សេចក្តីប្រកាសព័ត៌មានបិទកិច្ចប្រជុំពេញអង្គលើកទី៥
របស់ចៅក្រម និងសហព្រះរាជអាជ្ញា ថ្ងៃទី៦ ខែមីនា ឆ្នាំ២០០៩ ចាប់ពីថ្ងៃចន្ទទី២ ដល់ ថ្ងៃសុក្រទី៦ ខែមីនា ឆ្នាំ២០០៩ អង្គជំនុំជម្រះវិសាមញ្ញក្នុង តុលាការកម្ពុជា បានរៀបចំកិច្ចប្រជុំពេញអង្គលើកទី៥របស់ខ្លួន នៅសណ្ឋាគារ កាំបូឌីយ៉ាណា នារាជធានីភ្នំពេញ។ កិច្ចប្រជុំពេញអង្គនេះមានគោលបំណងសំខាន់ដើម្បីពិភាក្សាសំណើវិសោធនកម្មលើ វិធានផ្ទៃក្នុងរបស់អង្គជំនុំជម្រះវិសាមញ្ញនៃតុលាការកម្ពុជា ចំនួន៣០ វិធាន។ វិធាន ចំនួន ២៧ ត្រូវបាអនុម័តិ។ ភាគច្រើននៃវិសោធនកម្មទាំងនេះ គឺឆ្លុះបញ្ចាំងពីកិច្ចខំប្រឹង ប្រែងជួយសម្រួលឲ្យរលូន ឬការធ្វើឲ្យប្រសើរឡើងនូវ បញ្ហាបច្ចេកទេសមួយចំនួនតូច ផងដែរ។ វិសោធនកម្មទាំងនេះត្រូវបានរៀបចំក្នុងគោលបំណងបង្កើនប្រសិទ្ធិភាព និងពន្លឿន នីតិវិធីចំពោះមុខអង្គជំនុំជម្រះទាំងអស់នៃអង្គជំនុំជម្រះវិសាមញ្ញក្នុងតុលាការកម្ពុជា។ រួមមាន៖ * ការពន្លឿនការផ្តល់នីតិសម្បទាដល់អ្នកស៊ើបអង្កេត * ការពន្លឿននីតិវិធីសម្រាប់កោះហៅសាក្សី កាលពីមុនមានរយៈពេលអប្បបរមា សម្រាប់ការកោះហៅ និងបង្ហាញខ្លួនចំពោះមុខអង្គជំនុំជម្រះមានចំនួន៥ថ្ងៃ។ * ការសម្រេចថា ពេលចៅក្រមបម្រុងមានជម្ងឺ ឬពុំអាចចូលរួមក្នុងកិច្ចដំណើរការ នីតិវិធីបាន គឺមិនអាចរារាំងដល់កិច្ចដំណើរការនីតិវិធីនៅចំពោះមុខអង្គជំនុំ ជម្រះទេ។ * ការបញ្ជាក់ឲ្យច្បាស់អំពីអំណាចរបស់អង្គជំនុំជម្រះពាក់ព័ន្ធនឹងសាក្សី ឬ ភស្តុតាងបន្ថែម។ * ការដកចេញនូវលក្ខខណ្ឌតម្រូវដែលថាសាលក្រមស្ថាបពរត្រូវចេញក្នុងរយៈ ពេល៩០ថ្ងៃ គិតចាប់ពីថ្ងៃសវនាការចុងក្រោយ ដោយពិចារណាដល់ភាព ស្មុគស្មាញ និងទំហំនៃរឿងក្តីនៅចំពោះមុខអង្គជំនុំជម្រះវិសាមញ្ញក្នុងតុលាការ កម្ពុជា។ * ការបញ្ជាក់ឲ្យច្បាស់ថានៅពេលណាភាគីដើមបណ្តឹងរដ្ឋប្បវេណីត្រូវបាន តំណាងដោយមេធាវី គឺមេធាវីជាអ្នកត្រូវធ្វើសារណាតាមផ្លូវច្បាប់នៅចំពោះមុខ អង្គជំនុំជម្រះ មិនមែនភាគីដើមបណ្តឹងរដ្ឋប្បវេណីខ្លួនឯងទេ។ វិសោធនកម្មនេះ ពុំបានកម្រិតសិទ្ធិរបស់ភាគីដើមបណ្តឹងរដ្ឋប្បវេណីទេ ប៉ុន្តែបានកែប្រែរបៀបនៃ ការអនុវត្តសិទ្ធិទាំងនេះ ដោយហេតុថា នៅចំពោះមុខកិច្ចដំណើរការនីតិវិធីនៃ អង្គជំនុំជម្រះវិសាមញ្ញក្នុងតុលាការកម្ពុជា មានភាគីដើមបណ្តឹងរដ្ឋប្បវេណីច្រើន សន្ធឹកសន្ធាប់ និងថាការជំនុំជម្រះនឹងមិនបញ្ចប់បានលឿនទេ ប្រសិនបើភាគី ដើមរដ្ឋប្បវេណីត្រូវបានអនុញ្ញាតឲ្យធ្វើអន្តរាគមន៍នៅគ្រប់រឿងនៅគ្រប់តំណាក់ កាលនៃកិច្ចដំណើរការនីតិវិធីទាំងអស់នោះ។ * វិសោធនកម្មទាំងនេះមិនអនុវត្តចំពោះករណីដែលភាគីដើមបណ្តឹងរដ្ឋប្បវេណី កំពុងត្រូវបានសួរ និងពុំរារាំងភាគីដើមបណ្តឹងរដ្ឋប្បវេណីក្នុងការឆ្លើយសំណួរ ដែលអង្គជំនុំជម្រះសួរគាត់នោះទេ។ * ការបញ្ជាក់ឲ្យបានច្បាស់ និងសម្រួលបណ្តឹងសាទុក្ខនៅចំពោះមុខអង្គជំនុំជម្រះ សាលាកំពូល។ វិសោធនកម្មទាំងនេះ ត្រូវបានធ្វើឡើងនៅមុនពេលអង្គ ជំនុំជម្រះសាលាកំពូលចាប់ផ្តើមបំពេញមុខងាររបស់ខ្លួន។ ការរៀបចំដូច្នេះគឺ ដើម្បីធានាឲ្យបាននូវភាពត្រៀមខ្លួនរួចរាល់ជាមុននៃអង្គជំនុំជម្រះសាលាកំពូល ដើម្បីឲ្យអង្គជំនុំជម្រះនេះអាចគ្រប់គ្រងទំហំនៃសំណុំរឿងរបស់ខ្លួនបាន។ នៅថ្ងៃចុងក្រោយនៃកិច្ចប្រជុំពេញអង្គ ប្រធានស្តីទីនៃការិយាល័យរដ្ឋបាល និងមន្ត្រី ជាន់ខ្ពស់ផ្នែកគ្រប់គ្រងតុលាការ ព្រមទាំងប្រធានអង្គភាពជនរងគ្រោះ បានធ្វើបទ ឧទ្ទេសនាមត្រួសៗជូនកិច្ចប្រជុំពេញអង្គអំពីបញ្ហាប្រឈមជាច្រើននៃការគ្រប់គ្រងការ ជំនុំជម្រះក្តី ដែលបញ្ហាទាំងនេះបណ្តាលមកពីការចូលរួមពីជនរងគ្រោះដែលមាន ចំនួនច្រើន នៅក្នុងកិច្ចដំណើរការនីតិវិធីនៃអង្គជំនុំជម្រះវិសាមញ្ញនៃតុលាការកម្ពុជា។ ការចូលរួមរបស់ជនរងគ្រោះគឺជាលក្ខណៈពិសេសមួយនៃកិច្ចដំណើរការនីតិវិធីនៃ អង្គជំនុំជម្រះវិសាមញ្ញនៃតុលាការកម្ពុជា។ ការអនុវត្តដែលពាក់ព័ន្ធនឹងការចូលរួមរបស់ ជនរងគ្រោះនេះ កំពុងត្រូវបានឃ្លាំមើលយ៉ាងជិតដិតបំផុត ដោយសាលាក្តីអន្តរជាតិ នានា ជាពិសេសគឺតុលាការព្រហ្មទណ្ឌអន្តរជាតិ ដែលមានលក្ខន្តិកៈនិងវិធានស្រដៀង គ្នានឹងវិធានរបស់អង្គជំនុំជម្រះវិសាមញ្ញនៃតុលាការកម្ពុជា។ ប្រធានផ្នែកកិច្ចការ សាធារណៈបានធ្វើបទបង្ហាញជូនកិច្ចប្រជុំពេញអង្គអំពីសកម្ម ភាពចុះផ្សព្វផ្សាយដល់ មូលដ្ឋានរបស់ផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជា ផងដែរ។ --~--~---------~--~----~------------~-------~--~----~ The articles and commentaries on this forum reflect only the personal opinion(s) of the poster(s) and not that of any organization or group with which the moderator(s) is (are) affiliated. A forwarded message or event may be posted for informational/educational purposes. Unless specifically stated, no endorsement of the posted opinions/events should be implied. You received this message because you are subscribed to the Google Groups "Angkorian Society" - <http://groups.google.com.au/group/angkoriansociety> -<www.geocities.com/angkorian_society> Keep away from bad deeds, Do good, and Purify the Mind ...This is the teaching of the Buddha..... To post to this group, send email to [email protected] To unsubscribe from this group, send email to [email protected] To subscribe from this group, send email to [email protected] -~----------~----~----~----~------~----~------~--~---
