> "Rahman" <[EMAIL PROTECTED]> wrote: > Kumaha rame lebaran teh Kang W? Rame di jalan sigana mah? :))
Rame Kang, hampura kakara dijawab ayeuna, atuda kacida capena. Poean lebaran, jam opat sore kuring sakulawrga miang ka Bandung, datang ka imah jam 7 peuting. Awak kacida lungsena da maleman takbiran kurang sare, tapi lain ku takbiran .... sono ngobrol jeung dulur nu arang panggih. Pas poean lebaran, teu bisa reureuh da silahturamni kaditu- kadieu. Di imah, ngan sapeuting, isukna miang deui ka cibadak Sukabumi. Untung teu macet ti Bandung tepi ka rek ka kota Sukabumi mah, ngan waktu rek asup ka kota Smi, macet ti Sukaraja keneh. Kaluar ti Kota Sukabumi, keuna deui macet di Cisaat. Datang ka imah adi pamajikan teh geus rek magrib. Isukna, tadina mah rek ulin di Smi teh, wah ningali macet dimana-mana mah jadi haroream kaluar, nyirekem we di imah adi, kaluar teh pedah jumaahan ka masjid. Balik ka Bandung peuting, jam 12 tepi ka imah. Beres weh acara lebaran teh .... Ngan isukna, HP kuring disada, singhoreng KANG SETIAWAN nu di Kobe Jepang tea, nelepon, cenah manehna keur di Garut di mitohana. Ditawaran nganjang ka Bandung, tapi cenah waktuna samporet pisan, sabab dua poe deui (poe ieu), kang Setiawan kudu balik deui ka Jepang. Hanjakal pisan teu papendak, paamprok-jonghok ..... Baktos, WALUYA
