Sustatun, eibar.org-en eta gure blogetan agertu da, baina posta zerrendan ez, eta esplikatzera nator. Bihar karnabalen lehen txanpa dugu Eibarren. Koko-eskean aterako gara baserriz-baserri koko-dantzak eginez. Baserri-bideak malkartsuak eta estuak dira inguru hauetan, eta ez da erraza izaten zuzenean ikustera joatea. Baina azken aldian modan dagoen erraminta bat erabiliz esperimentu txiki bat egingo dugu koko-dantzak zuzenean erretransmititzeko. Sustatun egin dituzte horrelako batzuk, Eurovision eta hauteskunde gaua modukoekin, eta guk bihar baserriz-baserri dabilen inauteri batekin probatuko dugu.
Kasu honetan, badugu handicap gehigarri bat, eta zera da, ez gaudela etxean edo bulegoan, ordenagailuarekin eta sarera konektatuta. Baserriz baserri ibiliko gara, mozorrotuta, festan sartuta, telefono mugikor batekin eta estaldura kaskarrarekin. Beraz, batez ere SMSak bidaliko ditugu, Coveritlive, twitter eta facebook-era iritsiko direnak. Argazkiak, mp3ak eta bideoak ere bidaltzeko aukera dago, baina aurtengoz argazki batzuk bidaltze lortzen badugu konforme. Mezuetan ere ez espero ez frekuentzia ez detaile askorik. Zein baserri ingurutan gabiltzan eta horrelako kontu batzuk ordu erditik behin edo... Egia esan, kobertura aldetik itzal asko dituen parajea da, eta bat festan dabilenean ez da asko akordatzen beste ezertaz, baina konpartsan datozen pare bat geek-ek mugikorrak dantzan jarriko dituzte, eta ea zer ateratzen den. Goizeko 8:30etatik aurrera gure blogetan (bakarra dugu, baina bikoiztuta) izango da koko-eskearen berri izateko aukera: http://www.dantzan.com/blogak/kezka http//www.deporeibar.com/dantzak Coveritlive-en erantzunak utzi ahal izateko login egitea eskatuko da, eta horretarako twitter, facebook edo myspaceko nick-ak erabili ditzakezue. oier.
_______________________________________________ Harpidetza eteteko, bidali mezua hona: eibartarrak-requ...@postaria.com izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
