Goanet next meets in Goa: January 7, 4 pm (meeting point: Kala Academy canteen). Goanet founder Herman Carneiro will be there. See you there! ------------------------------
Aichem mojem boroup Goemchea Kunnbi lokak bhettoitam.
Adim ek ghor bandtolo zalear, poilo eka mukhi kamdareak apoun haddtalet ani to chodd korun eok Goemcho niz vavraddi astalo zaka ami “Kunnbi” mhunntaum. Amchea Anjuna-an Kunnbi lok naslo punn hea lokacho eok zomo Assagao-an rautalo. Tancho vhoddil, Camil ani tacho bhav, Gaspar, he dogui Assagao-an toxech Anjuna-an bhou famad aslet. Konnamcheai ghorachi bunhad marunk zai, goddgo/durig bandunk zai, udakachi baim marunk zai zalear, Camil-ak poilo apoun haddtalet ani to apleam sangateank gheun vavr suru kortalo ani sanglelea vellar kabar korun ditalo. To Devache bhinranticho munis vortoun, addgam-naddgam ou chikannponnam tache thaim bilkul naslint; to eka utracho munis aslo. Azun tanche kaim kuttomb Assagao-an assat, punn tanche burgue avoi-bapaicho dondo korinant, karann te atam bore xinkleat ani khateanim kamank lagleat.
Aum supurlo astannam, amguer udakachi bhaim marunk suru keli ani hem kam moje avoi-bapuin Camil-ak sompoilem. Maiachea muino vortoun, amche bhaink udak mellonk borench khol khonddchem podlem. Oxem asson, Camil ani tachea vavraddeanim amguer tin muinem vodik vavrak rauchem poddlem. He tin muinem mojea jivitan borech faideache zaun guelet, karann dhor sokallim Camil-achi ghorkarn nachnneamchi pez ou ambil eka marnan ghalun moje avoik ditali, ani moji avoi ti ambil eke vattlen vaddun maka ditali, pejeche boldek. Vhoddilanchi mhunni assa “kharleleacho khuim denkor eunk zai”. Azun passun maka tanche ambil-icho ugddas ani denkor ieta! Zoxe amche vachnnar zannam astelet, nachnneamchi pezek zaitich ghottai assa ani teach passot adle amche vavraddi ti khaun okonnd aslet.
Zaite amche Goemkar Kunnbi lokak kinkont kortat. Hem bilkul sarkem noi, karann tannech adim amchem Goem sudrailam ani voir kaddlam ani heach lokan amchi maim-bhas-ui azun jivi dovorlea. Adlea tempar amchea tiatranim ek tori Kunnbi kantar astalem. Angasor thoddea bhou kantoristanchim nanvam boroun ditam je/jim Kunnbi kantaram gavpan ostad aslint: Robin Vaz, Souza Ferrao, Star of Arossim, Jepsis Hitler, Antonette, Anita, adi.
Aiz kal sogott Kunnbeank vissorleat. Zannaim kiteak? Kiteak tancho zago atam ganttianim guetla. Rajastani lok tor Goeam eun apunn Kunnbi mhunn lokak dakoitat ani fottoitat ani ami (Goemkar) fottoun guetat. Ugddass assa sumar don muinem pattim eke Rajastani ostorecho fottu eka "magazine"-ar xaplolo to ani taka lagon zaitech Goemkar pikar zalelet tacho? Oi, Rajastani ani amchea Kunnbi lokachim angostram ani nakan-kanantleam vostunk zobor veglozar nam khoro, punn zori ami eke assol Goemkarn Kunnbinnim modem ani Rajastani ostore modem veglozar korunk nokloum, zalear kosle Goemkar ami?
Chol atam ami amchea Kunnbi lokacho ugddas korun hea sokoilem kantar gavum-iea. Avem anik don Kunnbi kantaram taka zoddleant:
AURADDI
Aura otai kuraddi marn khandari Kudoll voir sokol kan’n honddtai bandari Ghor bandunk nichddaitai guiresk ankari Sonvodis bakra battu paddt’le konkari Aura otai kuraddi marn khandari Kudoll voir sokol kan’n honddtai bandari Ghor bandunk nichddaitai guiresk ankari Sonvodis bakra battu paddt’le konkari
Fondd kaddtai rostear puroicheak khondde Roitai toxim molak vinktai bendde Porum vorsak nachinn pikole kondde Battan fultai zaddar bondde
Rendak cheleai ga Jose Abra ambeantu Khanddianim roin kumbanim pikoin jikil xetu Hea vorsa satt rupianim inkil batu Kesleai aurak ami gaudde ga toearu
Moddbor tanduii orou addouiea Caju bieo bhair khattir gan toddumiea Xinknnar eiai aura aur korum-iea Aura vhoddponn voir korum-iea
Bolaqen gott ga Kunnbi nokdda khambo Paus votan arbo teje jivit lambo Ambil gottai, di taka vokta thembo Sokallim aura toear sadgaxim kombo
Pul te bandleai kunnem – Auraddeanim Min ustilam kunnem – Auraddeanim Ranamchim xar keleaim – Auraddeanim Gaum sudraileai – Auraddeanim Pul te bandleai kunnem – Auraddeanim Min ustilam kunnem – Auraddeanim Ranamchim xar keleaim – Auraddeanim Gaum sudraileai – Auraddeanim
KUNNBI JAKI
Lara-lal-lal, laral-lal, la, Lara-lal-lal-la Lara-lal-lal, laral, lal, la Lara-lal-lara-la, la
Lara-lal-lal, laral-lal, la, Lara-lal-lal-la Lara-lal-lal, laral, lal, la Lara-lal-lara-la, la
Sintidan paim ghal re Jaki Nisron tum sokla poddxi Lokague ghor mod’dn uddoixi Sintidan paim ghal re Jaki Nisron tum sokla poddxi Lokague ghor mod’dn uddoixi
Kunnbi ami vauraku konnank aikonaum Texe ami sor picheak konnank lagonaum Zaiteo soreache botli, assai amjelea ghora Kunnbi ami zolmoleaum soreachea bol’lan
Lara-lal-lal, laral-lal, la, Lara-lal-lal-la Lara-lal-lal, laral, lal, la Lara-lal-lara-la, la
Sokol voiri disti podnam Paem moje dotrek lagnam Upkar korn ghar pavoi sangtam Sokol voiri disti podnam Paem moje dotrek lagnam Upkar korn ghar pavoi sangtam
Kunnbi ami vauraku konnank aikonaum Texe ami sor picheak konnank lagonaum Zaiteo soreache botli, assai amjelea ghora Kunnbi ami zolmoleaum soreachea bol’lan
ROZA
Sodamkal vaura voitam bakragueru Tinga ek mistri babu as tengueru Dissui bhor mitti marun to asta mojeri Kazar zatam mhunnta apunn kunnbeamjeri Dissui bhor mitti marun to asta mojeri Kazar zatam mhunnta apunn kunnbeamjeri
Lara-lal-lal, laral-lal, la, Lara-lal-lal-la Lara-lal-lal, laral, lal, la Lara-lal-lara-la, la
Roza tuka mistri baban kitem xinkoilam Raticho eunu mojem lisaum jeilam Roza ami kunnbi asson mistrik bulolam Igorzan vochon tannem certez kelam Roza ami kunnbi asson mistrik bulolam Igorzan vochon tannem certez kelam
Lara-lal-lal, laral-lal, la, Lara-lal-lal-la Lara-lal-lal, laral, lal, la Lara-lal-lara-la, la
Roza maka istimosaum asgo tujem Tuje vinnem kalliz mojem fafsot soglem Devan ek burguem dilear naum gat’lim tujem Majir ami mar-iea irlem xerbedachem Devan ek burguem dilear naum gat’lim tujem Majir ami mar-iea irlem xerbedachem
Lara-lal-lal, laral-lal, la, Lara-lal-lal-la Lara-lal-lal, laral, lal, la Lara-lal-lara-la, la
Moi-mogan, Domnic Fernandes Anjuna/Dhahran, KSA
_________________________________________________________________
The new MSN 8: smart spam protection and 2 months FREE* http://join.msn.com/?page=features/junkmail
##########################################################################
# Send submissions for Goanet to [EMAIL PROTECTED] # # PLEASE remember to stay on-topic (related to Goa), and avoid top-posts #
# More details on Goanet at http://joingoanet.shorturl.com/ # # Please keep your discussion/tone polite, to reflect respect to others #
##########################################################################