Bab Lino, Tuka chodd ani chodd Dev borem korum tunvem Devan dille gunn bore baxen uzar kortai dekun. Tuje natalanche kusvaranchi lek vachun ekdom borem dislem ani burgea ponnailo ugdas ailo. Adim soglea garanim kunsvar baztalet. Sogleak vas poddtalo. Ani baztanam khaupak vodik borem lagtalem. Pun atancho teomp zala readymade acho. Gorant Soglinch kammamk vetat muntoch to ani kunsvar korpak vell ani fuincho astolo? Mapxeam barazant gelear soglech vinktat ho kunsvar. Eka dissachem kam ordea oran kabar. Armosanv dekun ready made, Noketram dekun ready made. Adim soglea garanim heo vostu kortalet. Armosanv dekun posrear vochon foli addun katrun pitacho paste korun gorr netoupak ekdom borem distalem. Oxem distalem Natalank sarki toeari kelea baxen. Pun atam? Ratrichim mis magir kiss ani zalem Christmas kabar. Amchea Oldoneant zor eka dissa Christmas tiatre zatalet ani te kortalet zorr ek vaddo. Tea tempar ganvant tiatrist dekun bore astalet. TV nassun, vell meltalom soglea oslea ostunim bhagg gheupak. Oslea programmank dekun lok polloupak zaito etalo. Punn atam fokot time pass. TV programs chuktat dekun chodd lok bhag ghenam num munn polloupak passun enant. Adlo teomp ani kednanch eupacho nam fokot amche goemkar amkam kedna kednai ugdas kortolet hea tempacho zoso tunvem kelo Bab Lino.
Edkom duk lagli tuje avoichi fobor vachun. Magtam tichea otmeank Sorginchem suk favo zauncheak Thanks Lino for the trip down the memory lane.and wish you and all readers a VERY HAPPY CHRISTMAS. FUXAL BORIT NATALAM TUMKAM SOGLEANK AUNDETAM.
Cheers Jerry
Fernandes
Ek Iad, Avoichea Hatantlea Kunsvarachi
Bouch huxir zal'lo. Aimore uprant ghorant bhitor sorlo zalear sodam porim tinnem mhojer thapsanni ghalcheo asleo. Punn titloch vell tigelo. Mhoji chuk asum vo na asum. Thapsanni ghalta tea vellar moneaponnan aikun ghetalom. Tika portean keddnach zap di naslom. Uprant mhojem kam' koslem asa tem, tinnem sangchem aslem ani sompoilea xivai jev naslom. Heach khatir ti mhojer khuxi astali. Mhoji Avoi ti. Mhoje avoin, vorsache vorsa Dezembrache 23ver Natalamcho kunsvar bazcho aslo. Xezarchim cheddvam, baileo mhoje avoik pitt lattunk, kunsvar bazunk ap-apleo lattnni, manddnni gheun adhar korunk ietalim. Mukhavelem dar bond aslelean kuznantleant bhitor sorlom. Zomnir pattoulelea xindrer, timai Clementina, Bernandina, Satana aunty, mhageli ixttin Aida paim soddun manddnnicher pitt lattalim. Mhoji nodor avoicher poddli. Tichea mukhamollar thapsannincho rong naslo. Tichi, ek kortovea mhaka bhori avoddtali. Ghorant konnui dusro monis aslear tanchea samkara keddnach boball kori nasli. "Ailo heddgo. Koim aslo re tum keddov meren? Maim husketa tuka. Kitlim horam vazlim atam?" Clementin timain vicharlem. 'Tanv' korun kopelachi ghantt vazli (1976 vorsa adim Utodd'ddechi Lourdes Saibinnichi Igorj kopel aslem) Hanvem sodam bhoxen mhojem tond hanstem korun mhonnlem. "Saibinnuch sangta mu ghe, kitlo vell zalo to," ani sogott ku-ku-ku korun hansunk laglim Avoin, mellelea otmeank atth horamchem magnnem mhonnttlem ani uprant sogtteani tigelo axirvadd ghetlo. Mhoje dusre dog bhav, salant konddea boddichem nokhetr korpak ekdomuch boballar aslele. Bapui, vhoddlea bhava sangata gotto toear kortalo. Dodolache, bebinkache, dosiche kuddke eke platin ghalun mezar dovorlele disle. Dos, dodol, gons, manddare, bullina, bebinka ani ier dusre khavcheo vostu avoin, atth dis poilim toear korunk dovorcheo asleo. Adim, khaupacheo vostu piddear zainastanam sugur urpak refrigerator-ichi goroz poddo nasli Atamchea toren, tedna vikallem poriavoronn (environment) naslem. Punn hea kallant donparam randlele jinos freeze-int dourinastana urle zalear ratche te kavpa sarke nastat. Salantlea mezar aslele platin dodolacho ek kuddko kaddunk hat mat ghatlolo. Itlean Xaverinho, mhojo nim'nno bhav aroddlo. "Maim choi ghe. Amkam dovorlelem khata mu ghe." "Khoim gelo re to. Tankam kiteak bejear korta? Ing ieo bhegim" Avoi, kuznant thavn boball'li. Angavele kopdde bolldun avoixim gelom. Don stove-ank ganslet bhorpak ani te petovpak mhaka hukum ghalo. Gansletiche stove chalu kortoch kunsvar bazcheo kaileo dovorleo. Donui kailint tel vhottoun don pittache khuris avoinuch poile bazle. Tea uprant Aida-n kormolam bazun kaddlim. Gorom-gorom don-tin mhojea tonddant lottun katanam, avoin mhonnlem. "Fokot kaunk zanam tum, kunsvar korunk noko" Tea vorsak kunsvar ekdom chodd bazlolo. Tachem kharan mhollear amchea xezarchim Joao ani Tia Filsu somplelint. Dukhest ghoranim Natalamcho kunsvar bazinaslim. Xezarim, oslea dukhest ghorant Natalamcho kunsvar pattounk ditalim "Faleam iskolacho ghora ailo mhonntoch jevlea uprant poilim Joao Uncle ani Filsu tia-gher kunsvar vhorunk zai." Mhojea avoin falleamche kam' aizuch sangun kaddlem. Don torecheo nevreo astaleo. Nall'lachem chunan kel'leo ani pitteacheo. Pitteacheo nevreo mhaka khubuch avoddtaleo. Chodd dis togtaleo tea khatir mhoji avoi pitteacheo nevreo mhaka ruchttat mhonn odik bazun dovortali. "Ago Aida, ek pitteachi neuri khaun, ghoddsanink koxeo asat teo polle baie." Nevreanchi ghoddsan Aida koddsun zannam zaunk soddtale avoin mhonnlem. Aida-n ek pitteachi neuri hatant ghetli ani ghans gheun urlelem odh (half) sokoll xindren pattoulelea kagddar dovorlem. "Wow! Tia, khoreninch tujea hatantlean ruchichi zhor vhanvtta ghe." Mhojea avoichi tokhnnai kortana mhojea islean polloun tannem mhonnlem "Lino, tuvuim-i ek neuri kaun polle re." Hanvem, avoichea islean nodor ghatli. Nevreachem pitt lattpan ti ekdom 'busy' asli. "Fokot kaunk zanam," porot ekdam mhonnon, mhaka loz korit mhonn hanvem Aida-k ogi ravpak isaro dilo. Avoichea islean polloit neureanchea tattant hat ghaltana chukun Aidachea zhangddar hat laglo tedna, justuch Satana aunty-n pollelo ani tinnem soroll moskorean mhonnlem. "Kitem re Lino. Uzvaddantuch Aida-chi neuri sonspunk laglo?" Keddov meren ogich asleli avoi okosmat boslelea koddsun utthli, "chodd korta lapitponnam" mhonnon, 'tho' korun lattnni mhojea tokhler dhodhoili. NIM'NNEM: Halinch (Otumbrache 2rer, 2005) mhoji avoi Deva Bapachea ghora gelea. Tichea hantantle kunsvarachi iad korun ho lekh tika bhettoitam. Lino B Dourado. ----------------------------------------------------------------------------------------------------------------------------------------------- This e-mail and any files transmitted with it are confidential and intended solely for the use of the individual or entity to whom they are addressed. If you have received this e-mail in error please notify the Administrator. Please note that any views or opinions presented in this e-mail are solely those of the author and do not necessarily represent those of the company. Finally, the recipient should check this e-mail and any attachment for the presence of viruses. The company accepts no liability for any damage caused by any virus transmitted by this e-mail. Jarir Bookstore ..not just a bookstoreVisit us: www.jarirbookstore.com |
-------------------------------------------------------------------------- | Goa - 2005 Santosh Trophy Champions | | | | Support Soccer Activities at the grassroots in our villages | | Vacationing in Goa this year-end - Carry and distribute Soccer Balls | --------------------------------------------------------------------------