Goanet meets in Goa: December 27, 12 noon and January 7, 4 pm (meeting point: Kala Academy canteen). See you there! ------------------------------
Aichean, fokot tin dis urleat Natalamche porbek. Aum zannam, Goeam aslele toxech soumsarak ximpoddlele Goemkar vhodde urben ani taktin toeari korunk lagleat mhunnon Natalamche porbechi. He porbek kherit urba haddta khuxealkaiechim gaiannam (Carols) jim zonna ekache maim bhaxen gaitat. Adim Konknni bhaxen him gaiannam naslint punn atam assat. Hea vorsache Natalamche toearen, khuxealkaiechim gaiannam missol korun te toearek ami ek kherit rup divum-iea. Hea sokol avem oslim tin gaiannam boroileant – poilem ani dusrem zantteank toxem nentteank ani tisrem burgueank. Him tin gaiannam sogleam gaiannam poros gaupak sompim karann tim Inglez Carols-anchea kumpasar bossoileant. Upkar magtam vachpeam laguim, him gaiannam melltanch tanchi ensai marunk suru korunk jeant tin dissanim nokllo asleleanim tim sompeponnim gavunk zatelint.
Zoxem tumkam khobor asteli, Saudi Arab ganvan khuimchoch dusro dhorom cholounk zainam bhairaun Islam. Oxem asson, angasor missachi bhett nam, tor Natatalam ani khuimchim? Punn amcho bhavart azun hallonk nam - ghott assa. Mhunni assa: “Mog aslear khuim un odde ghanttar pautat nam zalear tem xellele torui pavonant”. Hea desh-an ami kolponi Natalam somorpitat. Oi, dis ani ratr ami fokot sopnetaum sopnam zoxe porim koxe ami amchea kuttomba sangata Natalamchi porob somorpitele aslet, koxe ami amchea xezareank bhett ditele aslet, koxe ami amchea burgueank saguadi ditele aslet, koxe ami amchea kuttombak gheun dansak voitele aslet, adi. Adim, hea ganvan ami Inglez “Carols” gavun Natalamcho kall sartaleaum; atam ami amche bhaxechim khuxealborit gaiannam gaitaum. Moji vinoti zaun assa tumi’i bhi osli novi sonvoim rochunk.
Tor, him assat tim tin gaiannam:
1. XANT NIXEA (Silentnight)
Xant nixea, shud nixea Kalloki sogleank nid Mari Jose kortat paro Dulob ballok nidla boro Khaunnechi korun khatt Khaunnechi korun khatt
Xant nixea, shud nixea Goumlleanim deklo uzvadd Sorga vele Deudut deumtat Sontossan modur guit gaitat Krista roz zolmola Krista roz zolmola
Xant nixea, shud nixea Devak kela puta Rupkar tujea mogros rosta Kurpechem fanklem fantem Eun tum amchea modem Eun tum amchea modem
2. GLORIA
Ontroll pettlam noketranim Uzvadd atvech porecho Boddve gaitat gaionnam Sorv than sorguimcho Sondes dita sogott munxeak Sondes khuxealkaiecho Moronn nhoi amcho xevott Punn oromb sasnnamchea jivitacho
Glo-oh-oh-oh-oh, Oh-oh-oh-oh-oh, Oh-oh-oh-oh Oh-ria
In excelcis Deo
Glo-oh-oh-oh-oh, Oh-oh-oh-oh-oh, Oh-oh-oh-oh Oh-ria
In excelcis DeoOntroll pettlam noketranim Uzvadd atvech porecho Boddve gaitat gaionnam Sorv than sorguimcho Sondes dita sogott munxeak Sondes khuxealkaiecho Moronn nhoi amcho xevott Punn oromb sasnnamchea jivitacho
Glo-oh-oh-oh-oh, Oh-oh-oh-oh-oh, Oh-oh-oh-oh Oh-ria
In excelcis Deo
Glo-oh-oh-oh-oh, Oh-oh-oh-oh-oh, Oh-oh-oh-oh Oh-ria
In excelcis Deo3. SANTA CLAUS – Burgueanchem kantar
Natalamcho dis laguim Paulo Santa Claus amguer ietolo Kitem tori bhett maka haddtolo Aum niden astannam soddun vetolo Avem Santa Claus-ak chitt boroilea Aum ek boro burgo zatolom Maka ek Natalamchi bhett hadd mhunn Aum zannam to maka jerul haddtolo
Santa Claus, Oh! Santa Claus!
Santa Claus mojea ixtta
Aum tuka neureo ani doce
Dovortam ti khavunk visronaka
Santa Claus, Oh! Santa Claus!
Santa Claus mojea ixtta
Aum tuka neureo ani doce
Dovortam ti khavunk visronakaNatalamcho dis laguim Paulo Santa Claus amguer ietolo Kitem tori bhett maka haddtolo Aum niden astannam soddun vetolo Avem Santa Claus-ak chitt boroilea Aum ek boro burgo zatolom Maka ek Natalamchi bhett hadd mhunn Aum zannam to maka jerul haddtolo
Santa Claus, Oh! Santa Claus!
Santa Claus mojea ixtta
Aum tuka neureo ani doce
Dovortam ti khavunk visronaka
Santa Claus, Oh! Santa Claus!
Santa Claus mojea ixtta
Aum tuka neureo ani doce
Dovortam ti khavunk visronakaMoi-mogan, Domnic Fernandes Anjuna/Dhahran, KSA
_________________________________________________________________
MSN 8 with e-mail virus protection service: 2 months FREE* http://join.msn.com/?page=features/virus
##########################################################################
# Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/ # # Please keep your discussion/tone polite, to reflect respect to others #
##########################################################################
