuak
> maansua-ansua apo nan bisa dilakukan dek karano Ikatan Keluarga Kubang (IKK)
> akan pulang basamo pado Aidil Fitri tahun 2012 nan ko.
>
> Semoga kaba nan ko bisa disampaikan kapado seluruh anak nagari Sumpu dimano
> sajo barado & semoga sajo bisa menjadi media komunikasi untuak mempererat
> silaturahim antaro pemerintahan nagari jo perantau. Insya Allah dalam pakan
> nan ko akan kito liput tradisi bakaua di Kanagarian Sumpu Kudus, sahinggo
> dokumentasi foto & videonyo bisa disharing pado media IT nan ko.
>
>
> Sumpur Kudus Makkah Darek, aienyo janiah ikannyo jinak
> Kasiaknyo putiah tabiangnyo landai
> Bajak tingga di sawah, basahan tingga di tapian indak ilang
> Rando bajalan surang bak anjiang lapeh bakungkuang
> Dago dagi pambari malu sumbang salah laku parangai
> Kalau bajalan hak pangulu, bapantang kusuik indak ka salasai
> Dago dagi pambari malu, sumbang salah laku parangai
> Mulo badiri nagari Sumpu, dek basidang di Batu Balai
>
>
> http://www.faceofindonesia.com/wak-emen/photo/5041/sawah-rajo-sumpur-kudus
>
>
> wasalam
>
> AZ/lk/34th/caniago
> Sumpur Kudus - Sijunjuang
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
