Joan den astean komentatu genuen, Julen Gabiriaren azken
sari-performancearen inguruan, informazioaren zikloan paperak eta digitalak
bide desberdinak hartu dituztela... Txoke bat dagoela bi mundu horien artean.
Txoke horren beste fronte batzuk
- Liburutegietako mailegua
Musika eskubide editorialen defentsa korporatiboan, Internet, kopia eta
partekatze-mekanismoen kontrako demonizazioa, kanon-kobraketa eta halakoak
bultzatzen dihardute. Paperezko editoreek ere fotokopiagailua demonizatu
eta zergapetu zuten bere garaian, eta orain papera doan irakurtzeko beste
modu bat jarri dute jomugan: liburutegietako mailegua.
Ikuspuntu bat Joana Albret taldeak Eibar.org-en daukan bazterrean:
http://www.eibar.org/blogak/joana-albret/50
eta Editoreen Galeuscan entzundakoak, non, dena esateagatik, uste dut
Mendigreeni Interneteko esparru libertinoaren zeozer pegatu zaion...
http://groups.yahoo.com/group/joana-albret/message/1659
Liburutegietako maileguarenaak ez du beharbada papera / digitala
dikotomiarekin zerikusi zuzenik, papera / papera delako hor jokoan dagoena.
Baina, nire ustez, musikatik datorren astindu digitalak eragin du Linea
Maginot hori eraiki nahia
- Eusko Jaurlaritzaren dirulaguntzak
Paperak gero eta pisu handiago du Kultura Saileko HPSren ingurutik sortzen
diren euskararen aldeko laguntzetan.
http://www.sustatu.com/1118154983 albistean informazio apur bat. Hor
aipatzen da Interneteko argitalpenen esparrua, baina deialdi barik geratzen
den apartaduak gauza gehiago hartzen zituen: programen euskaratzeak ere
bai, adibidez. Apartado horretan euskaratu zuen CodeSyntax enpresak
blogetarako Eibar.org-ek eta Goiena.net-ek darabilten softwarea. Aurten
holakorik ez, itxuraz.
Luistxo
_______________________________________________
Adi gero, mezuak bidaltzeko: eibartarrak@postaria.com
http://www.eibar.org/zerrenda
harpidetza eteteko: [EMAIL PROTECTED]
