Saluton,
mia Esperanto-literumilo evoluata kadre de e...@i
<http://extensions.services.openoffice.org/project/literumilo> dume ne
multe progresis, sed venontsemajne mi bezonos ĝin prezenti en la
universitato kaj montri ke unu el la celoj de la projekto estas
plenumita/plenumebla, nome havi ĝin elŝutebla kiel aŭtomate instalata
parto de esperantlingva OpenOffice.org-pakaĵo.
Se mi sufiĉe atente sekvas la evoluon de la esperantiga laboro, mi
komprenas ke malgraŭ planoj pri apero de plena esperantlingva versio
komenco de 2010 tiu ankoraŭ ne ekzistas, ĉu? Tion mi devos klarigi dum
la prezento, ĉar mia projekto origine kalkulis kun tio.
Ĉu tamen eblas almenaŭ iun provversion jam nun krei, por povi montri? Mi
bezonus krei "build" de OpenOffice.org, prefere esperantlingva (eĉ se
nur parte/fuŝe, laŭ la nunaj ebloj), en kiu estas inkludita mia
literumilo, tiel ke ĝi aŭtomate instaliĝas kune kun la programo kaj
estas do tuj uzebla. La inkludon de la literumilo devus esti eble fari
relative facile, ĉar ĝi jam ekzistas kiel aldonaĵo de OpenOffice.org en
la formato OXT (kaj elŝuteblas ĉe la adreso supre donita).
Instrukcioj pri la inkludo estas ĉe
http://wiki.services.openoffice.org/wiki/Spellchecker_Integration_into_Installation_Set
sed mi ne scias kiel plej efike produkti la "build" (evidente post
modifo de la dosieroj laŭ tiuj instrukcioj). Ĉu ekzistas iu sistemo kie
mi rete povus tion provi? Aŭ ĉu mi prefere klopodu tion fari loke ĉe iu
mia linuksa komputilo? Ĉu estas nuntempe ie elŝuteblaj fontodosieroj por
krei iun plej aktualan "build" de la esperanto-versio, kiun eblus simple
modifi laŭ tiuj instrukcioj kaj produkti la postulan rezulton pere de ĝi?
Mi ĝojos pro ĉiu helpo kaj konsiloj. Nuntempe ankoraŭ mia literumilo ne
estas tre avancita kaj mi ne havas multan tempon por ĝia plibonigado,
sed post kiam mi en la universitato prezentos ke la inkludo eblas kaj ke
la tradukkomunumo estas bonvenigema, tiam mi povos trovi tempon por pli
intense okupiĝi pri la plibonigado, tiel ke poste efektive ene de sekva
vera esperantlingva versio de OpenOffice.org tiu ĉi mia nova literumilo
kun altaj kapabloj povu aperi kiel parto.
Amike,
Marek Blahuš
---------------------------------------------------------------------
To unsubscribe, e-mail: [email protected]
For additional commands, e-mail: [email protected]
