Sampurasun, Sateuacanna sim kuring nuhun pangampura jeung ma'lumna ti sadaya, lain rek nyanyahoan komo asa pang nyahona mah.....
Ngeunaan IAIN/UIN/STAIN sabage Perguruan Tinggi (Lembaga Akademik) tangtuna lain hiji lembaga anu diwengku ku hiji atawa sababaraha madzhab atawa aliran pamikiran agama anu tangtu. UIN Bandung contona teu pernah nangtukeun boh sacara langsung atawa henteu langsung, kitu oge sacara formal atawa teu formal ngeunaan aliran atawa madzhab pamikiran kagamaanana anu "dianut". Kusabab kitu di UIN Bandung teu ngenal istilah "virus" pemikiran (agama, filsafat, budaya, atawa naon bae) anu dianggap berbahaya.... Aya oge anu disebut bahaya mah nyaeta virus anu nimbulkeun jeung ngaakibatkeun mahasiswa jeung sakumna civitas akademika UIN ngalaman mandeg atawa teu kreatif mikir, ilang kakritisan, ngaakibatkeun sikap teu ngahargaan pikiran anu lian boh anu sarua (saaliran) nya kitu oge anu teu saaliran. Conto soal ngeunaan buku Harun Nasution, teu pernah dianggap sabage aliran pemikiran anu nyimpang atawa ngabahayakeun, kitu oge buku karya H.M. Rasidi anu ngritik buku Harus Nasution (Islam Dipandang Dari berbagai Aspek) oge hanteu dianggap hal anu aneh. Sabab ari anu ngarana kritik pemikiran di dunia akademik mah lain ngan saukur biasa malah kudu dihirupkeun, di biasakeun malah dihangkeutkuen .. UIN lain sapeti pasantren anu dipimpin ku hiji Kyai atawa Ajengan anu ngabogaan otoritas mutlak pikeun nangtukeun aliran pemikiran jeung madzhab agama sarta nangtukeun kurikulum anu kudu diajarkeun sarta kitab anu kudu dibaca sarta dijadikeun "kiblatna". Dalah, di UIN mah taya anu disebut "mayotitas" pemahaman/madzah atawa minoritas; komo nimbulkeun silih teken atawa silih teror mah...... Intina taya ajaran/aliran/madzhab pemikiran kaagamaan anu haram di UIN/IAIN/STAIN. Di UIN, sabage lemabaga akademik, saha oge (dina harti anu sabenerna) bisa silih sanghareupan (masamoan dina widang elmu) kalayan silih hargaan, silih rojong; lain ngan saukur basa-basi.... Atuh cenah sacara metodologis, di UIN kiwari populer metode/pendekatan hermeneutika anu biasana dipake studi al-Kitab (Kitab Suci Kristiani) teu pernah jadi masalah, paling copel keur ngabuktikeun/nguji naha bener eta metode cocok/teu cocok pikeun studi al-Qur'an. Sabenerna mah "penggunaan" metode import dina studi kaislaman lain hal anu aneh atawa anyar. Sabab, Imam Syafe'i bae anu (lamun teu salah) ngalahirkeun metode Qiyas dina nagtukeun hukum seuh-seuhanna mah ngimpor/ngaadopsi tina metode berpikir logina Aristoteles (Analogi); Nya kitu oge Ilmu Mantik, anu umumna diajarkeun di pasantren boh pasantren Modern atawa Pasantren Tradisional (Salaf), mangrupa terjemah tina Organon-na Aristoteles. Anehna Ilmu Mantik (Logika, cutatan jeung tarjamah tina Organon karya Aristoteles) teh diajarkeun di pasantren anu oge ngaharamkeun Filsafat (pan aneh ?). Conto lain, teori causalitas (sebab-akibat) anu populer dina Ilmu kalam (teologi Islam) anu sok dijadikeun argumen pembuktiaan ayana Pangeran teh pan salah sahuji bagian inti tina pemikiran Metafisikana Aristoteles. Atuh cenah aya hiji metode atawa teori atawa disiplin ilmu bakal ngabahayakeun jalma? moal kanyahoan lamun teu pelajari, teu dikritisi. Teu bisa, bener jeung hanteu benerna ilmu (metode/teori/displin elmu), ngan didasarkeun kana kacurigaan atu tanpa panaluntikan kalayan daria. Lamun ngarujuk kana hadits Nabi yen ari nu ngarana elmu mah ti mana bae kudu dipelajari, diulik hatta ti "nagara Cina". Jaman Nabi, nagari Cina mangrupa hiji bangsa/nagara anu pangjauhna ti jazirah Arab anu tingkat Peradabanna (ilmu pangaweruhna) pangpunjulna. Memang, kiwari UIN/IAIN/STIN keur ditunjuk curuk, dituduh (istilah ieu mah masih keneh sopan jeung lumrah) sabage lembaga anu nyebarkeun jeung jadi lulugu pamurtadan pedah ngajarkeun filsafat barat, ngayakeun dialog/diskusi ngeunaan Ahmadiyah (Urang Ahmadiyahna diundang jeung dihargaan kalayan dihiap-hiap) jeung rea-rea deui. Tapi da eta mah resiko... Saperti resiko hiji guru anu dicarekan ku kolot anak didikna kusabab aya ank didik anu ngaroko di kelas... terus eta guru dituduh geus ngajarkan ngaroko ka murid-muridna; atawa aya muris anu ngagunakeun Narkoba, terus eta sakola/guru dianggap ngajarkeun make narkoba ka muridna...... (hade nya cara mikirna...., hohohohooo). Tos heula ah . engke diteraskeun deui lamun sakirana dianggap perlu .. biasi kaburu emosi.....pan awwwooonnnnn! AG./bdg. http://groups.yahoo.com/group/baraya_sunda/ [Ti urang, nu urang, ku urang jeung keur urang balarea] Yahoo! Groups Links <*> To visit your group on the web, go to: http://groups.yahoo.com/group/Baraya_Sunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
