Wednesday, July 31, 2013 អាមេរិកគាំទ្រឲ្យមានការស៊ើបអង្កេតភាពមិនប្រក្រតីលើការបោះឆ្នោត <http://2.bp.blogspot.com/-kYAnEN5EvEg/Ufjj1z3-SkI/AAAAAAAANC4/Adfb-fGrGl8/s1600/ppppppppp.PNG> *ភ្នំពេញៈ* ក្រសួងការបរទេសអាមេរិកកាលពីថ្ងៃចន្ទបានអំពាវនាវឲ្យអាជ្ញាធរ កម្ពុជាធ្វើការស៊ើបអង្កេតពេញលេញទៅលើ «រាល់របាយការណ៍ដែលអាចជឿជាក់បាន» អំពីការក្លែងបន្លំនៅក្នុងការបោះឆ្នោតជាតិ។ ក្រសួងការបរទេសអាមេរិកបានសម្តែងក្តីបារម្ភដោយសារតែបញ្ហាកើតឡើង ទាំងនៅថ្ងៃបោះឆ្នោត និងមុនការបោះឆ្នោត។ នៅក្នុងសន្និសីទកាសែតខ្លីមួយនៅទីក្រុង វ៉ាស៊ីនតោន អ្នកនាំពាក្យក្រសួងការបរទេសអាមេរិក លោកស្រី Jen Psaki បានសរសើរប្រជាជនកម្ពុជា«ចំពោះការចូលរួមយ៉ាងសកម្មនិងដោយសន្តិភាព »នៅក្នុងការបោះឆ្នោតនេះ មុនថ្លែងទៅដល់ការអំពាវនាវសុំឲ្យមានការពិនិត្យទៅលើបញ្ហាមួយ ចំនួននៅក្នុងដំណើរការបោះឆ្នោតនិងអំពាវនាវឲ្យមានការស៊ើបអង្កេតទៅ លើភាពមិនប្រក្រតី។ ការអំពាវនាវនេះបានកើតមានភ្លាមៗបន្ទាប់ពីគណបក្សប្រឆាំងនិង សង្គមស៊ីវិលបានធ្វើការអំពាវនាវរបស់ខ្លួនសុំឲ្យមានការស៊ើប អង្កេតដូចគ្នានោះដែរ។
លោកស្រី Jen Psaki បានថ្លែងបន្តថា៖ «យើងបានអំពាវនាវជាប់ជានិច្ចឲ្យរាជរដ្ឋាភិបាលកម្ពុជាដោះស្រាយ គុណវិបត្តិជាប្រព័ន្ធគុណវិបត្តិជាប្រព័ន្ធមានដូចជា បញ្ហាចុះឈ្មោះអ្នកបោះឆ្នោត និងលទ្ធភាពមិនស្មើភាពគ្នាចំពោះប្រព័ន្ធផ្សព្វផ្សាយ»។ «យើងអំពាវនាវឲ្យមានការស៊ើបអង្កេតតម្លាភាពនិងពេញលេញទៅលើរាល់ របាយការណ៍ដែលអាចជឿជាក់បានចំពោះភាពមិនប្រក្រតីដែលកើតឡើងនៅ ក្នុងដំណើរការបោះឆ្នោត»។ លោកស្រី Jen Psaki បានបន្តទៀតថា ក្រសួងការបរទេសសហរដ្ឋអាមេរិកនឹង«តាមដានយ៉ាងដិតដល់» ទៅលើព័ត៌មានដែលផ្សព្វផ្សាយដោយគណៈកម្មាធិការជាតិរៀបចំការ បោះឆ្នោត និងបានសង្កត់ធ្ងន់ថា ការស៊ើបអង្កេតណាមួយក៏ដោយ ត្រូវតែមានលក្ខណៈសមរម្យមួយដែលអាចជឿជាក់បានដោយប្រជាជនកម្ពុជា។ បើទោះជាគណបក្សសង្គ្រោះជាតិនិងអង្គការសង្គមស៊ីវិល បានអំពាវនាវឲ្យមានការបង្កើតស្ថាប័នស៊ើបអង្កេតឯករាជ្យ មានសមាសភាពចូលរួមពីភាគីពាក់ព័ន្ធទាំងអស់ អ្នកនាំពាក្យស្ថានទូតអាមេរិកប្រចាំនៅក្រុង ភ្នំពេញ លោក Sean McIntosh បានថ្លែងថា ៖ «ជាគំនិតល្អ វាគួរតែជា គ.ជ.ប» ដែលធ្វើការស៊ើបអង្កេតនេះ។ តែទោះយ៉ាងណាក្តី លោក Sean McIntosh បានបន្ថែមថា ស្ថានទូត«កំពុងប្រាប់ទៅកាន់សង្គមស៊ីវិលដើម្បីប្រមូលគំនិតរបស់ពួក គេផងដែរហើយ...កំពុងទទួលបានព័ត៌មានច្រើនឡើង»។ លោកស្រី មូរ សុខហួរ អ្នកតំណាងរាស្រ្តគណបក្សសង្គ្រោះជាតិ បានថ្លែងកាលពីម្សិលមិញថា គណបក្សនឹងនៅស្នើសុំឲ្យមានគណៈកម្មការឯករាជ្យនៅក្នុងលិខិតមួយ ផ្ញើទៅ គ.ជ.ប នៅថ្ងៃនេះប៉ុន្តែបានបន្ថែមថា លោកស្រីមានសេចក្តីរីករាយជាមួយនឹងជំហររបស់អាមេរិក។ លោកស្រី ថ្លែងថា៖ «សហរដ្ឋអាមេរិកឈរលើលទ្ធិប្រជាធិបតេយ្យក្នុងដំណើរការបោះឆ្នោតសេរី និងយុត្តិធម៌ហើយអាមេរិកតែងតែប្រកាន់ជំហរបែបនេះ យើងគាំទ្រជំហរនោះរបស់អាមេរិក»។ ការទូរស័ព្ទជាបន្តបន្ទាប់ទៅអ្នកនាំពាក្យនៃទីស្តីការគណៈរដ្ឋ មន្ត្រី លោក ផៃ ស៊ីផាន និងលោក ឯក ថា មិនទទួលបានការឆ្លើយតបទេ កាលពីម្សិលមិញ ខណៈអ្នកនាំពាក្យអង្គភាពព័ត៌មាននិងប្រតិកម្មរហ័សនៃទីស្តីការ គណៈរដ្ឋមន្រ្តីលោក ទិត សុធា បានបដិសេធមិនធ្វើអត្ថាធិប្បាយ ដោយថ្លែងថា «ជាប់រវល់»។ លោកស្រី Catherine Ashton នៃការិយាល័យតំណាងជាន់ខ្ពស់របស់សហភាពអឺរ៉ុបសម្រាប់កិច្ចការបរទេស បានចេញសេចក្តីថ្លែងការណ៍មួយកាលពីថ្ងៃចន្ទលើកឡើងថា ការបោះឆ្នោតនេះរាងមានសភាពស្ងប់ស្ងាត់។ ប៉ុន្តែសេចក្តីថ្លែងការណ៍នេះបន្តថា៖ «ទោះជាយ៉ាងណាក្តី តំណាងជាន់ខ្ពស់របស់សហភាពអឺរ៉ុបមានការសោកស្តាយដែលអាជ្ញាធរ មិនបានចាត់វិធានការចាំបាច់ទាំងឡាយដើម្បីដោះស្រាយបញ្ហាមួយចំនួន ដូចជាការធ្វើឲ្យប្រសើរឡើងនូវភាពជឿជាក់បាន ចំពោះបញ្ជីឈ្មោះអ្នកបោះឆ្នោតការធានាឲ្យមានលទ្ធភាពស្មើភាពគ្នា ចំពោះប្រព័ន្ធផ្សព្វផ្សាយ និងការការពារមិនឲ្យមានការប្រើធនធានរដ្ឋរួមមានដូចជា ការប្រើក្នុងសកម្មភាពឃោសនាការបោះឆ្នោតដោយមន្រ្តីរាជការ និងយោធា»។ ឯកអគ្គរដ្ឋទូតសហភាពអឺរ៉ុបប្រចាំកម្ពុជា លោក Jean-Francois Cautain បានបដិសេធមិនធ្វើអត្ថាធិប្បាយអំពីថា តើសហភាពអឺរ៉ុបនឹងគាំទ្រការស៊ើបអង្កេតប្រភេទនេះ ឬយ៉ាងណា បន្ទាប់ពីមានការអំពាវនាវដោយសហរដ្ឋអាមេរិក។ ស្ថានទូតបារាំងក៏បានបដិសេធមិនផ្តល់អត្ថាធិប្បាយដូចគ្នាដែរ អំពីការស៊ើបអង្កេតនេះ បើទោះបីជាអ្នកនាំពាក្យស្ថានទូតនេះ លោក Nicolas Baudouin នៅក្នុងអ៊ីមែលកាលពីម្សិលមិញបានសម្តែងនូវ «ការសោកស្តាយដែលមានឧប្បត្តិហេតុមួយចំនួនបានកើតឡើង» ហើយបានអំពាវនាវឲ្យភាគីទាំងអស់ «ដោះស្រាយជម្លោះតាមផ្លូវច្បាប់ និងដោយសន្តិវិធី»៕ PS *រាយការណ៍បន្ថែមដោយៈ KEVIN PONNIAH* Posted by អ្នកស្រែ at 5:16 PM<http://ki-media.blogspot.ca/2013/07/blog-post_9991.html> <http://www.blogger.com/email-post.g?blogID=14854511&postID=8350783345954865456> -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org --- You received this message because you are subscribed to the Google Groups "Cambodia Discussion (CAMDISC) - www.cambodia.org" group. To unsubscribe from this group and stop receiving emails from it, send an email to [email protected]. For more options, visit https://groups.google.com/groups/opt_out.
