_T__xillardegi Liburutegia_ MEREZIA ZOR I Gazte askorik somatu zuen ikastearen taupada amaren hitzak hazi bihurtuz izan zitezen landara, ekin ta ekin, irmoa baitzen, hornitu zuen ganbara baita aurkeztu lan borobilak Arantzazuko hartara baina halere ez zuten jaso euskaltzain oso mailara.(bis) II Askon modura merezi zuen igotzea goi gradura neurtu ezina zenbat, nola zen ahalegindu gizon hura, adore osoz bultzatu zuen euskara, euskal kultura berpizkundeaz ta hedapenaz bere gain hartuz ardura donostiar hau izendatzea udalak dauka eskura.(bis) III Zein dira hoiek, nork hautatuak zer dute onik agertu? Donostiari emandakorik ez daukagu zer eskertu, euren leloaz, diru goseaz gaituzte denok aspertu erauntsi hoiek, oldar aldiak bitez agudo atertu horiengatik ezin duzue Txillardegirik baztertu.(bis) IV Merezimenduz nor izendatu ederki asko dakite Txillardegiri tokatzen zaio ta jaso dute enbitte, esku eskura dute ahalmena udalak erraz legike, beste horiei nork egin die kultur arlora konbite? Alkate omen udal burua agintzen, baina,COVITE!!!.(bis)
/DOIÑUA: Bizia ez da inoiz agortzen////// Donostia 2017-03-21/
_______________________________________________ Harpidetza eteteko, bidali mezua hona: eibartarrak-requ...@postaria.com izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
