Imanol Trebiñok: > Herri gehienak dira > benetan ederrak > Bunifaziutik hasi, > Sarte ta Cortera; > Aghjacciu, Porto Vecchio, > Calvi, Zonza, Chenza, > nonahi aurkitu ditut > milaka sorpresa. > > - Osuago ikusi heban, zer egin najuan nik? aste bat edo bi? ez gehixago, > ega gainera ipar-sortaldian geldittu ginuan.
Guk be ez juagu osorik ikusi. Nere ustez, Korsika ondo(-edo) ikusteko, 5 aste inguru bihar dira. Guk 23 egun egin doguz. Eta uharte erdixa ikusi dogu: hegoaldia (Bunifaziu-Sarte), erdialdia (Corte) eta mendebaldia (Porto-Calvi). > Itsasoa turkesa, > harea zuria, > dontzeilak, buztanbeltzak, > eta manta-arrainak. > Snorkel egiteko > hondartzak nahi aiña, > antiejuak ipinita > salto igerira. > > - Snorkel? Zer dok hori? Hanburgesa marka barrixa? ;-) Ez ura, ez, > bainotxo bat eta justu esateko han be bainau nintzala, baina murgil eta ur > azpian ze arrainak dagozan... ez, ni lehorrekua nok. ba, lihorreko jendiandako be zoragarrixa dok Mediterraneuan murgil eittia. Ume, zahar eta gazte; baitta igarixan justu-justuan dakixenendako be. Antiejuak eta tubua hartu eta dzanga! Ur garbixa, olaturik ez, tenperatura ona, arrain ugari... 5-6 urteko umiendako flipantia da manta-arrainen artian igarixan ibiltzia, hondartzatik 100 metro eskasera. Edo ogi apurrak uretara bota eta ehundaka (milaka) arrain zure azpixan jira-bueltaka ikustia. > Korsikarrek badute > bertako hizkuntza > nahiz eta egiten den > gutxi edo hutsa. > Guk erabili arren > "Bon ghjornu" agurra, > "Bon Jour" izan da beti > euren erantzuna. > > - Bai, neuk be inpresiño bera. Euskaldunoi gustau be gustau egitten jaku > halako turismo politikua egittia, Ipar Irlandara juan hango muralak atzian > dittugula fotografixak egittera. Eta emoten jestak Korsikan ez dagoela > halakorik. Saltsa politikua ba ei dagok, baina kaletik ibillita behintzat ez > dok ikusten, eta bertako hizkuntzaren presentzixa... neuk be ez najuan > igarri, bapez. Hutsan hurrengua. Egixa da abuztuan eta tokirik turistikuenian ibili garana. Seguru asko, neguan juan ezkero beste inpresiño bat hartuko genduan. Baina esango neuke Korsikera erdi-hilda dagola. Ez bada hilda. Gai horretaz lasaixago eta luziago idatzi nahi dot tarte bat dakatenian. > Oporren biharamona > ederra izanik, > itzultzeko gogoa > daukagu bizirik. > Hainbat txoko ikusteko > dauzkagu oraindik; > berriro joango gara, > baina ume barik. > > - Ah txikito! zer pentsatzen heban! umiak hik gura duana egitteko etorri > dirala mundura? Mendian ibilli gura eta umiok egun metro egin eta ez dabela > protestatuko? Museo baten sartu eta segiduan "eta noiz urtengo dogu? eta > noiz urtengo dogu? eta ...?" ez dabela esango? > Baina, hi, umiak dittuk! Bai, Umiak dittuk. Horretxegaittik: hurrenguan Korsikara ume barik. Korsikako plana gogorra da 5-6 urteko umiendako. Mendi asko, karretera txarrak.. Eurak ondo pasau dabe, baina nekatuta bueltau dira. Baina, tira, holako kontuetara be ohittu biharra dake. a. _______________________________________________ Harpidetza eteteko, bidali mezua hona: eibartarrak-requ...@postaria.com izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.