Sustatun irakurria hor behekoa. Literato koadrila dira blogista hauek
denak... jende normalik ez ote da azalduko?
Eibarko bi, Zapiain eta Mendiguren, tartean.
bestalde, Iban Zalduak posta arruntez bere lehen nobela bidali dit, jakin
badakielako ez dudala libururik erosten, eta gainera, euskaraz barik,
erderaz delako: Si Sabino viviría (sic).
La Lengua de Trapok atera dio, bere ipuin bilduma kastellanoak atera
dizkion editorial espainol berbera. Oraingoan, solapan, minibiografian
Volgako Batelarien blogaren helbidea dakar liburuak:
http://www.eibar.org/blogak/volga
Bueno, solapan ez du esaten bloga denik, baizik eta "revista electrónica de
literatura"
---
Blogen gainean Euskadi Irratiko Arratsaldekoan
patxi gaztelumendi ¦ irratia.com ¦ 2005-11-18 ¦ 11:43 ¦
<http://www.sustatu.com/index_html?gaia=Blogak>Blogak
Euskadi Irratiako Arratsaldekoa saioak, blogintzaren inguruko saio berezia
egingo du gaur (azaroak 18, ostirala) arratsaldeko 17:00etatik aurrera.
Euskaraz idazten duten blogari ezberdinak gonbidatu dituzte berbetan jarduteko.
E-posta bidez jaso dut nik abisua, telefonoz ere jendearen bila aritu
direla badakit, ahoz ahoko komunikazioak funtzionatu du behar bada, ezetzik
jasoko zuten... kontua da blogintzaz arituko garela Euskadi Irratian. Eta
blogintzaz jardutea, bitetatik uhinetara igaroko da gaurkoan.
Arantxa Iturbe eta Tere Belokiren ahotsa entzuten dut nik gehien,
normalean, Arratsaldekoan. Elkarrizketak egiten ausartak eta iaioak dira,
erantzuteko beta hartzen duzunerako, hurrengoa prest daukaten kazetariak
dira, eta tentuz ibili behar da zer eta zelan erantzun.
Gaur elkarrizketatuko dituzten blogariak:
Katixa Agirre <http://katixe.blogspot.com/>Etiope bat Martitzen
Markos Zapiain <http://eibar.org/blogak/zapiain>Batzutan Pelipe bihurtzen dena
Xabier Mendiguren Elizegi <http://eibar.org/blogak/mendiguren>Paperjalea /
Egunen harian
Josu Martinez <http://kaiolumazikinez.blogspot.com/>Olegario Makarrovski
moduan ezagutua
Joxe Arantzabal eta bere <http://www.goiena.net/blogak/faroa/>Faroa
Patxi Gaztelumendi <http://gaztelumendi.org>gaztelumendi.org lubaki
digitaletik.
... eta gehiagoren bila ere badabiltza, beraz ikuspegi interesgarria izan
daiteke.
_______________________________________________
Adi gero, mezuak bidaltzeko: eibartarrak@postaria.com
http://www.eibar.org/zerrenda
harpidetza eteteko: [EMAIL PROTECTED]
