Rek mayar hutang leuleutikan, anjuk injeum teh kudu dibayar he he he... Ulah ngajeblug lin. Tapi dalah dikumaha rada katalikung rek nawuran hutang teh euy! :(( R
Ieu heula, sigana mah rada urgen oge. > 1. Gaji (deui-deui gaji-matre pisan! heuheu....). Bade tumaros, > saupami standar gaji perbulan di walanda kanggo engineer di widang > perkapalan (pangalaman 10 taun) sabaraha nya? Perkara gajih di NL mah standar na ditaur ku UU. Ngan tiap sektor beda2, tergantung gede leutik na pasar. Boh pasar pagawe boh pasar pagawean. Makin hese neangan pagawe (lantaran pagawean unik?) maikn gede daya tawar na. Prinsip pergajihan di NL bisa diadurenyomkeun. Mun hayang teges sabaraha2 na mah kudu dipaluruh deui langsung nu gawe di dinya. Cek ieu link urusan perkapalan: http://scheepsbouw.startpagina.nl/ Tip ti kuring. DI NL mah salian gajih, anu kudu diadurenyomkeun mah masalah tunjangan di luar gajih. Samisal asuransi, perimahan, uang jalan, duit liburan ... eh ketah ieu mah standar di NL mah, tipa taun para pagawe WAJIB meunang duit liburan anu loba na 8% tina jumlah gajih kotor sataun na. Cindek na... tanyakeun naon gajih sekunder na! > 2. Kaperluan hirup per bulan di walanda sabaraha, asumsi na kulawarga > di bawa jeung hirup diditu.. Kaperluan hirup di NL teu bisa disatndarkeun, tergantung di mana rek cicing na. DI Randstad misalna, sacara umum leuwih mahal tinimbang di porvisi sejen na. Ngan anu kudu dipikirkeun teh, paimahan, transpor jeung asuransi. > 3. Bahasa, naha bahasa inggris dipake ditempat kerja? Basa Inggris di NL geus jadi basa kadua. Sacara umum urang bisa komunikasi make basa Inggris di mana bae oge. Malah mah loba pausahaan anu make basa panganteur Inggris alatan loba pausahaan NL anu multinasional. > 4. Kebebasan beribadah, Sakaterang kuring, walanda ijid pisan ka Rek ibadah, rek teu ibadah MOAL aya nu garah geureuh. Sacara umum urang NL teu pati relijius. Najan aya keneh oge anu fundamentasilitis saperti di RI. Nu penting kumaha urang na. Mun urang natamu, nya kudu ngaluyukeun maneh jeung pribumi. Loba tamu di NL anu parakatengteng leuwih ti pribumi. Sacara umum, aya dua masjid. Masjid Turki atawa Maroko. Mun asup ka masjid Turki mah hutbah na dina basa Turki. Kuring mah can nharti keneh he he he. Mun milu jumaahan di masjid Turki amin na laun. Kade ulah amiiiin nyelengkeung sorangan, pikaeraeun! :)) Kaalam ku kuring waktu mimiti asup ka masjid Turki. Di masjid Maroko make basa Arab Magrib. Ngan sok loba nyarekan Marik jeung Israel dina hutbah na! Lieur!!!! ;)) Masjid RI aya oge di Den Haag. Ceuk beja mah didanaan ku Kang Probosutejo. Kang Probo meuli urut gareja, ayeuna jadi masjid. Mun rek ngaji mah, mendingan indit ka perpustakaan bae ... da pabalatak! Bacaeun perkara naon bae oge da nyampak!:))) > 5. Sign board di tempat2 umum, ngangge bahasa walanda? bisik jadi > lieur, ke nyasab teu bisa balik ka imah.... Tong sieun nyasar, NL mah nagara sagede pelok! ;)) > 6. Bilih aya masukan nu lain na.....(manawi.....harga minyak > bensin..?? jsb) kanggo perbandingan... Harga bengsin kaitung mahal, bisa jadi pangmahal na di Eropa. Super saliter na ayeuna kl. 1,65 euro. Mun hayang murah kudu indit ka Jerman, Belgia, Luxemburg atawa sakalian ka Spanyol. Beda na bisa 50 sen euro per liter na. baktos, Rahman
