Boas, Escrebo para esclarecer certas novas que foron publicadas nestes días: a igual que outros proxectos tecnolóxicos e de I+D iniciados polo bipartito, Mancomún está efectivamente a ser desmantelado. En concreto, a planificación foi abortada, os orzamentos foron cancelados, a oficina de coordenación foi fechada, a unidade administrativa foi clausurada e a consecuencia do anterior o meu contrato foi rescindido.
Non vou entrar a valorar eiquí ises feitos. Se me referín foi para: - dar constancia de que administrativa e xurídicamente Mancomún xa non existe - informar de que, dos recursos asignados, únicamente funciona os servidores virtuais sobre os que operan os distintos servizos (forxa, web, roldas e demais) cuxo contrato de mantenemento finaliza o 31/12/2009, data na que finalizan tamén os contratos da xente que aínda sigue traballando. - compartir a información da que dispoño para axudar a clarificar a situación e poder así definir conxuntamente as alternativas máis adecuadas para reducir ao mínimo o impacto sobre os proxectos de localización. A respeito deste último ponto confirmar, como xa indiquei no seu momento [1], que vou continuar coas responsabilidades que personalmente asumín nos proxectos de localización e pedir á xente que estades a colaborar nos que eu coordeno (Mozilla, OO.org e mais GNOME) que continuedes con normalidade co previsto ao tempo que imos retomando o proceso de desinstitucionalización que iniciaramos eiquí hai uns meses, xustamente en previsión de chegarmos a esta situación. Finalmente, agradecer as mostras de apoio que moitos de vós me fixestes chegar; só dizer que estou ben, que estou realmente satisfeito do realizado e que para min todo isto non é máis que unha excelente oportunidade para consolidar o que xa temos en boa medida avanzado; pola miña parte estou a traballar na copia de respaldo. Seguiremos informando. Avante a toda máquina! (-: [1] http://listas.mancomun.org/pipermail/g11n/2009-July/002319.html -- http://susinho.pagina.de/