Tarik Vicharun Kazar Zavnchem Planning to get married in coming December and wondering if anyone could help me out in finding wedding giveaway suppliers in Goa or Bombay. Appreciate your help or write to me at....... Voili mahiti Goenchea eke mavle ghorar (web site) vachli. Ek vichitr jahir kollovnni. Bombay aslelem Mumbai zalear ek dosk (decade) odik somplo Ho nhovro khoreanich Bharotacho nagrik kai? Kazar khoimsor tharailam tem bi ugtem kolloina. Kazarachi bondabost korpi zai Goeant vo Mumbaint. To Goenkar kai? Ho ek prosn!!! Goenkar zalear tachim soirim, ixtt asunk zai. Tannem, tankam poilo sompork (contact) korunk zai aslo. Hokol tori asa? Konn sangtolo? Kazar, cheddva thaim? Atam dadle-dadle kazar zatat nhi? Kazar zatelea monxan email potto dila. Mahiti pavtti kelea. Tachi zap pavta mhonnosor kaim vorsam adim mhojea eka khas ixtt-a vixim ghozal ghoddleli ti tumchea mukhar dovortam. Dis Aitar. Igorjent dusrea misar mhoje ixtt-achea kazarachi poili chitt vachleli ti aikon hanv ojeaplom. Punn dusre vatten mhojo jiv shuuuu zalo. Kazar, aiz zata falleam zata, aiz zata falleam zata oxem korun borelim vorsam tannem piddear kelim. Xikpan toxench rupan borim distelim cheddvank tannem, ho ani to dox (defect) asa mhonn sangun nakarlelim. Avoi tor zhantti zait vetali. Eklech putachem boreponn polle nastana morot mhonn khub bhietali. Cheddvank nakarta mhonn tachea soirikeche bangoddentlo hanv pois ravlolom. Xevttim tachea monantli choli tannench polleli Sogot khos. Hanv ani mhoji sundori mis sompoilea uprant ghora portolim. Nosto korunk dogaim mezaxim boslelim, Itlean bell vazli. Dar ugoddlear nhovro ixtt amchea darar. Kazarachi poili chitt vachlea uprant nhovrean vo hoklen Goemche porompora pormonnem mama-chea ghora vochunk zai. Punn tum amgher. Ekdom borem dislem. Poilo amchea vangdda nosto kor. Donparam mama-gher vhetolom. Tea mhonnosor tujea thaim mhaka ek ghorjechem kam aslem. Lhanponnim thavn ixtt ami. Mhoje thaim zatele kamank hanvem keddnach noikar kelo na. Sang, tujem kam koslem? Tum, mhojea kazarak deddo zalolo zai. Tannem soroll sanglem. Botate bhaje barrabor tonddan ghatlolo pão talleak xirkolo. Veg-vegim mezar aslelea glass-anlem udok pielom. Mhoje sundoren aplea tonddar hat dorun uchki (hiccups) kaddunk lagli. Kitloch vell ti chaluch urli . Tuka konnem sanglam kazari dadlo deddo zata mhunn? Mhaka khuim khobor? Tum mhojo ixtt mhonntoch hanvem tuka poilem kolit korchem dislem. Orxim zalear tujea xivai hanv panvol fuddem ghalina tannem saddeponnan mhonnlem. Adlea kalar deddeank khup mhotv (importance) ditale. Kazarache dis lagim pavtat tedna deddo nhovreachea sangata asunk zai aslo. Ghor-ghoranim kazarachi kovit vo amontronn ditana nhovreachea vangdda distolo tornatto dadlo, deddo mhonn thartalem. Nhovrean, deddeak suit xinvonk zai aslem. Ghorant, igorjent, kazaracho soromb palltelea mattvant deddean, nhovreak mozot korunk zai asli. Igorjent, govai (witness) pustokar deddo soi kortalo. Adle deddeank, orddo kazaracho husko vo zababdari tachea mathear astali. Deddechea utor mhonnchem nhovreacho hukum oxem somzotale. Punn attanche dedde nanvam puttle. Igorjent bhitor sorchea adim darvonteaxim hoklechea hatant fullam turo divn kis divncho. Uprant khoim xenddtat ti Deva-k khobor Chukun kazara adlea vo kazara disa nhovro somplo zalear tache hokle thaim deddo kazar zatalo mhonn sangtat. Mhoje sundoren aplem vazoilem Choddan chodd adlo lok athsar (superstition) mannpi aslo Hokleche churchure chintun deddo tiche thaim kazar zatalo zait. Ani zori deddean toxem kelem na zalear ti hokol jivit bor ankvar urtali khoim Dekhunuch deddo ankvar dadlo asunk hem nibel ghorjechem? Novrean vicharlem Na tor kitem? Mhoje osle kazari dadle kiteak upkartat? Okosmat tuka kitem vaitt zalem zalear (hanvem sundoreche islean polloun hansun mhonnlem) mhaka koslo chance asa? Hanvem tuka moskoreanim mhonnttlelem. Punn tujea koddlean adle ani atamche deddeam modem mollob-zomnni itli forok asa ti xiklom. Khorem mhonnlear mhojea kazarachi bondabost kortolo tujea vollkichea monxachem nanv magunk ailolom. Varke-chem Pintos Caterer hachem nanv taka dilem. Fokot honeymoon soddun ullelem kam tacher sompoi mhunn taka hanvem sollo (advise) dilo. Kazar zalem. Borem gelem. Don disa uprant: Ratchea ikra vaztam ghorantlo fon vazlo. Hello. Konn uloita? Hanv re. Vaitt dista hea vellar tuka zagovpak. Punn trasant poddlam. Nhov-rea babacho Otty thavn fon. Honeymoon-ank vheta mhonn sangon gelolo. Kosli-i oddchon poddlear poilim mhaka sanglea xivai ravona. Koslea trasant poddla kai? Mhojo husko vaddlo. Kalliz matxe halllea vorim zalem. Bhienaka. Mhoje ixtt Otty-n asat. Khoimchea pulis thannar asa tum? Hanvem husko dakhoun vicharlem. Hanv hotel-ant asam. Zalear kosle tras zaleat tuka? Mhojo honey toiar punn moon bevxela. Zalem kitem? Tench tujea thaim vicharunk hanvem fon kela. Mhoineachi palli mhonnchem kitem? Taka zap di nastana mhojea kopalar 'reveiver' dodoilo Lino B. Dourado
http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________ Do not post admin requests to the list. Goanet mailing list (Goanet@goanet.org)