*មន្ត្រីគណបក្សសង្គ្រោះជាតិប្រកាសធ្វើពហិការមិនចូលប្រជុំសភានៅថ្ងៃទី៣០វិច្ឆិកា* ដោយ ខែ សុណង | 2015-11-29 RFA
[image: យ៉ែម បុញ្ញឫទ្ធិ ៦២០] លោក យ៉ែម បុញ្ញឫទ្ធិ ប្រធានគណៈកម្មការអប់រំយុវជន កីឡា ធម្មការ កិច្ចការសាសនា វប្បធម៌ និងទេសចរ ទទួលញត្តិពីព្រះសង្ឃ ទាមទារបញ្ឈប់លក់ដីអាគារវិទ្យាស្ថានពុទ្ធសាសនបណ្ឌិត្យ នៅថ្ងៃទី ថ្ងៃទី ០៣ តុលា ២០១៤។ RFA/Brach Chev *មន្ត្រីគណបក្សសង្គ្រោះជាតិ ប្រកាសមិនចូលប្រជុំសភានៅថ្ងៃទី៣០ ខែវិច្ឆិកា ដោយសារពុំមានជំនួបកំពូលរវាងគណបក្សទាំងពីរនៅមុនថ្ងៃប្រជុំសភាពេញអង្គ។* អ្នកនាំពាក្យក្រុមតំណាងរាស្ត្រគណបក្សសង្គ្រោះជាតិ លោក យ៉ែម បុញ្ញឫទ្ធិ មានប្រសាសន៍នៅថ្ងៃទី២៩ ខែវិច្ឆិកា ថា ថ្នាក់ដឹកនាំគណបក្ស បានសម្រេចថានឹងមិនចូលប្រជុំសភាទេ ដោយសារតែគ្មានការចរចាណាមួយក្នុងវប្បធម៌សន្ទនា ដើម្បីដោះស្រាយអំពើអយុត្តិធម៌ជាច្រើនមកលើតំណាងរាស្ត្រគណបក្សសង្គ្រោះជាតិ។ បញ្ហាទាំងនោះមានជាអាទិ៍ អំពើហិង្សាលើអ្នកតំណាងរាស្ត្រទាំងពីរ ករណីតវ៉ាដកតំណែងប្រធានទី១ នៃរដ្ឋសភា ការដកអភ័យឯកសិទ្ធិអ្នកតំណាងរាស្ត្រ គឺលោក សម រង្ស៊ី ជាដើម ដែលមិនទាន់មានដំណោះស្រាយ ហើយជាទង្វើរំលោភច្បាប់៖ *«ព័ត៌មានពីលោកប្រធានអនុប្រធាន សម្រេចថាមិនចូលរួមប្រជុំសភាស្អែកនេះទេ។ នៅមានការជួបគ្នាតាមរយៈវប្បធម៌សន្ទនាសំឡេងភាគតិច និងសំឡេងភាគច្រើននៃរដ្ឋសភា ដែលនឹងជជែករកដំណោះស្រាយបញ្ហាទាំងអស់នេះ»**។* អ្នកនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍កាលពីថ្ងៃទី២៨ វិច្ឆិកា ថា នៅថ្ងៃទី៣០ ខែវិច្ឆិកា ពេលព្រឹកប្រជុំសភាធម្មតា ហើយចាប់ពីម៉ោង ៥ល្ងាច គណបក្សទាំងពីរដែលដឹកនាំដោយ លោក ស ខេង និងលោក កឹម សុខា អាចជួបចរចាគ្នាធម្មតាដូចលើកមុនៗ។ លោកថា ទោះគ្មានវត្តមានតំណាងរាស្ត្រគណបក្សសង្គ្រោះជាតិ ក្នុងថ្ងៃប្រជុំសភា ក៏គ្មានបញ្ហាដែរ ព្រោះតំណាងរាស្ត្រគណបក្សប្រជាជនកម្ពុជា មានចំនួនច្រើនលើសលុបដើម្បីអនុម័តសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០១៦។ សម័យប្រជុំសភាលើកទី៥ នីតិកាលទី៥ នៅព្រឹកថ្ងៃទី៣០ ខែវិច្ឆិកា មានរបៀបវារៈពីរ គឺការពិភាក្សាសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០១៦ និងការពិភាក្សា និងអនុម័តសេចក្ដីព្រាងច្បាប់ស្ដីពីស្ថិតិ៕ *បក្សនយោបាយធំទាំង២ នៅមិនទាន់កំណត់ពី ពេលវេលាច្បាស់លាស់ ក្នុងការជួបគ្នា <http://www.dap-news.com/2011-06-14-02-39-55/103366-2015-11-29-05-04-17.html>* Sunday, 29 November 2015 12:00 *ដោយៈ នាង សួគ៌ **Posted ID: **ដើមអំពឹល* *ភ្នំពេញ៖* បក្សនយោបាយធំ២ នៅមិនទាន់កំណត់ពី ពេលវេលាច្បាស់លាស់ ក្នុងការជួបគ្នា ប៉ុន្តែថា នឹងអាចធ្វើឡើង នៅដើមសប្តាហ៍ក្រោយ។ អ្នកនាំពាក្យគណបក្ស ប្រជាជនកម្ពុជា លោកសុខ ឥសាន្ត មានប្រសាសន៍ប្រាប់មជ្ឈមណ្ឌល ព័ត៌មានដើមអម្ពិល នៅព្រឹកថ្ងៃ ទី២៩ ខែ វិច្ឆិកា ឆ្នាំ ២០១៥ នេះថា “ព័ត៌មានដែលទទួលបាន មកពីតំណាង បក្សទាំង២ នឹងជួបគ្នានៅថ្ងៃច័ន្ទ ឬថ្ងៃអង្គារ៍។ ចំពោះពេលវេលានៅមិនទាន់ច្បាស់លាស់”។ “ទាក់ទិនរឿងរបៀបវារៈ នៃកិច្ចប្រជុំវិញ គឺឈរលើក្របខណ្ឌនយោបាយ ពុំលាយលំជាមួយរឿងផ្លូវច្បាប់ ឬតុលាការឡើយ។ តំណាងគណបក្សប្រជាជនកម្ពុជា ដឹកនាំដោយសម្តេចស ខេង ប្រធានសំលេងភាគច្រើននៅក្នុងសភា ”។ លោកយ៉ែម បុញ្ញារិទ្ឋ អ្នកនាំពាក្យគណបក្សសង្គ្រោះជាតិ មានប្រសាសន៍ ប្រាប់មជ្ឈមណ្ឌលព័ត៌មាន ដើមអម្ពិល នៅព្រឹកថ្ងៃអាទិត្យនេះ ប្រហាក់ប្រហែលលោកសុខ ឥសាន្តដែរថា ជំនួបពិតជានឹងមានរវាងគណបក្សទាំង២ ដោយតំណាងបក្សប្រឆាំងដឹកនាំដោយលោក កឹម សុខា ជាប្រធានស្តីទី។ ប៉ុន្តែចំពោះររៀបវារៈវិញ គណបក្សប្រឆាំងហាក់លើកឡើងខុសពីគណបក្សកាន់អំណាចត្រង់ថា នឹងជជែកអំពីស្ថានការណ៍នយោបាយជារួម និងបញ្ហាជាតិ។ អ្នកតាមដានស្ថានការណ៍សង្គម លោកបណ្ឌិត មាស នី លើកឡើងថា គំរោងនៃការជួបជុំគ្នានេះ ជាផ្លូវមួយល្អ ដោយសារតែពីមុនមេបក្សទាំង២ បានទទួលបរាជ័យ ដែលនាំគ្នាបំផ្លាញវប្បធម៌សន្ទនា កាលពីថ្ងៃទី២២ កក្កដា ឆ្នាំ២០១៤។ លោកសង្កត់ធ្ងន់ថា មេបក្សទាំង២(សម្តេចហ៊ុនសែននិងសមរង្សី) មានចរិកខុសគ្នា ដូចនេះពិបាកនិយាយគ្នា និងពិបាករកវិធីសាស្រ្តទប់ស្កាត់ នៅពេលបញ្ហាកើតឡើងម្តងៗ។ លោក ផ្តល់ជាអនុសាសន៍ថា បើអ្នកទាំង២ចេះរួបរួមគ្នា ផលប្រយោជន៍ នឹងបានទៅបក្សទាំង២ និងជាពិសេស បានទៅលើប្រជាពលរដ្ឋ។ នៅពេលដែលសួរថា នៅមុនការជួបគ្នានេះ តើតំណាងរាស្រ្តបក្សប្រឆាំងទាំង៥៥រូប នឹងចូលប្រជុំសភានៅព្រឹកថ្ងៃស្អែកទេ? លោក យ៉ែម បុញ្ញារិទ្ឋ បញ្ជាក់ថា ប្រសិនបើមានចំលើយជាវិជ្ជមានពីលោកសមរង្សី និងលោកកឹម សុខា នោះតំណាងរាស្រ្តទាំងអស់ នឹងចូលប្រជុំសភា ដើម្បីជជែកអំពីច្បាប់ថវិកាជាតិ ឆ្នាំ២០១៦។ ជាគោលបំណងរបស់គណបក្សសង្គ្រោះជាតិ ចង់អោយមានការជួបជាមួយតំណាងបក្សកាន់អំណាចជាមុនសិន មុននឹងចូលប្រជុំសភា។ ប្រតិកម្មនឹងការលើកឡើង របស់លោក យ៉ែម បុញ្ញារិទ្ឋ អ្នកនាំពាក្យគណបក្សប្រជាជនកម្ពុជា បញ្ជាក់ថា “ទោះបីជាមិនមានវត្តមានរបស់មន្រ្តីបក្សប្រឆាំងក៏ដោយ ក៏សភាប្រជុំជាមួយមន្រ្តីបក្សកាន់អំណាចបានដែរ”។ លោកបន្តថា “ការលើកឡើងរបស់បក្សសង្គ្រោះជាតិ ដូចជាដាក់លក្ខខណ្ឌ មកអោយសភា ឬបក្សកាន់អំណាច។ ទន្ទឹមជាមួយគ្នានោះ ទោះបីជាបក្សប្រឆាំងចូល ឬមិនចូល ជាសិទ្ឋរបស់តំណាងរាស្រ្តបក្សប្រឆាំង។ ប៉ុន្តែគណបក្សប្រជាជន អាចអនុម័តច្បាប់ថវិកា បាន៥០%បូក១ គឺអនុវត្តនៅទៅតាមរដ្ឋធម្មនុញ្ញ ទោះបីជាបក្សប្រឆាំងមិនចូលក៏គ្មានឧបសគ្គ”។ គំរោងនៃការជួបគ្នាជាថ្មីម្តងទៀតនេះ ធ្វើឡើងបន្ទាប់ពីលោកកឹម សុខា បានវិលត្រឡប់មកដល់ប្រទេសកម្ពុជាវិញ កាលពីរសៀលថ្ងៃទី ២៤ខែ វិច្ឆិកាកន្លងទៅ និងបន្ទាប់ពីលោកបញ្ជាក់ប្រាប់ក្រុមអ្នកកាសែតថា អ្វីដែលគណបក្សសង្គ្រោះជាតិ ត្រូវធ្វើនៅពេលនេះគឺៈ ទី១ រកយុត្តិធម៌ជូនអ្នកតំណាងរាស្ត្រគណបក្សសង្គ្រោះជាតិ ដោយមានការស៊ើបអង្កេតមួយឯករាជ្យ ប្រសិទ្ធិភាព ជុំវិញការប្រើប្រាស់អំពើហិង្សាលើអ្នកតំណាងរាស្ត្រ ជាប់របងរដ្ឋសភា កាលពីថ្ងៃទី២៦ ខែតុលា ឆ្នាំ២០១៥។ ទី២ ចង់ឲ្យស្ថេរភាពនយោបាយល្អវិញ ដើម្បីវិលទៅរកកិច្ចព្រមព្រៀងនយោបាយថ្ងៃទី ២២ ខែកក្កដា ឆ្នាំ២០១៤។ ទី៣ ដើម្បីស្ថានភាពនយោបាយ វិលទៅល្អដូចដើមវិញ ទាល់តែមានការជជែកគ្នារវាងគណបក្សទាំងពីរ។ ជាការកត់សំគាល់ នៅថ្ងៃទី២២ កក្កដា ឆ្នាំ២០១៤ គឺថ្ងៃប្រវត្ថិសាស្រ្ត ដែលគណបក្សកាន់អំណាច និងគណបក្សប្រឆាំង ព្រមព្រៀងគ្នាវិលរកតុចចារ ដើម្បីបញ្ចប់វិបត្តិនយោបាយ ក្រោយការបោះឆ្នោតសាកលឆ្នាំ២០១៣។ អ្វីដែលមហាជនដឹង ម្តងហើយម្តងទៀត ដោយគណបក្សទាំង២ នៅតែបន្តវាយប្រហារគ្នាទៅវិញទៅមក ទាក់ទងទៅនឹងផលប្រយោជន៍គណបក្សរៀងៗខ្លួន។ ទាំងនេះ មិនមែនជាអ្វីដែលប្រជាពលរដ្ឋខ្មែរចង់បានឡើយ។ អ្វីដែលពលរដ្ឋខ្មែរចង់បាន គឺអោយគណបក្សធំៗទាំងនេះ ធ្វើការដើម្បីជាតិ ដោយការប្រកួតប្រជែង តាមសន្លឹកឆ្នោត និងសន្តិភាព៕ -- Best Regards, *Khmer Forum* *A place for sharing community events and public news.* -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to camdisc@googlegroups.com To unsubscribe from this group, send email to camdisc-unsubscr...@googlegroups.com For more options, visit this group at http://groups.google.com/group/camdisc Learn more - http://www.cambodia.org --- You received this message because you are subscribed to the Google Groups "Cambodia Discussion (CAMDISC) - www.cambodia.org" group. To unsubscribe from this group and stop receiving emails from it, send an email to camdisc+unsubscr...@googlegroups.com. For more options, visit https://groups.google.com/d/optout.