Naon hartina ieu babasan teh? Anu jelas nunjukkeun hiji situasi kakagok, karempan jeung nunujukkeun sikep sieun ku bisi.
Ieu teh salah sahiji mind set urang Sunda? Bisa jadi kitu. Sabab ieu babasan teh sering pisan kadengena. Naha ieu sikep teh ngandung harti yen bangsa urang teh TEU boga lolongkrang jang mikir BEBAS sacara individu alatan kagok jeung sieun dina nunjukkeun argumen pribadi na? Dina basa Walanda, aya oge babasan anu sarupa. Mond vol tanden hartina... sungut pinuh ku huntu. Tapi ieu babasan teh diterapkeun lain alatan ku sieun, tapi nunjukkeun hiji situasi dina hiji diskusi. Hiji peserta diskusi teu bisa ngajawab atawa mere argumen anu hade. Jadi weg sungut na pinuh ku huntu he he he. Ngabelekbek teu bisa ngajawab. Heurin ku letah teh hiji sikep nu negatif atawa positif? Sok ah.... obrolkeun euy! baktos, Rahman
