|
Uste dot jendea ez dala
konturatzen legebiltzarburu batzuk epaitzea zenbateraino den arraroa demokrazia
batean.
Bere antolamenduan gainean
euskal legebiltzarraren, edo erozein legebiltzarren "soberaniaz" berba
eitten da, baina kasu honetan ikusten dogu zertan gelditzen den "soberania" hori
be bai.
Epaiketa hasi baino lehenago
epaileek erabaki batzuk hartu dittue epaiketak ahalik eta isla mediatikorik
eskasena izan daixan, kasu honetan epaituen kalterako, nire ustez.
Bilbaok, Knorrek eta Atutxak
epaiketa irabazten badabe eta libre gelditzen badira, irabazi dabe. Epaiketa
galtzen badabe eta epaileak errudun deklaratzen badittue, Espainiko justizia
Euskal Herrian honezkero begi txarrez ikusten bada, hemendik
aurrera are txartuago ikusiko da, eta alderdi horretatik hiru
kondenatuen ideia politikoek irabaziko dabe, eta Espainiako (in)justizia galdu.
Horretara, irabazi edo irabazi. Edo ez?
Erabakixa teknizismoz jantziko
da, baina halako epaiketetan, epaiketa politikoetan, pisu gehixago dauka
epaitzen daben pertsonen pentsamoldea: ideologikoa, politikoa, norberaren tripak
eta norberaren kalkuloak, zer komeni dan... Edo zer pentsatzen dozue, epaile
profesional horrek automata hutsak direnik?
Zer? Zer gertatuko da? Beste
porra baterako aitxakia dogu? Neu behintzat ez naiz ausartzen bixar-etzi zer
pasatuko dan esaten. |
_______________________________________________ Adi gero, mezuak bidaltzeko: eibartarrak@postaria.com
http://www.eibar.org/zerrenda harpidetza eteteko: [EMAIL PROTECTED]
