Oin dala hamabost egun ustebako zeozer euki najuan eta Mendaroko larrialdixetan amaittu najuan. Hiru t´erdiren bueltan barriro etxeratu eta biharrera.
Barixakuan, enkuesta-etxeren baten deixa izan najuan, Mendaron ondo hartu ete najinduen galdezka. Halako euskera mordoillo eta elbarritu batian hasi zuan eta, hasi bezin laster, galdetu jestan: "Euskaraz ala erdaraz nahi duzu?" Nik, ostera, erantzun: "Nik ez dut batere arazorik euskaraz egiteko baina zuk erdaraz errazago egingo baduzu, nik erdaraz ere badakit". Eta erderari ekin jetsan, zazpi-zortzi minutu inguruko galdekizunetan. Berak kuestionarixuan jekan galderia irakorri eta nik erantzun. Amaittu genduanian, beste zenbait daturen artian lanbidia eskatu eta nik: "Periodista". Eta berak, bat-batian euskeraz, "Ezea Amatiño izango...". Bai. Eta handik aurrera dana euskeraz egin jestan Azkoittiko herri-euskera peto-peto eta jator-jatorrian. -- Baina, neska, zergatik ez dezu euskeraz egin? -- Inkesta hauetako euskera beste bat dalako... Ez jakixat zer, baina zeozer txarto egitten jiharduagu. Amatiño _______________________________________________ Harpidetza eteteko, bidali mezua hona: [EMAIL PROTECTED] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
