> Setelah Kerajaan Sunda-Pajajaran runtuh (1579/1580) akibat > gerakan pasukan Banten dalam usaha menyebarkan agama Islam di > daerah Jawa Barat, Tatar Ukur menjadi wilayah kekuasaan Kerajaan > Sumedanglarang, penerus Kerajaan Pajajaran.
Sampurasun, Manawi teu kaabotan sareng teu ngabaribinan, sim kuring seja tumaros perkawis hubungan antawis karajaan-karajaan di tatar Sunda (anu ditungtungan ku Pajajaran jeung Sumedanglarang) jeung Karajaan Cirebon jeung Banten. Maksad sim kuring, naha Karajaan (Kasultanan) Cirebon sareng Banten teh mangrupa Karajaan anu tiasa (kudu) ditinggali sabage bagian integral tina sajarah Karajaan Sunda atawa bagian anu kudu dipisahkeun, teu dianggap sabage bagian tina sajarah karajaan Sunda? Sabage babandinganna kieu: lamun urang nitenan sajarah karajaan-karajaan di Jawa (di luar Jawa Barat), Karajaan Mataram (Kasultanan Mataram) sok digunemcaturkeun sacara integral (sabeungkeutan) jeung sajarah Majapait jeung anu lianna anu aya samemeh kasultanan Mataram. Anu ngabedakeun antara Majapait (jeung karajaan lianna) jeung Kasultanan Mataram umumna ngan dina periodisasi sajarah dumasar kana "ageman" sanes sajarah etnis (bangsa-na). Sanan, anu jadi Raja Mataram masih (dianggap) uranhg jawa keneh. Sahingga, Kasultanan Masih dianggap sabage sajarah karajaan di Jawa. Tah...., sim kuring sok ngarasa (bingung jeung geer meureun kasebutna, tina kadoipan pangaweruh sim kuring) jeung nangkep kesan yen aya cara pandang ti sabian ageung kalangan anu mandang yen karajaan-karajaan Sunda teh ngalaman "diskontinuitas" ku "tilem"-na Karajaan Pajajaran jeung ku gumelarna Karajaan Cirebon jeung Banten. Naha? sabab, sim kuring sok ninggalai kesan anu terusurat oge anu tersirat dina wacana ngeunaan sajarah Sunda jeung sajarah kabudayaan Sunda: yen Kasultanan Cirebon jeung Banten mah lain bagian integral tina sajarah Sunda, malah sok disebut sabagi ulon-ulon anu jadi sabab Karajaan Sunda ancur. Tapi ketang, lameun mah memang ku tilemna Pajajaran jeung gumelarna Kasultanan Ciremonteh mangrupa kanyataan "diskontinuitas" tina sajarah Sunda, sim kuring kudu oge meureun bisa narima eta kanyataan. Hiji tinimbangan anu meureun kudu ditinggali (leupas tina bener/hanteuna yen Kasultanan Cirebon&Banten mangrupa bagian lain tina Sajarah Sunda), nyaeta bakal aya pandangan yen memang Cirebon jeung Banten bener-bener kudu misah ti Jawa Barat (Sunda Priangan).... Ieu hal memang geus lain hariwangkeuneun deui, da geus kajadian, hususna Banten.... Kumaha tah Baraya Sunda sadayana? Kuring Anu Laif.... AG./bdg. http://groups.yahoo.com/group/baraya_sunda/ [Ti urang, nu urang, ku urang jeung keur urang balarea] Yahoo! Groups Links <*> To visit your group on the web, go to: http://groups.yahoo.com/group/Baraya_Sunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/