"Azken lau asteotan eskutitz hau bidaltzen ari naiz
asteazkenero, baina ez didazue erantzun. Gauza jakina da erantzun faltek,
askotan, erantzunek baino gehiago adierazten dutela, eta kasu honetan ere,
badirudi ez zaizuela askorik inporta nire (eta euskaldun gehienen)
kezka.
Hona hemen bidali nizuen eskutitza:
Kaixo,
Julen Gabiria deitzen naiz eta galdakoztarra naiz,
zuen jauregia hasieran kokatuta zegoen herrikoa.
Euskarak gure gizartean duen egoeraz kezkatuta
nagoelako idazten dizuet, eta bereziki, zuen web orrira sartuta, konturatu
naizelako gaztelaniaz eta ingelesez jarri duzuela webgunea, euskararen
arrasto barik.
Badakit enpresa pribatua zaretela eta, beraz, nahi
duzuena egin dezakezuela gai honen eta beste guztien gainean, baina hona
hemen nire galdera: baduzue asmorik webgunea euskaraz (euskara onean, esan
nahi dut) jartzeko, ala dagoen moduan utzi behar duzue?
Kalkulu txiki batzuk egin ditut, zuen web orrian
dauden testuen itzulpenak ze kostu izango lukeen jakiteko. Bada, tarifarik
garestiena jarrita ere, ez da 80 eurora heltzen.
Hain garestia iruditzen zaizue euskara? Ez ote dugu
errespeturik merezi euskaldunok, edo bezero espainiar edo ingelesek baino
errespetu gutxiago merezi dugu?
Barkatu gutunak mindu bazaitue, baina euskaldunok
egunero hartzen dugu mina, zuena bezalako jokaerekin.
Adeitasunez,
Julen Gabiria"
Holantxe ibili gara ba, hilabetez, hormari berbetan
moduan. Azkenean, gaur goizean heldu jat Urgoiti Palacekoen erantzuna.
Honatx:
