----------------------------------------------------------------------- * G * O * A * N * E * T *** C * L * A * S * S * I * F * I * E * D * S * ----------------------------------------------------------------------- USDA certified Goa Sausages and other Goan foods can now be delivered to virtually any part of the world.
http://www.goanfoods.com ----------------------------------------------------------------------- WELCOME BACK Goenche dhotorer sutteche dis sompoun nokre vo dhondea khatir pordesant porot pavtolea Goenkarank, tanchea ixtt-am koddlean ievkar melltta 'welcome back' Tech porim nove soire poilech khepek pordesant bhettek vo visit-ak vetat tedna, tanka-im ievkar ditat mhonnon, 'welcome to ' Punn, aplea ganv-ghora pavlelea videxi Goenkarak osle torecho ievkar mellona. Xezarim, soirim vo ixtt-mithram chukon vatter mevllearuch oxe toren zapoitelim Kedna ailo re? Ravtolo vo rokhdoch vetolo? Vetana sangunk visor naka. Amgelean thoddixim chevrisam dhadd mhonn sanglelem. (Uprant tim don kilocher bostat) Tum videxi deshant asot zalear tujo ugddas konn tori korta mhonn tuvem khuxi asunk zai. Alinchea disanim, pordesant aslelea Goenkaracho husko, amchea sorkarak zala ani hech khatir fattlea mhoineant 'Non Resident Indian Facilitation Cell', Goem sorkarachea torfen teg protinidhi vo 'delegates' Gulf-ache bhovnddek pattoun dilele te Kuwait-an thikann korun aslelea Goenkarank mellun, tanche prons ani oddchonneo xinkun ghetleat. Bhetter ailele soiream mukhar khub zannanim aple xinn ani dukh porgottlem. Thoddeanim ugteaponnim sanglem 'Non Resident Goans', Goem pavtokoch sorkara kodlean koslich sovloti asona, NRIFC (Government of State of Goa) sarkem cholona ani koslei-i sorkari kama khatir gelear boro ievkar mellona. Ixtt-ano, tumi niraxi zaunchi goroz na. Kaim sorkari zage asat, je pordeshant rabito korun aslelea Non Resident Goans (vach: Goenkaram) khatiruch samballun dovorleat, ani thoimsor boro ievkar mellta mhonn sanglear tumkam ghoddie ojeap disunk favo. Tumi koxem ani kitem onnbhovlam tachi zanvi mhaka na khori, punn mhojem tori aikun, tumche moladik suttieche dis piddear korinastana sorkari kama thak-thik zaunk sodanch tumchim kalsovanchim bolsam, bhurak naslelim asum di. Ek lhanxea kama khatir hanv eka offisant pavon sorlom. Thoimsorlea clerk-an (ek bail monis) mhaka polloun, ollkhotolea porim mhaka aplo hat divn mhojem swagat kelem hello patrão kedna ailo? Welcome back, ani bosunk kodel dili Atth dis sompun gele. Punn ek sang. Mhaka ollkhotai koxem?" Zape barrabor hanvem vichar kelo. Dramapur, Alex ani Succorina hanchea kazarak, hanv ajir aslim. Vokhol-noureachi saud ubharleli tedna, tuvem sanglelea vinhodachi azun mhaka ugddass asa Ham oi, oi. Atam iad aili. Vokllechea bhavan vinonti keleli. Novea joddpeachi saud ubharpak. Punn tea disa koslo vinhod sanglolo tachi mat mhaka iad na. Tujea kazarak, sorgist Padri Camilo Xavier-an saud ubharleli ti, tuvem mon divn aikoleli khuim. Xevottak tannem mhonnlelem vaddoi ani choddoi. Ani tum vaddoi-it ravlo ani chougam bhurgeancho bapui zalo. Tinnem, tin vorsam fattlea, mhoje saudichim utram, aplea monantlean justuch sangun dilim mhonn ojeap dislem. Dusre vatten hanv khos zalom mhojim utram vo saud mon diun aikopi asat mhonn. Patrão, kosli goroz asli? Tinnem vicharlem Mhojea bhurgeanche 'birth-certificates' zai ani tevu-i zalear aizuch. Kam itlem poddlelem asa, ekdom fursod na Serdanv mellpak char dis lagtele. Ti apli oddchonn mhaka sangtana konn ektti ostori aili ani tichea T-shirt-achea bolsan hat galun ponas rupeanchi nott lottli, ani tinnem ek paper tea ostorechea hatant dilo Zor pezek roddta mhonn hanv somzolom. Eke sertifiketik ponas zalear charank donxim hea hixeoban pakitantlim don xembor nottam kadun mhojea hatan damun dovorlim tedna, bhouch kaman buddlele aslea porim (very busy doing nothing) bazuche kodelir bosun khobro marteleank, ekteak tinnem mhonnlem Apalipa, acher boroilelea vorsantleo file-o ghevn ieo Hanvem boroun dilelea kagddacher nodor ghalit tinnem peon-nank hukum dilo. Mhojea hatant aslele poixe tika divnche koxe? Ugte divnk zainant. Ditana konne-i pollelo zalear sorkari monxak lonch dita mhonn sorollponni hanv trasant poddunk aslom. Kaim vell fattim, tichea bolsant duddu lottlele te bailechi iad aili. Hanvem toxem korunk zai naslem. Chukun tichea ubhar hoddddear hat laglo zalear tika vinoibhong (molest) korta mhonn konnu-i mhojo dubhav kai-it, hivui bhirant asli. Appalipa, file-o aiz mellteleo? Madam, ek gavlea. Ullleleo hatak lagoch nant. Hatak lagoch nant mhonnchem duddu hatant podleat vo na? Tangeli purbhas (code language) hanv nigut somzolom. Kam tor zaunk zai aslem. Porot-porot pavtti konn martolo oxem chintlem ani donui bazunim nodor firaili. Konnuch zollkona tem pollevn tichea bolsan donxim rupianchim nottam lottana matxo hoddddear hat laglo. I am sorry, hanvem lojun soma magli. Never mind. Te baile von tujo hat vhodd asa. (duddvanche nodren) Ani thoddeach vella modim charui 'birth-certificates' mhojea hatant dileo. Vozon dovorlea xivai chepnnechea torank akhar (shape) iena nhoi? Thank you very much, hanvem upkar attoile. T-shirt-achea bolsar nodor ghalit tinnem mhonnlem You are welcome . Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________ Do not post admin requests to the list. Goanet mailing list (Goanet@goanet.org)