DVkrazia da Diario Vasco irakurriz egiten den demokrazia. Ez dut nobedaderik kontatuko, baina hona hemen beste adibide bat:
Martxoaren 8an pilota partidu ikusgarria izan genuen Eibarren: BENGOETXEA VI- BELOKI vs - MTZ. DE IRUJO-GOÑI III Irujo eta Goñik irabazi zuten 16-22. Egun hartan partidura presaka etorri zen batek furgonetaren motorraren karterra utzi zuen Makazkua kaleko eskilara ertz batean. Olio arrastoa gelditu zen bidean Photosintesis dendaren pareraino. Han gelditu zen itxura batean furgoneta ez aurrera eta ez atzera. Partida bukatu ondoren deitu zioten garabiari eta etxera joan ziren arratsalde ederra pasata. Nik ere arratsalde entretenitua pasatu nuen, lehenengo apurtutakoa ikusi eta olioarekin labain egin nuen, gero furgoneta Calbeton kalean utzita. Ondoren Joseba zerrendakide udaltzaina errudunaren bila eta bukatzeko garabia furgoneta jasotzen. Eskilaren ertza apurtuta egon da ordutik hona. Ez zait luze egin, ez da hiru astera ere iritsi. Baina hara, gaur goizean Morquechok argazkia atera du DVn, beste hainbeste gauza moduan, hori ere konpontzeko dagoela eta abar: http://www.flickr.com/photos/garaolaza/3385369049/ DVkraziak funtzionatzen duela frogatzeko, arratsaldean argazkia atera diot toki berari: http://www.flickr.com/photos/garaolaza/3386164710/ Konponduta, egun erdiko epean! Gari _______________________________________________ Harpidetza eteteko, bidali mezua hona: eibartarrak-requ...@postaria.com izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
