> Ngkong, maapin aye ye Ngkong. Pan ude lame aye kagak nyape Ngkong. > Gimane Ngkong kabarnye?Puase Ngkong pan belon ade nyang bolong kan ? > Eh iye Ngkong, kate si Atun Ngkong barusan punye cucu ye ? Ah aye > ikut ngebayangin Nyak Hari pasti girang banget ye, Ngkong punye > cucu. Aye aje ngedenger dari si Atun barusan, girang banget.
> Ngkong sore tadi aye ke rume Si Doel. Ikut buke rame-rame. Coba deh > kalau Nkong ade di sane. Pasti Ngkong demen. Atun pan bikin ntu > kolak buah atep ame pisang. Duileh Ngkong ntu semur jengkol mpok > Mine lueker buanget. Bujubunet ! > Ngkong aye nguping ntu si Atun nanyain ame si Doel, ade ape sih > sodare aye nyang anak Prodip pade mare-mare ?Aye kendiri jadi heran, > kenape sih ntu anak-anak nyang katenye pade cerdas-cerdas kagak > perne pade bise diem. > Ngkong, aye mah jadi bingung ntu sodare aye anak Prodip nyang > katenye pade cerdas-cerdas kok bisenye bilang pare pejabat DJPB > GEBLEK. Malahan ade pule nyang nulis di milis, Integritas artinye > ngikutin ambisinye PEJABAT Nyang *******. > Aduh Nkong, kaye disamber geledek aye rasenye Ngkong. Pegimane ntu > sodare aye nyang pade makan sekolaan kok pade urakan. Kagak ngarti > hormat pade nyang tue-tue. Kagak ade hormatnye pade ntu pare > Pejabat. Aye sedih banget Ngkong. Mereka-mereka ude merase paling > jago. Sok pinter. > Ngkong aye sih setuju ame Sodare Stefanus nyang nulis di milis ini. > Kalo kagak sale ntu milis kaya gini nih bunyinye : --------------------------------------------------------------------- Ya, ANAK PRODIP memang lebih pandai dan lebih mumpuni dibandingkan orang lokal (yg sekarang masih tersisa), karena mereka sudah dibiayai negara untuk belajar mengenai medan kerja mereka nanti ( bahkan jaman saya tingkatII pun sudah mendapatkan Gaji ). Namun janganlah berkata, bahwa "di daerah sapa lagi yang jadi andalan kalo bukan anak prodip makanya jangan semau mau deh ama prodip kualat ntar "karena mereka akan menjawab, seandainya tidak ada pendidikan Program Diploma-pun, KPKN, KTUA, Kasipa dan KPPN tetap akan berdiri dan berjalan. Bahkan mereka akan lebih bersyukur karena anak anak mereka mempunyai kesempatan untuk melamar kerja di depkeu ( DJA / DJPBN). Saya menulis ini bukan untuk mendiskreditkan seseorang ataupun golongan tertentu, saya hanya ingin mengucapkan (kalau boleh bernasihat) bahwa janganlah kita merasa "paling lebih" dibandingkan orang lain. Takutnya nanti kita jadi takabur. ----------------------------------------------------------------------- > Ngkong, aye demen banget ! Ntu Sodare Stefanus ngingetin sodare > -sodare aye nyang anak Prodip nyang katenye pade cerdas-cerdas. > Ngkong, Mas Karyo barusan mampir di rume mpok Mine. Katenye sih > pulang dari nagih jualan batiknye dari Lapangan Banteng. Di sane, > kate die,ketemu ame si Ibu nyang botoh (cantik) ntu Ngkong, > nyang namenye ntu Bu Sandy. Ntu lho Ngkong nyang katenye ngurusin > pare pegawe DJPB. > Ngkong, nih kate Mas Karyo, Bu Sandy sedih banget lantaran ntu > mikirin anak-anak Prodip nyang katenye kagak pade ngarti aturan dan > tetep pade ngebanggain dirinye. > Padahal, nih sih masih kate Mas Karyo, ntu Ibu nyang botoh ntu > bilang bahwe : * Anak Prodip di DJPB semue ade 2.999 orang (1989-2006) * Nyang pade kabur ke unit laen (ampe bln Mei) 329 orang * Nyang pade ikut test KPPN Percontohan 1.541 orang, nyang lulus cume 344 orang ditambe cadangan 202 0rang. * Jadi nyang kagak lulus semue 995 orang. * Dari semua ntu, nyang pade kene kasus berat atawa ringan sebanyak 95 orang (termasuk nyang kabur kagak ketauan juntrungannye sebanyak 23 orang. * Nyang diberentiin kagak dengan hormat sebanyak 52 orang. > Ampun deh Ngkong, gimane sih nih ! Aye kok jadi kagak ngarti. > Pantesin ntu pare pejabat pade ALERGI pade sodare aye nyang anak > Prodip. Nurut aye sih, bener ntu pare pejabat Ngkong. Ntu artinye > anak Prodip ntu kalo diibaratin SUSU SEBELANGA MAH UDE JADI NILE > SEMUE. Kagak ade lagi susunye. Ude butek semue Ngkong. > Ngkong, maapin aye ye Ngkong. Aye nih mah cume nguping dari Mas > Karyo. Aye sih berharap sodare aye nyang katenye pade cerdas ntu > pade sadar. Kagak ngaco en cume pinter ngomong doang. Bise-bise > ntar mereka pade dipinggirin. Pan Katenye mulai taon depan DJPB > kagak lagi terime anak Prodip. Kayaknye ntu pare pejabat di DJPB > pade mpet ye Ngkong ! Mudahan kagak ye Ngkong. > Salam > Banteng Biru (Betawi asli Bayuran Baru)
