Ez dakit gauza hauek Leireri interesatuko ote zaizkion baina orain dela 22 urte Hanburgon zera ikusi nuen estreinako eta azken aldiz:
Imajinatu ezazu, Leire, edozein plazapeko parkinga. Jaitsi zaitez autoen sarreratik maldan behera baina oinez, autorik gabe, eta horra non parkingean ez dagoen batere autorik. Baina ez dago, ordea, hutsik. Autoentzako lauki bakoitzean emakume bat dago, tente, keinu erakargarriak eginez edo. Guztira, ehunen bat emakume, zain, noiz ehiztariak hurbilduko. Autoen sarreratik jaisten dira ehiztariak eta emakume-basoan zehar doaz pasieran, jira eta buelta, atzetik eta aurretik merkantzia bertatik bertara begiratuz, salgei leudekeen abereak balira bezala aztertuz. Gustokoren bat bada, bezeroaren nagusitasunaz galdetu: -- "Zenbat?" -- "Horrenbeste". -- "Hummmm" edo esan, garestitxo ote den aurpegia jarri eta besteren batengana. Nik esklaben merkaturik erromatarren filmetan baino ez dut ikusi baina Hanburgokoa gauzarik antzerakoena zen. Amatiņo
_______________________________________________ Adi gero, mezuak bidaltzeko: [EMAIL PROTECTED] http://www.eibar.org/zerrenda harpidetza eteteko: [EMAIL PROTECTED]