*RABAH : ROTETAN BANUA BUBUHANNYA*
Di banua kita, lamun ada lalakian nang sudah kawin, tapi kada baisi bini, disambat urang, inya tu lalakian balu. Duda jar basa rasmi. Lamun ada babinian nang sudah kawin, tapi kada baisi laki, disambat urang, inya tu babinian balu. Janda jar basa rasmi. Ana nang balu lantaran nang bini atawa nang laki mati badahulu, tapi ada jua nang balu lantaran ditinggal tajun, lari jar basa rasmi. Dipadahakan tajun, sabab rumah urang di banua sorang tu tinggi, batangga, kada balapak di tanah. Sama jua lamun urang batakun: . . . si anu sudah turunkah? . . . Turun, maksudnya tulak atawa bajalan. Lamun: . . . si anu sudah naikkah? . . . Naik, maksudnya bulik atawa datang. Lamun: . . . ui bubuhannya lakasi naikkan . . . Naik, maksudnya masuk atawa kadalam . . . [image: laughing-mouse-mirror.gif]
