Anjel Lertxundiren zutabea gaurko Berrian:
Eskopetera
Eskopetero bat ehiztari bat zen niretzat. Baina iragan igandean, blog
batetik bestera nenbilela Kontxako bandera ibili zen bezala traineru
batetik bestera, Leire izeneko neska batek 'Eibartarrak' blogean eta
Mikel Iturriak bere 'Harrikadak' izenekoan zekarten kontu bati lotu nion
nire arreta: eskopetera! iraina erabiltzen hasi omen da Bidasoa aldeko
hainbat jende puta hitzaren baliokide gisa. Alardeek hiztegiari
eskainitako kontribuzio lexiko paregabea inondik ere.
Ez da kontu berria. Oraintsu ehun urte, emakumeen botoaren aldeko
mugimenduaren garai ez hain urrutietan, suffragette! (sufragista) hitza
zabaldu zen ingelesez, eta 'puta' gisako irainen banda osoa hartzen omen
zuen. Gaur, ordea, emakumeen boza inork zalantzan jartzen ez duen
honetan, mugimendu geldiezin batek egindako kontribuzio gizalegezkoaren
sinbolo gorena dugu sufragista hitza.
_______________________________________________
Adi gero, mezuak bidaltzeko: eibartarrak@postaria.com
http://www.eibar.org/zerrenda
harpidetza eteteko: [EMAIL PROTECTED]