Baheula, lamun teu salah di akhir taun 1970'an, di majalah Intisari aya nukilan buku memoarna RAA Martanagara, bupati Bandung di akhir abad ka 19 jeung di awal abad ka 20. Cenah ieu hiji-hijina memoar nu dijieun ku birokrat pribumi di jaman kolonial. Memoar ieu ditulis make basa walanda jeung lamun teu salah dimedalkeun di Walanda (manawi kang RH terang?).
Nu kuring inget, keur budakna RAA Martanagara jeung dulurna (hilap deui saha, tapi sigana Pangeran Suria Atmaja) ku sepuhna di Sumedang (bupati Sumedang) dipiwirang "nyantri" ka pelukis kasohor, RADEN SALEH keur diajar basa Walanda jeung "tata cara" urang Walanda/ Eropa. Raden Saleh, menak Jawa, pelukis, kungsi mgumbara mangtaun- taun di Eropa, hirup dikalangan kaum elite Eropa di jaman harita. Saterasna Raden Saleh tumetep di Bogor(?). Tah RAA Martanagara teh nganjrek sareng diajar ka pelukis kasohor ieu. DIna memoarna, seueur dicaritakeun kumaha pangalaman RAA Martanagara sabage birokrat di jaman harita. Sigana aya saena ieu buku ditarjamahkeun kana Basa Sunda/Indonesia. Cik saha tah nu tiasa milarian buku ieu? ....atawa nu gaduh majalah Intisari di akhir taun 1970/ awal 1980, didinya aya judulna ....ngan make basa Walanda. Baktos, WALUYA
