-------------------------------------------------------------------------- | Add your name to the CLEAN GOA INITIATIVE | | | | by visiting this link and following the instructions therein | | | | http://shire.symonds.net/pipermail/goanet/2005-October/033926.html | -------------------------------------------------------------------------- Romi Lipi Soglleam Indiecheam Bhassank Favo
Mogal Bab Uday Bhembre, Bhar gheun tuzo lekh "Roadmap for Konkani" hanvem vachlo, kiteak khoimtori vachun zannam aslom ki tum Konknni mogui zaun asai mhunn. Punn tech porim tum Devnagari-cho Bott zaun asai mhunn mhaka khobor nasli. Tum Konknno Goemkar zaun hanv ojeapnam, kiteak thodde Kistanv Goemkar-ui apli zolm-sothea visortat ani oxench chintat. Punn Romi lipi hea kallar zobor gorjechi Goemkarank. Ki Romi lipi zaiteam heram lokan Asiak apnnaili mhunn, dubau nam tum zanno zatoloi, zoxem Turki (Turkey) desan, kiteak tankam ek kalzidor fuddari aslo ATARTUK nanvacho. Hanv somzotalom ki tum-ui, zanno zaun ki hea "Cyber" kallar Romi Lipi gorjechi mhunn Goemkar fuddarak, tum Romi lipi-ek tenko ditoloi mhunn. Punn Kotta, churchurre, tuka goddiek tujea Devnagari bullounean tem korunk puttovlem nam? Vis vorsam patim hanvem ek kavitta "Nomann Romi Lipi-ek" boroileli Romi lipi-eche gunn ugddaun, dakoun konn-konn ganvamni apli khudd lipi soddun Romi lipi aplea lokak apnnaili. Hea sokol tuka ti pattoitam, pation ki zait ti tuka bulloiteli Romi lipi-chea mogan poddonk ani hem lipi-chem kestanv sompounk. Kitle xekdde ami Kristanv ani Konknne moi-mogan jiveleant kestanv nastanam hea gaum-ant - Roma Udentichem. Sangchi goroz nam ki mhaka bhov sompem zalem porkeo bhasso xikunk -zoxi Jerman, Purtuguez ani Espanhol, kiteak hanv Konkani ulounk ani Romi lipi-en borounk zanno mhunn. Ani ti borounk konnem mhaka xikounk nam. Hanv Latin xiklolom mhunn Konkani-nt borounk mhaka sompem zalem. Ulounk tor mhoje maim laguim xiklam ani Inglez mhojea pai laguim, lhan bhurgo than don bhassanim vaddlam. Tujean atam moll korietta Romi lipi-chem. Mhoji Konkani chalti zaun asa, nhoi klassik! Tunch nhoi, bogor zaite Kristanv vhoddil Devnagariche bhagidor zaun aslet, zoso bab Tomazinho Cardoso, tachea kumsara pormonnem Goa Today masikant eka interview-ant. Punn atam to soirannar aila so dista ani aplea patkachem bogsonnem gheunk Romi Konkani Movement suru kelam ani zuztta Romi-k Goemchi Rani korunk, zori Devnagari atam Raza zaun asa tacheak gunneavak lagun. Tantun, Tomazinho aiz honraddik mhunnoietta tache khaltikaiek lagun, sangun ki apnnem chuk adarli mhunn. Goa Today masikant, Oktubrachem 2005, editor Vinayak Naik Tomazinho-ak vicharta: VN: But why did'nt you sort out this script problem at the time of the Konkani Movement for obtaining the official language status for Konkani? TC: Looking back, I think it was our mistake. The entire Catholic community in Goa fought for the official language for Goa. The Konkani movement would have fizzled out if the people were to be told that script for Konkani would be Devnagari. They were kept totally in the dark. Of course, we, mean- ing those who were the leaders of that Movement were aware that it was going to be Devnagari, but we had not let the people from the minority community know about it. Actually, we were also at fault because we never let them know about this understanding on the script we had on script issue. (courtesy: Goa Today) Khoreponnim, aiz goroz soglleo Indiecheo bhasso Romi lipi-n borouncheak, ani nhoi fokot Konkani. Tuvem borem korun chintlear tum-ui raji zatoloi mhaka dista. Hoch tuzo vell Indiecho Ataturk zaunk, diun Indiek Romi lipi , zossi Ataturk-an dili Turki desak. Tuka oxem disonam bab Bhemre? Tuvem atam ek novem Roadmap kaddietta: Roadmap for all Indian Languages - Roman script. Ragar zainaka hanvem mhoji mott tuka boroilea mhunn - feedback tujea lekh-ak. Basilio Magno (Spain) Pattietam ki tum hi kavita sintidd diun vachtoloi mhunn. NOMAN ROMI LIP-EK borovpi Basilio Magno (Spain) Konknni bhaxe, tuk' kortanv ami noman! Tum zali mhunn raj-bhas amchea ganvchi; Tantun mellunk pavlem ghottok-raj amkam, Tem zaun aslem amkam sothea soimbachi; Punn tori-i dusro xevott aslo hacho, Ghott korunk Goeam ekvott Goymkarancho. Ek bhas, ek des, tach' vorvim ekuch porza, Hi zaun asunk zai amchi politik filosofi; Don bhaso zhuzleot apleak gheunk ek Goa, Xekim Konknni jikli, harun geli Moratthi. Punn Moratthivale zaun xanne kole, Tannim dampun hadle Konknniche dolle. Bhuloile Konknnik, des-bhoktichea nanvan: "Romi lipi naka, ti zaun Eropi; Ti Goeant haddli Purtuguez soitanan, Amchi dexi lipi zaun asa Devnagri." Zaite Romi borovpi haka bhul'let, Morathivale zage, Konknivale nhidlet. Zait zaiteank puttvonk na hem sot porgottunk, (Bhieon nhunnot mhunn Purtuguezacho lembddo;) Ki Romi lipin sompem ekvott zoddunk, Nhoi fokot Goencho, punn akhe Indiecho, Zoxem korun ghetlem bhair vhodd desamnim; Tanche vhoir thoddi vollok gheum-ia ami. Poilem sonvsari zhuz somp'sor, Turki ganv, Vapddi Arabik lipi Turki borounk; Punn 'Attarturk' podver ietoch, (vhodd tach' nanv) Formailem Romi lipin Turki xikounk. Romi lipi sompi zaun, vaddli ti bhas, Aiz Eropak porzollta ticho prokas. Asat zaite vhoddle des Asiak, zannim Arab lipi nikllaun Romi vapuddli; Pon'nas vorsam fattim des Indones-in, Apli bhas Romi-n borounk suru keli; Tanche dekhin, Singapur, Malaisia, Apleo dexi bhaso Romi-n boroita, Hem sompeponn ami khud zanno Goeam, Chodd konn khoreponi xiklena Konknni; Ti maim-pain uloil¡li aikon ghorant, Xikleanv ulounk, borounk soronk na fattim. Inglez vo Purtuguez borounk zanno zaun, Konknni borounk zali sompi, nastana lisaun. Goem zaun aslem Roma Udentichem, Goymkaramni kor'ietaslem vhoddlem nanv, Zori Romi lipin-uch borounk tharail'lem, Ani Indiek dilelem hem lisanv: Konnacheanui sompi xikunk iet asli, Zaum ti bhas Tamil, Hindi vo Guj'ratti. Kotta, Goymkaramni chukoilem tarum, Manun gheun Devnagrin Konknni borounk; Ai, des-bhokteamno, polloieat tumi chintun, Kitlem borem zat'lem aslem ami dakounk, Ek bori dekh Indiek Romi lipi vorvim, Punn kotta! hem konnem chintlem na tumi. Chint-ia ami nhoi Hindu ani Kritanv mhunn, Bogor put ani dhuvo Goa maimchim; Choddam potram , oi, ietat Romin xhapun, Tim adim Kristanvan, Hindvamni vachlim. Tor kiteak atam kortanv ami vegllikai Ani mhunnttanv Devnagri lipi zai? Xekdde bhor Romi lipin xhapli Konknni Potram: Udentechem Sallok, Sot, Uzvadd, Udentechem Neketr, Goa Times, ani Vavraddeancho Ixtt, Goykar. Rotti, Gulab. Romi lipi zalea amchem herderponn, Tem ami sambaunk zai ekvottan ravon. Polle Romi lipin borovpi utt'leat, Zage korunk tumkam je asat susegad; Ekvottan tumi sogle adhar diat, Salvar korunk Romi lipichem bhiradd, Hanv Romi lipin borovpi pordesant, Kallzant than tumkam kortam Noman!