------------------------------------------------------------------------ * G * O * A * N * E * T **** C * L * A * S * S * I * F * I * E * D * S * ------------------------------------------------------------------------ Enjoy your holiday in Goa. Stay at THE GARCA BRANCA from November to May There is no better, value for money, guest house. Confirm your bookings early or miss-out
Visit http://www.garcabranca.com for details/booking/confirmation. ----------------------------------------------------------------------- Ek Phool Do Mali Bhis ieo, bhis ieo. Khuim gelo re Kapitanv, Kap....... Xempddo halloit danvon ailo. Ghorvalichea paim-ank apli sandd (snout) ghostun tattant ghatlolea jevnnacho vas ghetlo ani buk-buk avaz divn upkaran bhonklo. Jevnnachea tattant, mas soit dukrachim haddam pollevn Kapitanv sunno khos. Ago, khuim gelem go? Biluu. Oh Biluu.... Mew..mew korit paddoxer boslelem mazran sokoil uddki ghetli. Fattlem komor fashion parade-in cat walks kortelea porim halloit ghorvalichea paim-ank apnnachem pengott ghostilem ani ekuch dhanvnni bhitorlea kuddant ghetli ani jiv naslolo undir tichea paim mhorean dovorlo. Mhojem Biluu ekdom huxear. Ge, hem dudh pie Mazrachea tattant bhurgeanim khavn ulleli dudhachi porridge rokhoitana bhattkarnnin aplea hatanim taka poxelem, ani thoinsorli koddsorli Ekui sarkelem kam korina. Borim borim jevnna mat khata. Itlem borem jevon mellunk ratim kosli xikar keli tor kutrea? Ghorant bhitor sorlelea undrak marlolo ti bodhai dakhoun mazran, sunneank vicharlem. Mazracho vichar aikun sunneank tiddok choddli. Dantancho girrrrrr korun avaz kelo ani mazracher ekuch apli sandd marun taka poisailem. Kiteak zhogoddtat re sunnem-mazra porim? bhitorlean bhattkarnniche dogui put kosle tori vostuk lagon zhogoddtale. Avoin tancher dhengxo ghalun tankam ogi ravunk xiddkaile Aikolem mu? Monis porian amchea porim zhogoddtat, mazran mhonnlem. Ghorachea darvonteaxim ek mottor thambli. Sunnean gomtti voir kadli. Ek spy nodor mottorintlea denvtelea monxacher gali ani porot gomtti kala korun aplo nosto chakunk laglo. Konn aila re? mazran vicharlem. Konn ietlo? Bhattkaracho vokil. Sunnean zap dili. Hoch nhoi re to? Kaim vorsam fattim Iskolanim mull xikop (primary) Konknnileant korchem nhoi mhunn virodh dakhoun bhurgeanchea avoi-bapaink rostear haddlolo advogad Radharao? Bhitor sortolea monxacher tirxi nodor galun mazran mhonnlem Boroch ugddas ghott mu go tugelo? Atam kosle chollvollint bhitor sorla kai? Mazrageli ugddasachi pottli bori tez pollevn, sunnem ojaplem. Mullavem xikop Konknnileant nakach naka fokot Inglish medium magtalo monis, atam kitem kai mhonllear Romi lipi zai mhunn dhol-taso vazoita mhunn hanvem aikolam. Eilesanvam tenklim kitem go? Zomateo astat tedna mhojem borem sadovta Vechnnuke vellar funkot ditelea jevnna-khanna-piepachi iad korun sunnean anvddo givlo Khorem mhollear Konknnichi chollvoll lipiechea prosnank lagon zavnk nasli re kutrea. Punn koxei-i toren Goenchi Raj bhas Konknni zavnchi ani Bharotache ghottneche 8-ve vollerint unchlo zago mellcho ho dor Goenkarancho anvddo aslo. Devnagri vangdda Romi lipi vale Konknni khatir zuztale tem hanv polletalim. Chollvoll mukhar vhorunk bhattkaraxim arthik (financial) adhar magunk kaim Devnagri bhokt ietale. Tannim bhattkarak fullouncho aslo ani subhagi, Dev bhiranticho, Konknni mogacho mhojo bhattkar davea hatak kolloinastana dudvancho adhar ditalo. Sunneanchi chempddi vankddi ti vankddich. (Dolle motte korun sunno mazrak poita) Kitem poita kutrea? Tuka mhonnom na re hanv. Tankam mhonntam. Hech Devnagri lipi valeanim topia porim rong bodlun ani Romi lipi valeanche teag visrun Fevrerache 4-ter 1987 vorsa Goenche Vidhan Sobhen Konknni bhas, Goenchi Raj bhas Devnagri lipin pas korunk laili. Tor kitem zalem? Devnagri vo Romi lipi hatunt kosli forok? Konknni bhas zalear puro. Kestanv kiteak? Sunno challvolo Bhailean chur-chur korun ietlo avaz mazran aikolo. Tannem eka khambear dhanadan uddki ghetli ani chempddi halloit porot sokoll ailem ani mhonnlem Unnem ghinean asleli hich tuji tokli. Bhair pollelam tuvem? Sak ghevn ghantti dadlo aila. Ani tum ogich. Orxim bhukelelea pottar asta tedna tanchea pattik lagta ani darantlo poisata. Hea vellar tum, bhattkarnnin dilelem hadd khavpachea boballar asa. Hech toren Goenche politician jietat. Jedna tanchea bolsanim vozon poddlem mhonntoch te oge. Na tor nigtoch bhitor sorlelea rajkornink polle. Ghelea eilesanvam vellar Churchill babacher vik vonktalo. Atam pott ritem, mhonnchem; UGDP pokxache fuddari Devnagri lipi vangdda Romi lipikui odhikrut maneotai (official recognition) magttat. Sorkar, Romi valeancher kortat ti oneai mhunn sangpak Churchill babache chollvollik tenkho ditat. Hachem kharan itlench. Romi valeanchi bhuzvonn vo sympathy mellchi mhunn UGDP-chim nattkam. Uprant tanchea tikettir nivdhun ailolea umedvarank dusrea pokxank viktat. Aikunk na tuvem? In politics there are no permanent friends nor enemies. Vidhan Sobhen kitlech Kristi montri ani amdhar asat. Te kiteak he chollvollik pallo dinant? Khup tempan ek xanneponnacho vichar kelo kutrean. Tuje bhaxen haddam khavn tanchim pottam bhorleant ani sust nidhleat te. Eilesanvanchea vellar zagrut zatle. Konknni khatir hem ani tem kortele mhunn pokeo fottaxi martele. Tedna mat Romi valeanche fattor khavnche poddot mhunn bhirant asa. Devnagari ani Romi lipieo hatunt kosli forok asa? Ho prons hanvem keddov kello. Tachi zap dili na tuvem. Nimnno haddacho kuddko tallea sokoll dhenvoitana sunnean vicharlem. Goa Konknni Akademi ani Kala Akademik hea sorkari sonsthank, sorkari tizorintlean onudan vo mozot mellta. Adim Konknni borovpeank Kala Akademi Devnagri toxench Romi lepintlean Sahiteo puroskar ditali. Punn atam puroskar fokot Konknni Devnagri lipint ietle sahitik ditat. Itlench nhoi. Donui Akademint Devnagri fuddareanchem raj chollta. Ani oxe toren sorkaracho arthik palov tankach veta. Mhonntokoch 450 odik vorsam Romi lipi vaportelea borvovpeank natak korunk Devnagri vale vag koxe utthleat ani sorkari onudhan ap-aplea monxank divn voir kaddunk soddtat. Devnagri ani Romi lipi ekuch tagdden zhokun nitt mellpak khorele Romi vale utthleat. Ani ek ugddas dor kutrea. 1975 vorsa Nove Delhi Sahittea Akademin Konknni bhaxek maniotai dileli tedna tantun lipi-cho ullek korun na. Hum!!! Somzolom Kitem? Ek phool do mali. Atam kollllem kutrea? Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _______________________________________________ Goanet mailing list Goanet@lists.goanet.org http://lists.goanet.org/listinfo.cgi/goanet-goanet.org