Wilujeng gabung didieu Mang Ucup.. Sok tong asa-asa Mang.., didieumah tiasa ngacaprux sakadaek, teu aya aturan nu jelas, teu aya moderator, dipiwarang ngatur nyalira we hehehe.. Nu ngadamel ieu milis kaleresan urang Walanda oge, Kang Rahman, boa tatanggana Mang Ucup :-)) Sae Mang, emut keneh ka basa Sunda, sanaos tos 40 taun linggih di LN.
Baktos, Maria ----- Original Message ----- From: mangucup88 To: Baraya_Sunda@yahoogroups.com Sent: Wednesday, July 16, 2008 11:04 AM Subject: [Baraya_Sunda] Sampurasun...Nepangkeun - Mang Ucup Sampurasun. Para wargi sadaya nu ku sim kuring dipikahormat. Unjuk uninga, wasta pribados teh mang Ucup. Kawit ti Bandung nu kiwari ngumbara di nagri Belanda, kirang langkung tos 40 tahun langkung. Alhamdulillah umur mah tos cueut ka hareup, 66 tahun. Pun bojo asal Semarang. Anak sinareng incu mah tos reuay. Isin nyebatkeunana. Taya sanes pamaksadan teh, sajabina bade silaturachmi, oge aya pamundut hoyong ngiring ulubiung, ngareuah-reuah dina kagiatan Milis Urang Sunda. Manawi bahan katampi. Pangemut pribados, mudah-mudahan teu lepat, Milis Urang Sunda teh mangrupikeun hiji wadah para intelektual Sunda nu reueus kagungan perhatosan kana budaya Sunda. Kukituna, pribados ngintunkeun naskah ka Milis Baraya Sunda nganggo basa Sunda. Etang-etang diajar wae. Namung hapunten, malahmandar aya basa nu garihal, teu payus kana undak usukna. Sanaos ari cumarios sadidinten mah, sareng bojo miwah pun anak, berekah pribados teh sok nganggo basa Sunda. Sanaos bari rada amburadul oge. Hapunten anu kasuhun, kaluhur sausap rambut kahandap sausap dampal, malah mandar engke seseratan pribados kapayun, tangtos seueur kakirang sareng lepatna. Tetebiheun atuh kana sae sareng leres mah. Mugia ngamaklum bae. Rupina sakitu wae pamundut pribados. Papungkas catur, taya sanes hatur nuhunsarebu kali nuhun kana perhatosan sinareng panampianana para wargi sadaya di Milis Baraya Sunda. Rampes, Mang Ucup. Nu teu weleh nineung kana kasundaan Email: [EMAIL PROTECTED] Homepage: www.mangucup.net No virus found in this incoming message. Checked by AVG - http://www.avg.com Version: 8.0.138 / Virus Database: 270.5.0/1555 - Release Date: 2008-07-16 06:43 [Non-text portions of this message have been removed]
