*
كوميدي وطريف جداً*
*
ههههههههههههه*
*
حلوه*
*
ترررن** **..** **ترررن...............** **ترررن** **..** **ترررن*
*
رونالدو**: ألو*
*
منسق مباراة أصدقاء زيدان ورونالدو**: مساك الله بالخير طال عمرك*
*
رونالدو**: هلا غوميز.. شخبار التجهيزات*
*
المنسق**: كل شي تمام ويسر الخاطر*
*
رونالدو**: عساك على القوة*
*
المنسق**: أقول طال عمرك ودي أكلمك بمويضيع*
*
رونالدو**: إختصر تراني مشغول شوي*
*
المنسق**: أبد. بس... أأأأأ... يعني...*
*
رونالدو**: شفيك؟!! لايكون محتاج دراهم! ترى لايردك إلا لسانك ياغوميز*
*
المنسق**: ماتقصر طال عمرك لا خلا ولا عدم.. بس الموضوع مهب موضوع سلف*
*
رونالدو**: عجل؟*
*
المنسق**: (والله أم الإحراج.. ) بصراحة... في لاعب ودي إنك توافق إنه يلعب
معاك في المبارة الخيرية*
*
رونالدو**: لاعب! أي لاعب؟ بعدين إحنا إخترناهم كلهم اولريدي*
*
المنسق**: لا هذا مهب في اللستة.. بس مستعد يسوي اللي تبيه عشان يلعب المباراة*
*
رونالدو**: والله فريقي كامل.. ورى ماتكلم زيدان.. أخبره للحين يدوّر لعيبه*
*
المنسق**: توني مسكّر منه*
*
رونالدو**: أيه.!؟*
*
المنسق**: ياخي هذا زيدان عصبي شوي*
*
رونالدو**: شقال لك؟*
*
المنسق**: والله مادري..أول ما طرّيت له إسم هاللاعب قام يرطن بالفرنسي وهو
معصب. وبعدين سمعت صوت زي صوت التفلة.. وصك بوجهي!*
*
رونالدو**: ليه. من هو هاللاعب؟!*
*
المنسق**: لاعب سعودي.. يقاله.. سامي الجابر*
*
رونالدو**: لحووول. الحين ما افتكينا من هالمغاربة ...بعد بتجيبلي سعودي.. ترى
الفكرة إن اللي يشاركون لاعبين عالميين*
*
المنسق**: أبشرك هذا لاعب عالمي وشارك في أربع دورات كأس عالم*
*
رونالدو**: لا! غريبة ما قد سمعت فيه! وش مركزة؟*
*
المنسق**: رأس حربة** *
*
رونالدو**: أها.. زيي يعني.. أجل هدّاف.. إلا كم عدد أهدافه مع المنتخب*
*
المنسق**: هاه... 26*
*
رونالدو**: غريبة.. ليه كم مباراة دولية؟*
*
المنسق**: 162 مباراة*
*
رونالدو**: عفواً!!!!!! شيللي 26 هدف في 162 مباراة!! متأكد ذا رأس حربة ولا
رأس شيشة!! لا يكون مدافع وإنت ما إنتبهت!*
*
المنسق**: لا طال عمرك.. رأس حربة.. حتى جايب 3 أهداف في كأس العالم*
*
رونالدو**: على مين؟*
*
المنسق**: بلنتي في المغرب..وبلنتي في جنوب أفريقيا.وهدف في تونس*
*
رونالدو**: إنت مكثر العيار اليوم؟!! هذا لعب في كأس العالم ولا بطولة
أفريقيا!!!!! أصبر خلني أبحث عنه في النت.. لحظة...*
*
لحظة ..... سنتر 9 !!!!! وشو ذا اللقب؟! يعني جايب 9 أهداف من
السنتر؟!!*
*
المنسق**: هاه... لا طال عمرك... بس هذي عيارته.. يوم إنه يسنتر 9 مرات في
مباراة المانيا*
*
رونالدو**: أقول إذلف لا أتوطى في بطنك (وقالها بلغة برتغالية فصحى)*
*
المنسق**: تكفى طلبتك توافق.. تكفى*
*
رونالدو**: الحين قول لي. إنت ليش مهتم فيه لهالدرجة ؟!!!*
*
المنسق**: ودي أعدل من أوضاعي شوي. خبرك أسواق الأسهم حاست مذهبي*
*
رونالدو**: عندنا وعندك خير.. بس وش علاقة ذا في ذا؟*
*
المنسق**: والله ياطويل العمر. معروضٍ علي مبالغ محترمة.. من كم أمير عندهم*
*
رونالدو**: الحين فهمت!!! أجل السالفة إنك تبي تسترزق من ورا أبو سنتر*
*
المنسق**: هذا غير الضغوط اللي علي من أبو خطط علمية مدروسة.. خبرك أنا سمسار
لعيبه.. وودي أسترزق عندهم*
*
رونالدو**: وش ذا أبو خطط بعد؟*
*
المنسق**: ما علينا طال عمرك. هاه شقلت؟ طلبتك توافق.. حتى في أمير عندهم عرض
يشتري نص التذاكر ويوزعهم بلاش*
*
رونالدو**: حشا مهب صاحي*
*
المنسق**: تكفى وافق يابو غايب*
*
رونالدو**: إنزين أذيتنا.. بس شف*
*
المنسق**: سم طال عمرك*
*
رونالدو**: أولاً- لا ينزل الملعب وأنا فيه.. ترى بالعن خيرك*
*
المنسق**: تامر طال عمرك.. نخليه ينزل آخر 10 دقايق من الشوط الأول بعد
ماتطلع.. *
*
رونالدو**: إيه حدّه عشر دقايق وبعدين يقضب الشارع.. ولا أقولك. مايصير ننزلة
ثلاث دقايق؟! لا. لا.عيب أخاف مايمديه يسنتر*
*
المنسق**: اللي تبيه طال عمرك*
*
رونالدو**: ثانياً- ما يقعد معانا على الدكة*
*
المنسق**: وين يقعد!!!*
*
رونالدو**: مهب شغلي.. في المدرج.. في المواقف.. المهم ما أشوفه جنبنا*
*
المنسق**: إبشر طال عمرك أنا أتصرف*
*
رونالدو**: ثالثاً- مانيب معطيه تبديلة*
*
المنسق**: شلون طال عمرك. يعني يلعب بثيابه!!!*
*
رونالدو**: والله مهب شغلي. يبي تبديله.. يدفع*
*
المنسق**: إيه إيه مو مشكله يدفع*
*
رونالدو**: مية ألف يورو (خلنا ندفّع هالمهبل)*
*
المنسق**: بلّ.. شكلها واجد. بس إزهله.. بيدفعون طال عمرك*
*
رونالدو**: ترى والله إني وافقت بس عشانك يا قوميز وعشان أمك هالعجيّز.. وأبيك
تسترزق*
*
المنسق**: جعلك سالم.. وماقصرت.. وبيّض الله وجهك.. ومانيب ناسيلك هالمعروف طول
عمري*
*
رونالدو**: لا أبد تستاهل*
*
المنسق**: هممممم.. أأأأأأأأ.... هممممممم..*
*
رونالدو**: شفيك؟! شعندك بعد؟*
*
المنسق**: لا ... بس.. أأأأ.. عندي طليبٍ صغيّيييييير*
*
رونالدو**: ماحنب خالصين اليوم.. وشو؟*
*
المنسق**: هو يقول.. يبي... هممممم... يعني.. يبي يكون الكابتن*
*
رونالدو**: خرى عليك وعلى
******************************************************** ( تم حذف السابق
لكثرة إستخدام الألفاظ والمسبّات الشوارعية على المنسق وأم المنسق واللاعب اللي
جايبه..وووو...وووو.. )*
*
المنسق**: أسف.. أسف. طال عمرك.. تكفى هدّي نفسك...*
*
طووووووووووووووووووووووووووووووووووووط.*
------------------------------
Express yourself instantly with MSN Messenger! MSN
Messenger<http://clk.atdmt.com/AVE/go/onm00200471ave/direct/01/>
--
أخوكم
مازن الغامدي
--~--~---------~--~----~------------~-------~--~----~
You received this message because you are subscribed to the Google Groups
"faisalsaud" group.
To post to this group, send email to [email protected]
To unsubscribe from this group, send email to
[العنوان
محجوب]
For more options, visit this group at
http://groups.google.com/group/faisalsaud?hl=en
-~----------~----~----~----~------~----~------~--~---
