-------------------------------------------------------------------------- | Add your name to the CLEAN GOA INITIATIVE | | | | by visiting this link and following the instructions therein | | | | http://shire.symonds.net/pipermail/goanet/2005-October/033926.html | -------------------------------------------------------------------------- Anink ek panvl, anink ek divli pettli (One more step, one more lamp is lit)
Amchea itihasant Konknnichea mogan khupuch vati pettleat ani apunn zollon somposor Goenkarank gineanacho ani sonvsaracho uzvadd lokak dila. Konknnichim choddxim potram ani masikam vatich zalelea porim dista. Pettleli vat zoxi aplo vell somptoch palovta toxench amchea prokaxonnam vixim ghoddot ailam. Punn novim potram ani masikam uzvaddaunk Goenkar kedinch fattim soronknam. Dekun hem novem pondrallem potr tumchea hatant ami ghaltanv. Ami umedin hem rongit potr xapunk fuddem sorleanv ani hea kamant tumcho favo titlo sohokar astolo mhunnon somzotanv. Tumkam borovpachi itxa aslear, tumchim borovpam amkam dhaddat. Kovita monan kirlolear tea kagdacher utravn amkam pattoiat. Goenkaranche ani Konknni bhaxeche soglle anvdde porgottpachem sadhon ami toiar korunk evjilam. Amche bhaxechem bhanddar disandis choddunv ani vaddunv. Amkam Romi lipintlean Konknni borovpak thoddi bhov sonvoi asa ani sod'deak sompem lagta mhunnon Goencho Ulo hech lipint xapun ieta. Punn Goenkar Konknni uloitat. Ulovpak lipi lagona. Khuinchei lipin boroilear vachpi Konknnich vachtele. Amkam lipicher vad naka, amkam Konknnichi vadd zai. Dekun tumchem borovp khuimchei lipint aslear amkam upkarta. Hatan-hat ghalun fuddem tanch marumia ani ghoddta zalear Konknnicho vikas korunk vavrumia. Mog asumdi.