Egunon: Uztailean hil zen xakelari baten omenez xake txapelketa antolatuko dugu datorren igandean udaletxeko patioan. Baina oraingoa ez da xake arrunteko txapelketa izango. Xakelariak arraroak garela batek baino gehiagok esan ohi digu, baina oraingoa...
"Fischerren Ausazko Sistema" erabiliko dugu jokatzeko, sistema honetan piezek lehenengo errenkadan duten kokapena ausaz erabakitzen da (bi arau sinple jarraituz: erregea bi gazteluen artean egon behar da eta bi alfilak kolore ezberdineko laukitan), horrela hasierako 960 posizio ezberdin sortzen direlarik. Bobby Fischer maisu handi amerikarrak asmatu zuen sistema hau "xakearen teoria" deritzonaren garapena ikusi ostean. Xakelariok, batez ere goi-mailakoek baina besteok ere bai maila mugatuago batean, partidaren hasieran zehar egin ohi diren jokaldiak eta irekiera edo defentsak buruz jakin ohi ditugu. Hori saihestea du helburu Fischerrek asmatutako sistemak. Hasieran 960 posizio ezberdin badaude, ezinezkoa da posizio guztien "teoria" jakitea. Fischerrek asmatutako beste gauza bat ere erabiliko dugu igandean, erloju digitala: jokaldi bat egitean automatikoki denbora gehitzen dizun erlojua. Gonbidapena beraz luzatuta dago bertaratu nahi duten guztientzat! http://eibar.org/albisteak/ausazko-xakea-igandean-udaletxean/ http://www.deporeibar.com/xakea/533 Mikel Larreategi http://www.deporeibar.com/xakea _______________________________________________ Harpidetza eteteko, bidali mezua hona: eibartarrak-requ...@postaria.com izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
