http://www.diariovasco.com/pg060322/actualidad/politica/200603/22/DVA_aviso_tregua.html
http://www.gara.net/azkenak/orriak/03/art156793.php
12.55etan, ETBn programa berezia.
Berria.info:
Su-etena
Bihar gauerditik aurrera (martxoaren 24ko 00:00tik) su-eten iraunkorra
abiatuko du ETAk. Erakunde armatuaren iduriko, prozesu demokratiko bat
eraman behar da aurrera Euskal Herrian, eta prozesu hori bultzatzea
litzateke ekintza armatuen etenaldi iraunkorraren helburua. Prozesu hori
amaitzeko etorkizunari buruzko hitza eta erabakia euskal herritarrek behar
dutela nabarmendu du ETAk.
berria.info-ra igorritako bideoan ETAko bozeramaileek beren nahia
zabaldutako prozesua bururaino eramatea, eta Euskal Herrian benetako
egoera demokratikoa eskuratzea dela diote. Aurrerantzean, helburu hori
lortzeko urratsak emateko konpromisoa hartzen dute.
Baina, era berean, beste eragileei ere konpromisoak hartzeko eskatzen die.
Hala, Espainiako eta Frantziako estatuei euskal herritarrek erabakitakoa
errespetatzea dagokiela azpimarratu du ETAk, eta su-etenari erantzun
positiboa eman eta jokabide errepresiboak baztertzeko galdegiten die
Parisko eta Madrilgo gobernuei.
Osterantzeko eragileei, berriz, ardura eskatzen die; zehazki, eurek egindako
urratsaren neurri bereko erantzunkizunarekin jokatzeko eskatzen die.
Baina, bereziki, herritar guztiei eskatzen die konpromisoa: prozesuan
buru-belarri murgiltzeko eta gure herri eskubideen alde borroka egiteko.
Gatazka konpontzea posible dela eta ETAren nahia hori dela nabarmenduz
amaitzen da mezua.
_______________________________________________
Adi gero, mezuak bidaltzeko: eibartarrak@postaria.com
http://www.eibar.org/zerrenda
harpidetza eteteko: [EMAIL PROTECTED]
