Mansugeche Monis Mansugi Samballpi Children with good manners come out on top. Well-behaved kids are more likely provide enthusiastic words of appreciation like please, thank you, excuse me, youre welcome, may I, sorry, not only convey proper gratitude .
Teacher Guilhermina Dias de Rosario ikravea vorgant xiktelea vidhearteank bore vagnnuke voir aplem nimnnem bhaxonn ditali. Bori xist apnnailear ek vhodd mansugecho nagrik zaunk xokta mhonn tinnem vidhearteanchea monant uzvaddachem kirnn zagoilem. To dis SSCE (teddnachi XI-vi) vorgant xiktelea vidhearteancho nimnno vo suvalleak (send-off) dis aslolo. Fuddarak tannim konn tori zaumchem oxem monant dorun teacher Guilhermina aplea bhaxonant tankam zaitem xikoitali. Nikal jahir zatoch fuddlem xikop nanv vaztea koleginin zatlem ani thoimsor tankam tore-toreche nove ixtt-ixttinim gavtelo. Punn bori xist mat khoimchean ailleant tem tanchea mansugeche vagnnucher tharlelem astelem ani oxem korun tea iskolak, ganvant ani xikxokak abru haddunk xektta mhonn teacher Guilhermina-n vidhearteank ugddas kelo. Anikui chintpa xarkelem chitr tanchea nodrek dovorlem ani tem mhollear mog. Moga vorvim zaitem korunk zata. Mog korop ek patok nhoi punn korea niz mogan akhoch somaz sudarpak zata mhonn tinnem sanglem. Kolegint chedde-cheddvachi ixttagott asta ti uprant mogache roste tandpak lagta punn vaitt sonvoim pois dovorun cholllem zalear khorea mogak orth asta. Kolegint astana apnnei-i mog kela mhonn ti gorvan uloili. Apnacho mogi khup xist samballpi aslo mhonn tinnem ghorkar Inas-ache gunn mezle. One day I was with him on a date, .. Teacherik kosli tori dusri iad aili. Tinnem vixei bolldilo ani mhonnlem ok dear students, I will take it this way. Carlos. Aple nanv ghena fuddem Carlos putt korun ubo ravlo. Yes teacher. If you were on a date, having supper with a cute looking young lady, how would you tell her that you have to go to the bathroom?* Carlosan, chintukuch naslem teacher Guilhermina oslo prons vicharit mhunn. Cheddvank lozpi Carlosan mhonnlem Just a minute, I have to go piss. Ha, hu, ha, hu korun akhkich class hansunk lagli. Silence! Teacherin vidhearteank ogeponn samballunk formailem Carlos, that would be rude and impolite. What about you Agnelo, how would you say it? Agnelo filho de Redempto mhollear konnui vollkotalo. Teacher Guilhermina-chea iskolant ievnchea adim to khoim Pilarchea seminarint padri zaunk tachea bapain taka bhorti kelolo. Dev nirmita toxem. Bolaikhi tachi fatt soddinam zali. Seminar soddchi poddli. Sadheaponnan ani bore xistin chollpi bhurgo aslo. Tannem motthvea avazan zap dili. I am sorry, but I really need to go to the bathroom, Ill be right back* Thats better, but its still not very nice to say the word bathroom at the table.* And you LAPIT .. Teacher-in Lapit-achem nanv genam fuddem mukhlean, fattlean, bazun boslelea vidhearti Lapita islean ghuvon, tachea tonddak polleit mottean hansunk laglim. Lapit khellan, machier gitam gavpan ani her kamani bhouch huxear punn xikpan mat illoso zhodd aslo. Konnachei adharak pavpi akhach lagun taka Boro Samarithan mhonntale. Follam-Torkari kaddleli nhoi fokot zhadd piki khatalo. To ubo ravlo tedna chedde-cheddvamnim porthean hanspachem dorlem. Silence dear, silence please!!! Let him use his intelligence for once. Lapit, how would you show us your good manners Lapitan, chintlem, chintlem ani soroll mhonnlem I would say: darling, may I please be excused for a moment, I have to shake hands with a very dear friend of mine, whom I hope youll get to meet after supper. * Klassint, talleancho ghonnghonn ghazlo zalear teacher Guilhermina besudh (unconscious) zaun kala poddli. Lino B. Dourado * Voilea lekh-antle kaim bhag sompadit (edit) keleat http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com