Sampurasun, Lain sakali dua kali, dina ieu Milis atawa milis lianna, madungdengkeun masalah percaya atawa kapercayaan. Anu sok jadi masalah nyaeta dina hal argumen, dasar atawa dalil anu jadi dasar eta kapercayaan. Biasana, kapercayaan teh sok dipabentarkeun jeung elmu (sains). Ari kapercayaan mah dipercaya heula kakara neangan dasar argumen atawa bukti, eta oge lamun sakirana perlu jeung aya kadaek; lamun hanteu nya cukup ku percaya bae. Beda pisan jeung elmu (sain).
Kitu umumna..... Lamun urang talete tur daria kana elmu anu kuurang sok dipake dina kahirupan sapopoe, loba elmu anu geus jadi kayakinan. Maksud teh elmu anu urang sorang teu ngati atawa teu nyaho naon sababna kitu. Sabab, urang geus percaya ceuk si Anu, atawa numutkeun hukum "Anu" eta teh kitu.... Elmu (sains) kiwari geus jadi mitos (kapercayaan). Ieu masalah kiwari jadi wacana "post-modernisme"; anu ngajukeun kritik "efistemologi" kana efistem sains (elmu) modern. Salah sahiji kritik (bahasan) post-modernisme teh nyaeta nolakna ilmu modern kana potensi-potensi alamiah manusia, nyaeta potensi "spiritual" anu ku manusia tradisional dijadikeun dasar dina ngabangun elmu pangaweruhna. Masalah objetivitas jeung subjektivitas elmu jadi masalah anu kawilang narik....... (tos heula hal ieu duka dieu heula...) Tah... dina seuh seuhanna, urang sok pabaliut anu kumaha anu disebut elmu, jeung anu kumaha anu disebut kapercayaan . Terus... naon atuh bedana. Persoalan anu pang pikalucueunana (pikasebeleun...), utamina sok aya pabentar antara naon anu disebut kapercayaan (biasana sok disebut mitos) jeung agama.... padahal, mun teu salah (pasti bener) dua-duana oge dasarna sarua, "percaya", lain bukti empirik! Meureun anu ngabedakeunana ngan "aing percaya, atawa aing teu percaya"... bener jeung salah sarua teu boga dasarna..... Atuh cenah aing percaya kusabab aya dalilna (dalil agama contona), atuh kapan bener jeung teu benerna dalil oge kumaha kapercayaanana... dalah dina hal dalil oge pan dina seuseuhanana mah urang teh lain percaya kana dalilna, tapi percaya kana tafsirna....; naha ditapsirkeun kitu atawa kieu..? eta oge gumantung kana kayakinan atawa kapercayaan urang dina nangtukeunana...(enya kitu?). Malah ceuk HHM tea mah, dina hal agama, urang lolobana mah lain percaya ka pangeran atawa kana dalil, tatapi kusabab percaya ka guru atawa kolot urang. Nya... model urang percaya (yakin ilmiah) ngeunaan E=mc2, atanapi anu lianna, percaya kusabab ceuk batur eta teh bener...., terus kuurang dipake...., atawa dipercaya. Bener hantena, jaminana kapercayaan urang ka Einstein...., Enistein dianggap bener jaminanana buku (informasi) jeung guru urang...... Wah....pabalieut pokona mah.....; sabab urang mah lolobana sabage konsumen elmu lain produsen ilmu..... Asa ngacapruk nulis teh... (padahal biasa oge ngacapruk, teu pernah bener).... Geus heula ah tepi ka dieu heula.... AG/bdg http://groups.yahoo.com/group/baraya_sunda/ [Ti urang, nu urang, ku urang jeung keur urang balarea] Yahoo! Groups Links <*> To visit your group on the web, go to: http://groups.yahoo.com/group/Baraya_Sunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
