Baraya, Kuring meunang panalek di jalur handap perkara babandingan antara agama impor jeung lokal. Kongkritna ngadukeun antara Islam jeung Agama Sunda (AS).
Dina eta panalek teh dipasang jurus2 anu ngabandingkeun Islam jeung AS: 1. Saha Rabb-na? 2. Saha Nabina? 3. Naon Kitab Sucina? 4. Solat jeung syahadatna? 5. Kamana kiblatna? 6. Naha aya sawarga jeung naraka? 7. Iraha agama Sunda mimiti na? Kuring rek ngajawab make jalur terbuka, susuganan bisa jadi bahan pikiraneun balarea. Kuring jadi gagaro teu ateul oge maca pertanyaan di luhur. Naon sabab na? Pertanyaan anu salah kaprah ieu teh. Siga nanya masalah matematik make istilah kimia! Teu nyambung. Urang analogikeun we, ngarah gampil kahartina. Make analogi dahar jeung tatacara dahar. Urang Sunda pituin baheula (oge ayeuna) dahar sangu, sambel jeung lalab. Daharna andiprek, ngahuap make ramo. Terus aya tatatcara dahar impor ti Prancis misal na. Dahar na dina meja, ngadahar kentang jeung daging, make piring porselen, dihuapkeunana make garpuh jeung peso. Etiket dahar Sunda jauh bumi ka langit jeung etiket dahar Prancis. Tapi urang anu MAKE etiket dahar Parncis teu bisa kitu wae nganggap salah etiket dahar Sunda. Pan tujuanana ngan ukur hiji, dahar teh ngarah beuteung seubeuh lin. Cara na mah.... kumaha masing2! Balik kana pertanyaan di luhur. Ieu mah bet siga nanya tatacara dahar Sunda, make standar tatacara dahar Prancis. Anu di tanya: 1. mana meja na? 2. Mana garpuhna? 3. mana peso na? 4. jlte...jltes... Nya teu nyambung atuh! Sabab standar (agama)impor beda jeung agama pituin! Hiji hal anu sarua.... najan kumaha oge cara dahar na, udaganana mah sarua, HAYANG SEUBEUH! he he he.... Neangan Pangeran mah, kumaha we cara na mah. Teu kudu ngarasa boga jalan pangalusna. Kuring jadi Islam ge LAIN meunang milih. Ah, kabeneran we, kulantaran dilahirkeun di kulawarga muslim Sunni. Mun lahir di Tibet, boa2 kuring jadi Dalai Lama? ;)) Kaharti teu nya mun dijawab siga kitu? :))) baktos, Rahman baktos, Rahman
