<http://www.geni.com>Geni.com izeneko tresna polita aurkitu berri dut sarean. Arbola genealogikoak sortzeko gauza bat da. Erabilterraza eta oso birala. <http://ads.publizitatea.net/adclick.php?n=a31c58b5> [] Ingelesez dago, baina oso intuitiboa da, zeure buruarekin eta zeure gurasoekin hasi, eta hortik, gehitu neba-arrebak, ezkontideak, eta abar. Hasieran, izenekin gehitu eta nahikoa, gero osatu dezakezu informazioa: jaiotza datak, tokiak, argazkiak, eta baita e-postak ere.
Horrela, zure zuhaitza hedatu baduzu lehengusu batenganaino, eta haren e-posta jartzen baduzu, berak gonbidapena jasoko du, eta zuhaitza ere osatu ahal izango du horrela, bere adar propioekin. Berez da tresna birala. Nork bere zuhaitza, eta bere senideena bakarrik ikusten du. Lagun gisa identifika ditzakezu beste pertsona batzuk, eta haiek zure profila ikus dezakete, baina ez dirudi zuhaitz grafikoa ikusterik dutenik. <http://www.flickr.com/photos/benbore/2368969734/>Galesko lagun baten pantaila-irudi honetan, bere arbola nola ikusten duen berak. Hemen, Gari eta Oier Gorosabel Txikillana gonbidatu ditut. Garik, bere emaztearen laguntzarekin, berehala populatu du bere zuhaitza aereozala eta gordejuela (hauek ere nahiko aereo, altueran) mordo batekin. Esperantza nuen Txikillanak bere zuhaitza osatuko ote zuen, egina duelako sekulako ikerketa (aspaldi zerrenda honetan eman zigun berri), baina ez dirudi animatu denik oraingoz. Tira, beste inork nahi balu... azkenean igual eibarnauten arteko zuhaitzak bat egingo dute punturen batean (Amatiño eta Asier Sarasuak erraza daukate, adibidez). Oier Aereolazak ere bai, jakina. ondo ibili! Luistxo _______________________________________________ Harpidetza eteteko, bidali mezua hona: [EMAIL PROTECTED] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
