> From: richadiana kartakusuma > aneh puguh...ari keur nanjeurkeun bangsa keur kahadean KEOK > ari maehan dulur bisa
Bangsa nu LIMPEURAN cenah Ambu, tara daek diajar ka mangsa katukang. Lamun macaan sajarah, Tatar Parahiangan teh ti saprakna pasukan Sultan Agung nyerebu rek newak Dipati ukur 400 taun katukang, aman jeung tingtrim. Na ari geus merdeka, malah jadi tempat campuh. Pun Aki almarhum mah ari nyebut jaman kolonial teh JAMAN NORMAL ...hehehe. Da meureun enya, aman jeung tingtrim. Beda waktu geus Merdeka, pun Aki ngungsi ti lembur da diudag-udag ku Walanda disangka pro republik. Geus Walanda indit, lembur lain beuki aman, "gorombolan" maceuh. Hirup di lembur kacida teu amanna. Peuting sieun ku gorombolan, beurang sieun ku tantara. Lembur tatangga lembur kuring, beak diduruk. Mang Imang, OKD (Hansip lamun ayeuna mah) nu katelah jago, dipeuncit dina tetecean imahna ...... Tapi anehna Ambu, carita katelengesan ieu, beuki ngaleungit, sarerea PARAROHO, atawa meureun LIMPEURAN tea ... Baktos, WALUYA
