Jorge wawqi masi: Lurañanakaxa, taqi tuqina kunay mani: jach'a, jisk'a; jasaqis, chharjtutasa; impiñusa, jayapachatakisa. Kunti yant'asipkta kust'atapachäwa; sitï ukhamachisti walikiwa luratanakamaxa. Kunjamsa yatiwayayasta kunjamasa Miguel Icasa tataxa, mexico markata utt'ayayi "proyecto Gnome". Ukhamarusa ch'manchatawaytawa khiti waynanakaryxa utt'ayapxi kunti wakisi nayrt'añataki. Taqi unkanakaxa kusakiwa. Kunti jan walikikitxa akanakawa: sawaytawa: "los estados pobres como los nuestros de Perú, Bolivia y, aunque con algunas resalvas, Chile en los procesos educativos.". "que nosotros, miembros de países y grupos pobres," Taqi jach'a markanakaxa pobre sutimpiwa uñt'apjistu. Taqi wakiwinakana ukhama sutimpiwa yanpatapxistu. Pobretaki. Jiwaspachapawa uka suti qatuqastan, jiwaspapchawa uka sutixa kanakañasaru tukuytan. Pobrija jan kunani, ch'usa, wajcha. Ukhama sutinakaxa walt'atawa: explotado (ch'amsuta), sometido (alt'ayata), esclavo (supari-paquma), sumiso (alita). CSUTCB arst'apanxa ucht'atawa "Oprimidos pero no vencidos". Jilirinakaxa arst'apxiwa ukhama pobrinakxa sarthapiyañani, sapxiwa. Pobre aruja janiwa kankañasakiti, pobri aruja kuntiru puriwaytan ukawa. Ukhamaru puritataxa colonialismo laykuwa sistanwa. Ñanqha jaqinakat puritaruwa. Ukham sipapnxa ukhamapapchawa. Jan ukaxa sañani jiwasanakpachawa ukhamaru puriña yant'astan. Ukata ukhamaru puriwaytan. Sañani, wajcha, jan kunani, pobre, janiwa jiwasanakana kankañasakiti. Pobriruxa puriwaytanwa. Kankañasaxa janiwa mayjt'añatakikiti, kankañasaxa janiwa mayjt'aspati. Jiwasanakaxa, jilirinakasan t'aqa t'aqa sarnaqataparuwa utt'astan jan kunani, wajcha, jan khitini, pobre. Ukhamaxa puriwaytanwa ukhamaru. Kunaruti puriwaytan mayjt'awayañajamawa. Kunataru puritaxa janiwa wiñanyatakiti. PuritaruxA makhikiwa mayjt'aysna. Ukanakampixa sañ munawaytwa, Bolivia markanaxa ukhamraki walja kutiwa ukhama amuyt'awi radio tuqita arst'ata. Waljaniwa chuymaru uchasipxi sasina: Janiwa pobriktanti. Kanakañasaxa janiwa pobrikiti. Pobriruwa puriwaytan. Atipjt'añani pobriru puritaxa, mayjt'ayañani. Qili wawqi masi Jorge. Ukch'akiwa. Yaqha urkama. Roman Crespo
_____________________________________________ Lista de discusión Aymara http://aymara.org/lista/lista.php _____________________________________________