---------------------------------------------------------- Archives: http://groups.yahoo.com/group/goa-net/ http://groups.yahoo.com/group/Goanet2003/ ----------------------------------------------------------
PADRI VIGARACHE KIR Dona Amerquinha de Barbara davim davim Padri Vigaraxim aili. “Padre Vigar, Padre Vigar”, tinnem korxeat korxeat ulo marlo..”Mojea tonddantlean vaitt utram bhair sorlim”. Tinnem dukhi zavn Padri Vigarak sanglem. Padri Vigar ojeaplo. Ji ostori dormik, devbogti, sodanch misak azir zavpi, kumuneanv ghevpi, xezarean thaim borem utor divn vagpi, ochkit tichea toddantlean vaitt utram ievop mhonnchem, kitem tori khoim chuklam.. Padri Vigaran tika kodelir bosovn vicharlem . “Hem koxem godlem? Tuje tonddanleant vaitt utram koxim ailim?” Thondd udkacho glass tichea hatan divn Padri Vigaran vichar mandlo. “Padre Vigar, hanvem don popot vinkte gheatleat.”. Tinnem soroll sanglem. Padri Vigaran ghoss korun ang kadlem. Uprant Dona Amerquinhan sovkasahen sangtokoch te ulovpi kir vo parrot fokot vaitt utram uloitat tedna Padri Vigar matxe susegad zalo ani tika vicharlem “Tuje ulovpi kir bailo vo dadle?” “Bailo.” Tinnem sanglem “Khoim thavn adleat?” “Vasco bazarant” Padri Vigar somzolo.Tannem Dona Amerquinhak buzvonn divn sanglem. “Bhuim naka, mhoje thaim dog daddle kir asat. Ani te fokot borem uloitat.Tankam borim dhormik utram xikoileant ani te soglo vell rozar kortat.Tuje kirank add ani havn mhojea daddle kiram sangatak dovrun tuje bail kirank borem uloitat toxem kortam” Zedna Dona Amerquinha tichea bail kirank ghevn, Padri Vigarache daddle kiram sorxim votana Padre Vigarache kirani rozar suru kelem. Dogui bail kirank panzreant bitor sodttana Padri Vigaran mhonnttlem. “Mojea porano! Hea tumche ixttinink borem ulovpak xikoieat. Kir gombirponan rozar kortale. Tannim oi mhonnon fokt gomtti aloili. Ani dogaim, Padri Vigar ani Dona Amerquinha fatt voloun cholltat thoimch asat. Dogui daddle kirani rozarachem kont bodeak umkaun , bail kiranche kandar aple pakotte ghalun ani gomtti voir kaddun barraboruch mhonnttlem “Deva! Tuvem amchi magnnim zaitea tempan aikolim ga.” ===== http://www.goa-world.net/poems http://www.goa-world.net/poems/lino __________________________________________________ Do you Yahoo!? Yahoo! Mail Plus - Powerful. Affordable. Sign up now. http://mailplus.yahoo.com
