Kang Waluya,
Soal sajarah : kuduna, anu diajarkeun ka barudak sakola teh lain ngan ukur
carita atawa dongeng Diponogoro atawa Imam Bonjol, tapi esensi perjoangannana.
Ceuk pamanggih kuring, esensi perjoangannana nyaeta : tong daek dipaksa kudu
nurut ka batur, tong daek dijajah deungeun. Lamun protes ku jalan leuleuy teu
bisa, nya kudu baruntak.
Tapi aya risikona oge lamun urang Papua sadar kana esensi eta. Meureun ceuk
maranehna teh : baheula dijajah urang Walanda, ayeuna dijajah urang Jawa. Jadi
kudu baruntak ?
Unggal taun, biasana bulan Agustus, daftar pahlawan Indonesia sok nambahan.
Pamarentah sok ngangkat pahlawan anyar. Diusahakeun, kudu aya pahlawan ti
unggal provinsi/suku bangsa. Utamana pahlawan perjoangan fisik ngalawan
Walanda. Jadi seuneu kaceceub ka penjajah terus ngagedur, jeung sumebar di
unggal daerah.
Biasana sakola sok dibere kabebasan nambahan local content, kana
pelajaran-pelajaran nu dibikeun ka murid. Dina palajaran sajarah, sakola bisa
nambahan carita pahlawan-pahlawan lokal. Misalna sakola di Jakarta bisa
nambahan carita Abang Jampang atawa Si Pitung. Atuh sakola di Garut bisa
nambahan carita si Andi Jago Tutugan (he 3x). Urang Bandung kudu maca komik
Mohamad Toha, Mohamad Ramdan atawa Sersan Bajuri. Urang Sukabumi bisa nambahan
carita Mayor Oking (?) atawa Kapten Harun Kabir (?).
Tong mercayakeun teuing palajaran ka guru di sakola. Sakali-sakali barudak
urang kudu "dilempengkeun" pamahamannana ngeunaan pelajaran-pelajaran sosial.
Kitu Kang : ngacapruk diwales ngacapruk ...
waluya56 <[EMAIL PROTECTED]> wrote: Slogan
"Bhineka Tunggal Ika" teh mirip jeung slogan Nagara Amerika
Serikat "Unity In Diversity" (koreksi lamun kuring salah). Kitu deui
lambang nagara papada sarua Manuk Heulang. Duka saha nurutan saha,
ngan nu jelas Amerika Serikat leuwih kolot tinimbang Indonesia. Tapi
Lamun founding father Indonesia nu nurutan Amerika, sabenerna mah teu
masalah, sabab niru acan tangtu goreng.
Ngan .... lamun niru bin nurutan, kekecapan "Bhineka Tunggal Ika" teh
kaasup anyar, lain kecap heubeul nu geus aya ti baheula keneh,
sanajan ieu kecap make basa kuno (teu apal naha Jawa Kuno atawa
Sansekerta). Tah kulantaran make basa kuno ieu, kadang-kadang bangsa
urang (Indonesia maksud teh), ngarasa bangsa nu kolot pisan,
ngaleuwihan kakolotan bangsa-bangsa sejen. Padahal nu kolot teh
etnikna : Sunda, Jawa, Bali ...jst, lain Indonesiana. Naha di antara
etnik-etnik ieu aya kekecapan jeung wawuh kana " Bhineka Tunggal
Ika?" ....ah nya
duka teuing.
Bhineka Tunggal Ika hartina ngahargaan teu kasaruaan (teu saragam).
Tapi dina praktekna malah sagalana kudu saragam. Tempo we dina
Pelajaran Sajarah di Sakola, nu diajarkeun teh saragam sakuliah
Indonesia. Padahal naon hartina Pangeran Diponegoro keur urang Papua
jeung urang Ambon? atawa Imam Bonjol keur urang Sunda?.
Akibatna loba urang Indonesia teu apal sajarah daerahna sorangan. Teu
apal kana sajarah bisa ngakibatkeun kareueus oge leungit. Kareueus
leungit gede akibatna sabab bisa keleungitan identitas nu bakal
gampang pisan kapangaruhan ku budaya luar. Matak teu aneh lamun Urang
Indonesia loba nu tuturut munding nurutan budaya batur. Mending lamun
anu alusna, lamun nu gorengna?
Cag ah ...sakieu ngacapruksna hehehehehe
Baktos,
WALUYA
_
---------------------------------
Ahhh...imagining that irresistible "new car" smell?
Check outnew cars at Yahoo! Autos.
[Non-text portions of this message have been removed]
