De : samrainsypa...@googlegroups.com [mailto:samrainsypa...@googlegroups.com] De la part de Chit Samlot Envoyé : vendredi 16 octobre 2015 08:03 À : samrainsypa...@googlegroups.com Objet : [SAMRAINSYPARTY-For] មេដឹកនាំស្តីទីបក្សប្រឆាំងផ្ញើសារ «ដូរឬមិនដូរ?» តទល់នឹងសារនយោបាយរបស់បក្សកាន់អំណាច មេដឹកនាំស្តីទីបក្សប្រឆាំងផ្ញើសារ «ដូរឬមិនដូរ?» តទល់នឹងសារនយោបាយរបស់បក្សកាន់អំណាច លោក កឹម សុខា មិនបាននិយាយចំៗទៅដល់អ្នកនយោបាយរូបណាដែលប្រើសារបង្កប់ន័យគំរាមកំហែងនោះទេ។ <http://gdb.voanews.com/71A9166B-4423-46D5-9E1B-B2EB890FDC0D_mw1024_s_n.jpg> លោក កឹម សុខា អនុប្រធានគណបក្សសង្គ្រោះជាតិ ចាកចេញពីអគាររដ្ឋសភាក្រោយពីមានការបោះឆ្នោតកាលពីថ្ងៃអង្គារទី២៦ ខែសីហា ឆ្នាំ២០១៤។ <http://khmer.voanews.com/author/24736.html> ហ៊ុល រស្មីVOA Khmer 16 តុលា 2015 ភ្នំពេញ— បន្ទាប់ពីបានថ្លែងប្រាប់អ្នកគាំទ្រគណបក្សប្រឆាំងឲ្យបញ្ឈប់ការរិះគន់ចំណុចអវិជ្ជមានរបស់គណបក្សកាន់អំណាច ដើម្បីត្រៀមខ្លួនចូលរួមការបោះឆ្នោតនាពេលខាងមុខ ដែលនឹងអាចនាំមកនូវការផ្លាស់ប្តូរមេដឹកនាំប្រទេស លោក កឹម សុខា អនុប្រធានគណបក្សសង្គ្រោះជាតិ បានផ្ញើសារនយោបាយមួយនៅលើទំព័រហ្វេសប៊ុករបស់លោកកាលពីថ្ងៃពុធ ដោយពន្យល់ពីភាពខុសគ្នានៃសារនយោបាយ «ដូរ ឬ មិនដូរ?» របស់លោក តទល់នឹងសារនយោបាយរបស់គណបក្សកាន់អំណាច។ លោក កឹម សុខា បានហៅសារនយោបាយរបស់គណបក្សកាន់អំណាចនោះ ថាមានលក្ខណៈគំរាមកំហែង និងបំភិតបំភ័យ។ លោក កឹម សុខា មិនបាននិយាយចំៗទៅដល់អ្នកនយោបាយរូបណាដែលប្រើសារបង្កប់ន័យគំរាមកំហែងនោះទេ តែសារនយោបាយរបស់លោក ធ្វើឡើងចំថ្ងៃតែមួយដែលលោកនាយករដ្ឋមន្ត្រី ហ៊ុន សែន បានផ្ញើសារនយោបាយមួយជូនប្រជាពលរដ្ឋខ្មែរឥស្លាម ឲ្យមានការប្រុងប្រយ័ត្នអំពីការឃោសនានយោបាយ ទាក់ទិនការផ្លាស់ប្តូរ ដែលអាចស្រដៀងគ្នានឹងការផ្លាស់ប្តូរនយោបាយក្នុងសម័យ ប៉ុល ពត និងការផ្លាស់ប្តូរនយោបាយដែលកំពុងកើតឡើងនៅតំបន់មជ្ឈិមបូព៌ា។ អនុប្រធានបក្សប្រឆាំងរូបនេះ បានពន្យល់ពីទស្សនៈនយោបាយ «ដូរ ឬមិនដូរ?» យ៉ាងដូច្នេះថា៖ «ខ្ញុំ កឹម សុខា ជាអ្នកដាក់ចេញនូវសារនយោបាយ «ដូរ ឬ មិនដូរ?» នេះ ជូនគណបក្សប្រើសម្រាប់ឃោសនាបោះឆ្នោត តាំងតែពីខ្ញុំនៅជាប្រធានគណបក្ស សិទ្ធិមនុស្ស រហូតមកដល់ពេលដែលខ្ញុំ ជាអនុប្រធានគណបក្សសង្គ្រោះជាតិ ហើយដែលពេលនេះ ខ្ញុំជាប្រធានស្តីទី គណបក្សសង្គ្រោះជាតិផង។ ខ្ញុំពេញចិត្តនឹងសារនយោបាយនេះណាស់ ព្រោះខ្ញុំយល់ថា វាមានន័យ ខ្លី ខ្លឹម ខ្លាំង មិនខ្លៅមិនគួរខ្លាច បើប្រជាពលរដ្ឋឃ្លានហើយនោះ។ ម្យ៉ាងទៀតសារនយោបាយនេះ គ្រាន់ជាសារសម្រាប់ដាក់ជូនម្ចាស់ឆ្នោតពិចារណា ដោយមិនបង្ខិតបង្ខំ មិនគំរាមកំហែង ដូចសារដែលអ្នកនយោបាយខ្លះដាក់ចេញក្នុងរូបភាព គំរាមកំហែងនោះទេ»។ អ្នកគំាទ្របក្សប្រឆាំង បានប្រើសារ«ដូរ ឬមិនដូរ?» នេះ ជាញឹកញាប់ នៅក្រោយការបោះឆ្នោតឆ្នាំ២០១៣ ដែលពេលនោះ តំណាងរាស្រ្តបក្សប្រឆាំងមិនព្រមទទួលស្គាល់លទ្ធផលនៃការបោះឆ្នោត ហើយ បានចោទថា លទ្ធផលនេះ ត្រូវបានគៃបន្លំ។ សារ «ដូរ ឬមិនដូរ?» ទំនងជាបានឮដល់លោកនាយករដ្ឋមន្ត្រីហ៊ុន សែនផងដែរ ពីព្រោះក្រុមអ្នកតវ៉ាលទ្ធផលឆ្នោត បានហែរក្បួនដោយការជិះម៉ូតូ និងម៉ូតូកង់បីកាត់តាមផ្ទះលោកនាយករដ្ឋមន្ត្រីនាពេលនោះ។ ទោះបីជាក្រុមប្រឆាំងប្រឹងស្រែកខ្លាំងៗជាមួយពាក្យ «ដូរ ឬមិនដូរ?»នេះក៏ដោយ លោកនាយករដ្ឋមន្ត្រី ហ៊ុន សែន ដែលក្តាប់អំណាចជាង៣ទសវត្សន៍ បានសម្ងំស្ងៀម និងមិនបានតបតអ្វីទេ។ ប៉ុន្តែលោកនាយករដ្ឋមន្រ្តី ហ៊ុន សែន បានវិលមករកសភាពដើមរបស់លោកវិញក្នុងការប្រើសារនយោបាយគំរាមកំហែង បន្ទាប់ពីគណបក្សកាន់អំណាចរបស់លោក បានចុះកិច្ចព្រមព្រៀងនយោបាយជាមួយគណបក្សសង្គ្រោះជាតិ នៅថ្ងៃទី២២ខែកក្កដាឆ្នាំ២០១៤ ដោយបញ្ចប់ការជាប់គាំងនយោបាយអស់រយៈពេលជិតមួយឆ្នាំ។ ចាប់តាំងពីពេលនោះមក លោកនាយករដ្ឋមន្ត្រី ដែលស្ថិតក្នុងតំណែងជាង៣០ឆ្នាំ ថ្លែងថា រដ្ឋាភិបាលរបស់លោក នឹងមិនប្រណីដល់ការប៉ុនប៉ងណាមួយដើម្បីផ្តួលរំលំរដ្ឋាភិបាលរបស់លោកនោះទេ ហើយក៏បានចំអកដល់សារនយោបាយ «ដូរ ឬមិនដូ?» របស់លោក កឹម សុខា ផងដែរ។ ក្រោយពីបញ្ចប់ពហិការប្រជុំសភា បក្សប្រឆាំង ពុំបាននាំមកនូវការផ្លាស់ប្តូរអ្វីច្រើន ក្រៅតែពីបានប្តូរមុខដំណែងមួយចំនួននៅក្នុងរដ្ឋសភាជាតិ និងស្ថាប័នបោះឆ្នោត។ សារនយោបាយគំរាមកំហែងរបស់លោកនាយករដ្ឋមន្រ្តី កាន់តែខ្លាំងឡើងៗទៅ នៅគ្រាដែលក្រុមអ្នកតំណាងរាស្រ្តបក្សប្រឆាំងមួយក្រុម ចាប់ផ្តើមសើរើបញ្ហាផែនទី និងព្រំដែនជាមួយវៀតណាមឡើងវិញ រហូតដល់លោកថ្លែងថា បើគណបក្សផ្សេងឡើងកាន់កាប់អំណាច ប្រទេសកម្ពុជានឹងជួបសង្គ្រាមក្នុងស្រុកផង និងសង្គ្រាមជាមួយប្រទេសក្បែរខាងផង។ ថ្មីៗនេះ លោកព្រមានថា ការផ្លាស់ប្តូរ អាចនឹងនាំប្រទេសកម្ពុជាឲ្យជួបវិបត្តិដែលកំពុងកើតមាននៅក្នុងមជ្ឈិមបូព៌ាប្រទេស បើគណបក្សរបស់លោក ឈប់ដឹកនាំប្រទេសកម្ពុជា។ លោកនាយករដ្ឋមន្ត្រីព្រមានយ៉ាងដូច្នេះ នៅក្នុងសារនយោបាយមួយដែលលោកបានបង្ហោះលើទំព័រហ្វេសប៊ុករបស់លោក និងផ្ញើជូនប្រជាពលរដ្ឋខ្មែរឥស្លាមកាលពីថ្ងៃពុធកន្លងទៅនេះ។ នៅក្នុងសារនោះ លោកនាយករដ្ឋមន្ត្រី ហ៊ុន សែន បានបញ្ជាក់ថា ប្រជាពលរដ្ឋខ្មែរឥស្លាម នឹងបាត់បង់ឱកាសម្តងទៀត ក្នុងការគោរពប្រតិបត្តិជំនឿសាសនា និងការអភិវឌ្ឍសហគមន៍របស់ពួកគេ ឬក៏ស្លាប់បាត់បង់ជីវិតដូចនៅសម័យខ្មែរក្រហម ប្រសិនបើពួកគេ ជឿទៅតាមការឃោសនានយោបាយណាមួយដែលនំាមកនូវការផ្លាស់ប្តូរ។ ទំនងជាចង់ឆ្លើយតបទៅនឹងលោកហ៊ុន សែន លោក កឹម សុខា បានបញ្ជាក់នៅក្នុងសារនយោបាយអំពីទស្សនៈដូរ ឬមិនដូរ? របស់លោកយ៉ាងដូច្នេះថា៖ «កន្លងមកខ្ញុំសង្កេតឃើញថា ប្រជាពលរដ្ឋខ្មែរជាច្រើន សូម្បីតែក្មេងៗមិនទាន់គ្រប់អាយុបោះឆ្នោត ក៏ចងចាំ ចូលចិត្តសារនយោបាយនេះដែរ។ ដោយឡែក មានតែអ្នកដឹកនាំខ្លះតែប៉ុណ្ណោះ ដែលប្រឆាំងទាំងទទឹងទិស នូវសារនយោបាយនេះ ទោះបីជា ខ្ញុំបានបញ្ជាក់ហើយ បញ្ជាក់ទៀតថា ខ្ញុំ និងគណបក្សសង្គ្រោះជាតិ ចង់ឲ្យមានការផ្លាស់ប្តូរ តាមរយៈ ការបោះឆ្នោតដោយសេរី ត្រឹមត្រូវ និងយុត្តិធម៌។ យើងមិនធ្វើតាមមធ្យោបាយហិង្សា មិនធ្វើបដិវត្តន៍ មិនធ្វើសង្គ្រាមបង្ហូរឈាមខ្មែរជាដាច់ខាតក៏ដោយ»។ ដោយឡែក អ្នកតាមដានការវិវត្តនយោបាយខ្មែរយ៉ាងដិតដល់ ហៅការផ្ញើសារនយោបាយឌឺដងដាក់គ្នារវាងមេដឹកនាំបក្សកាន់អំណាច និងបក្សប្រឆាំង ថាជាការអត់ប្រយោជន៍សម្រាប់ការកែលម្អចំណុចខ្វះខាតនៅក្នុងសង្គមខ្មែរដ៏ក្រីក្រមួយនេះ ដោយសារបក្សម្ខាងទាល់ច្រកក្នុងការរកផ្លូវដោះស្រាយវិបត្តិសង្គមដែលបានកើតឡើងរាប់សិបឆ្នាំមកហើយ ដូចជាអំពើពុករលួយ និងប្រព័ន្ធតុលាការមិនឯករាជ្យ ខណៈដែលម្ខាងទៀត ប្រឹងឆ្លៀតរកតែការកើនឡើងប្រជាប្រិយភាព ដើម្បីការផ្លាស់ប្តូរ ដោយគ្មានគំនិតគោលនយោបាយច្បាស់លាស់សម្រាប់ដឹកនាំប្រទេស។ លោក អ៊ូ វីរៈ ប្រធានវេទិកាអនាគត ដែលជាអង្គការស្រាវជ្រាវគោលនយោបាយក្នុងស្រុកមួយ មានប្រសាសន៍ប្រាប់ VOA ថា ការឆ្លើយឆ្លងសារនយោបាយវាយប្រហារគ្នានេះ គឺមិនបានផ្តល់ប្រយោជន៍អ្វីដល់ប្រជាពលរដ្ឋខ្មែរនោះទេ តែការណ៍នេះបង្ហាញថា អ្នកនយោបាយខ្មែរ អសមត្ថភាពក្នុងការដោះស្រាយបញ្ហាសង្គម ដែលកំពុងកើតមាន ដូចជាការទប់ស្កាត់ការចំណាកស្រុករបស់ប្រជាពលរដ្ឋទៅធ្វើការនៅក្រៅប្រទេសជាដើម។ «តាមពិតដោយសារខាងគណបក្សប្រជាជននោះ ជាពិសេស គាត់អត់ព្រមដោះស្រាយបញ្ហាជាច្រើនដូចជាបញ្ហាពុករលួយ បញ្ហាដែលគេរិះគន់ច្រើនដោយសារគាត់អត់ព្រម គាត់មិនដឹងឆ្លើយតបរបៀបម៉េច គាត់បន្លាចគេទៅ គាត់បំភ័យគេទៅ គាត់រករឿងសង្គ្រាមឬមួយក៏រឿងអស្ថិរភាពលើកចុះលើកឡើង។ ប៉ុន្តែ គណបក្សប្រឆាំង ក៏គាត់អញ្ចឹងដែរ ក្នុងពេលដែលគាត់និយាយ គាត់និយាយយក ប្រជាប្រិយភាព ប៉ុន្តែ គាត់អត់មានគោលនយោបាយ ឬក៏គំនិតច្បាស់លាស់ដែរហ្នឹង បើសិនជាយើងមើលទៅ។ អញ្ជឹងហើយ បាននយោបាយរបស់យើងហ្នឹង គឺអ្នកនយោបាយគ្មានសមត្ថភាពក្នុងការ យកគំនិតច្នៃប្រឌិតដោះស្រាយបញ្ហាជាតិ យកមកប្រកួតប្រជែងគ្នា ហើយការបរាជ័យហ្នឹង ការអត់សមត្ថភាពហ្នឹង គឺជាបរាជ័យមួយសម្រាប់ប្រទេសជាតិយើង ហើយបរាជ័យសម្រាប់ដំណើរការប្រជាធិបតេយ្យផងដែរ»។ លោកបញ្ជាក់បន្ថែមថា អ្នកនយោបាយខ្មែរ គួរយកការប្រណាំងប្រជែងគ្នាដោះស្រាយបញ្ហាជាតិ មកធ្វើឲ្យបានច្រើនជាងការយកពេលវេលាមកគិតរិះរកវិធីបំភ័យ និងផ្ចាញ់ផ្ចាលគូបដិបក្ខ ហើយនិងលាបពណ៌គ្នាទៅវិញទៅមក ដូចជាការចេញសារនយោបាយឌឺដងគ្នានេះជាដើម៕ -- -- The articles and commentaries on this forum reflect only the personal opinion(s) of the poster(s) and not that of any organization or group with which the moderator(s) is (are) affiliated. A forwarded message or event may be posted for informational/ educational purposes. Unless specifically stated, no endorsement of the posted opinions/events should be implied. You received this message because you are subscribed to the Google Groups "SAM RAINSY PARTY-FORUM". To post to this group, send email to samrainsypa...@googlegroups.com <mailto:samrainsypa...@googlegroups.com> To unsubscribe from this group, send email to samrainsyparty-unsubscr...@googlegroups.com <mailto:samrainsyparty-unsubscr...@googlegroups.com> For more options, visit this group at http://groups.google.com/group/samrainsyparty?hl=en --- You received this message because you are subscribed to the Google Groups "SAM RAINSY PARTY - FORUM" group. To unsubscribe from this group and stop receiving emails from it, send an email to samrainsyparty+unsubscr...@googlegroups.com <mailto:samrainsyparty+unsubscr...@googlegroups.com> . For more options, visit https://groups.google.com/d/optout. -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to camdisc@googlegroups.com To unsubscribe from this group, send email to camdisc-unsubscr...@googlegroups.com For more options, visit this group at http://groups.google.com/group/camdisc Learn more - http://www.cambodia.org --- You received this message because you are subscribed to the Google Groups "Cambodia Discussion (CAMDISC) - www.cambodia.org" group. To unsubscribe from this group and stop receiving emails from it, send an email to camdisc+unsubscr...@googlegroups.com. For more options, visit https://groups.google.com/d/optout.
