Kang Maman,
Jadi inget basa jaman ulubiung di LSS (Lingkung Seni Sunda) ITB baheula. Gurat
badagna, kompetensi anggota teh bisa dibagi jadi 3 kategori : aya anu boga
bakat di senina, aya anu resep jadi konseptor jeung organisasina, aya oge anu
ukur ngareuah-reuah.
Anggota anu boga bakat dina seni, sanggeus dilatih, bisa dipintonkeun di kampus
atawa diluar. Ku jalan kitu LSS bisa miboga kinerja.
Anu kuat dina konsep jeung organisasi biasana bisa diandelkeun lamun nyieun
proposal, neangan waragad keur acara tepung taun, jadi pengurus, jadi ketua
panitia, manajemen latihan, nyieun buletin, jeung sajabana.
Anu ngan ukur bisa ngareuah-reuah oge lain tuna partisipasi. Jadi tukang antar
jemput anggota istri lamun aya acara peuting. Atawa jadi anggota panitia,
babantu itu ieu.
Dina kahirupan sapopoe oge sigana kitu. Teu bisa urang ngajujurung Kang Burhan,
master nyuling, jadi Kepala Dinas Kebudayaan misalna. Baheula kungsi aya
polemik dina PR, antawis Dedy S. Iskandar (novelis) jeung hiji budayawan Sunda.
Ceuk si budayawan, karya Dedy henteu miboga ajen seni. Ceuk Dedy, si Budayawan
bisana ngan ukur ngomong, tapi karya nyatana enol. Polemik kawas kieu moal aya
tungtungna. Alusna mah, masing-masing digawe nurutkeun kabisana masing-masing.
Kahayang kang Maman sangkan urang Sunda ngeusian jabatan-jabatan penting, rada
hese realisasina, lamun nungguan inisiatif datang ti individu. Aya halangan
kultural, di urang mah arang keneh anu wani ngomong muji maneh yen manehna
geus qualified keur jabatan itu ieu. Kudu aya organisasi independen anu
ngokolakeun. Tapi kudu aya database kader-kader anu potensial. Mun bisa mah
jeung CVna sakalian sangkan kanyahoan naon kompetensina, jeung naon karyana nu
bisa jadi bukti kompetensi eta, jeung bukti rasa cintana ka Ki Sunda.
Kuring kungsi nempo, geus terbit Direktori Orang Sunda anu eusina ngaran jeung
informasi urang Sunda anu geus boga ngaran. Direktori ieu bisa jadi cikal bakal
database nu dimaksud di luhur. Bisa ditambahan ku, misalna, inohong-inohong ti
kampus.
Mudah-mudahan Agenda Kang Maman gancang jadi kanyataan.
Cag
Maman Gantra <[EMAIL PROTECTED]> wrote: Opat
Agenda Politik Urang Sunda
Sanajan kaitung resep kana kasenian atawa kabudayaan, malah kungsi kapeto
jadi redaktur kebudayaan pisan, kuring satemenna sok sinis kana kasenian atawa
kabudayaan teh. Malah, beh dituna, siga nu teu parok atawa teu percaya kana
naon nu disebut profesionalisme dina harti cara mikir nu percaya yen tiap
pagawean (profesi) miboga fungsi sewang-sewangan, teu kaci miboga peran ganda.
..................
Kukituna, saheulaanan, agenda politik urang Sunda teh aya opat: Hiji,
mekarkeun pipikiran para budayawan jeung seniman Sunda. Ka dua, ngahudangkeun
kasadaran politik urang Sunda. Ka tilu, nempatkeun urang Sunda nu nyunda di
DPRD. Ka opat, nempatkeun urang Sunda di DPP partai-partai nu aya.
Kunaon budayawan deui budayawan deui? Di heunteu-heunteu kuring masih
ningali potensi jeung posisi strategis maranehna. Ongkoh, aya nu nyebutkeun:
Urang Sunda mah kabeh budayawan. Maksudna? Nya, teuing. Kuring mah tukang
nanya. Lain purah ngajawab.
Salemba Tengah, 21 Agustus 2006
Maman Gantra
Jalan Salemba Tengah 51,
Jakarta 10440.
0812-940-5441
-
---------------------------------
Ahhh...imagining that irresistible "new car" smell?
Check outnew cars at Yahoo! Autos.
[Non-text portions of this message have been removed]
