GULAB-acho Pormoll Sompum Nakat ELVIS: Hello! Good morning Louis. Hanvem utthailo mhunnxi.
LOUIS: Na re baba. Fon-achi bell mhollear ghoddialacho alarm vazlo oxem somoz. Are papia!! Je disa sutti asta tea disa mhoji nhid piddear korunk, khoinchea zolman hanvem, tujem vaitt kelelem? ELVIS: Ragar zavnchem nhoi re. Taktin kitem vicharunk zai aslem. LOUIS: Tum anik kitem vichartolo? Konnachea tiatrachi kritika marcheli tor aiz? ELVIS: Tiatrachi gozal nhoi. Vicharpachem mhollear2006, July mhoineache Gulab-ar ailolo ogrlekh (editorial) vachla tunvem? LOUIS: Hey Bhagvan! Zo monis kritika xivai dusrem kainch noko asta, aiz kitem kai mhollear sahiti (literature) ulounk laglo? Mis-acho portun ietna Goretti sorxim vochun ticho Gulab magun haddla kitem? ELVIS: Tuka koxem kolllem? LOUIS: Undir katlo ani agtolo kitlem hi thoddi bhov zanniv asa mhaka. Keddnam-i chukon porian tunvem ek Konknni masik vo potr vikot ghetlelem mhonn asa? Ghelea vorsa, eka Konknni potrar tuji mulakhot chhapun aileli. Ti porian vachunk mhojea koddlean tunvem tem potr vhelelem. Asum atam. Sang vicharchem kitem aslem? ELVIS: 2005 Gulab Puroskar dobazo bond uddoilo khuim LOUIS: Mhaka kitem kor mhunntai? Puroskar ghoddun haddtele karbhar-eam thaim vichar. Gulab-acho sompadpi Fausto V. Da Costa-n aplea ogrlekh-an Gulab Puroskar na divpachem karan ugttem dilam tem vachlam mhu? ELVIS: To boroita, Ho dobazo ghoddun haddlo mhunn Gulab-ak kosloch lav nam tem sodduch punn kritika (chodd korun tiatristanchi) ieta tika xim mer asona. LOUIS: Hatun kitem tori sotacho vas marta vo na? Khorem mhollear sorgest Fr. Freddy-n Konknni kolek ani machiek nett ievncho ani lhan kolakarank uttejon dinvchea khatir hea puroskar sthapon kelle. Kaim zonn ho Gulab Puroskar Mumbointlea Filmfare Awards-am kodden sor kortale. Konknni machiek sorkarachea puroskar kaim mellonant. Sarkem mhu? Kollakaranche kolek odik urbha divnk Gulab aplea poteache puroskar ditale. Itlem asun velean puroskar melltoleam koddleanuch ttika? Sompadpi xinn korun vicharta. ELVIS: Puroskar jikunk vo mellunk zai mhunn mhoje tiatr machier dakhovpant ienant. Tiatr pollennarank tin horancho boro divertiment mellcho oxem mhaka dista. Dekhunuch mhojem dhean tiatrancher asa. LOUIS: Ani eke kodden Sompadpi boroita. Punn kaim ghoddnnukancher nodor marlear amchi maim-bhas Inglix zaun Konknni bhas pottachi bhas zalea. ELVIS: Tannem oxem kiteak boroilem? LOUIS: Tuji ani her thoddea tiatristanchem profession, tiatrisponn mhunn tumi dileli mulakhatin vachunk mellta. Tiatra vorvim thodde aplo ghorabo choloitat khuim. Mhunntoch, Konknni bhas pottachi bhas zali na? Ho Sompadpeacho vichar. Ani dusrem mhollear thodde tiatrist fokot machier Konknni uloitat. Machie vele sokoll aile mhonntoch te Inglix maim-bhas zalelea porim tastat. Amche bhaxe ani sonskrutaie kodden amcho vevharik itloch sombondh urta, sompadpeachea borovpan khoremponn zollkota. ELVIS: Eka ratiam modem 2005 Gulab Puroskar dobazo bond uddovop hem sarkem nhoi. Sorgest Fr. Freddy-n sthapon kelolo puroskar, tanche sompadpi bhav Fausto-n don vorsam cholloun bond korop? Don-tin mhoineam adim ek xiddkavnni tori divnchi asli. LOUIS: Hea vellar tuka kitem mhonnchem tem mhaka ievzonna. Tuje osle sahiti vachi naslele tiatristank koxem gomtelem Gulab-achi poristithi khuim meren pavlea ti? Komi doren legit Konknni machie vhelo jairati Gulab-ak mellonant, zalear ho Gulab ani Puroskar cholltolo koso? Sorgest Fr. Freddy-n ekuch pavtti nhoi punn ek von sottor pavtti tori hache vixim Gulab vachpeanchea nodrek haddlelem asa. Dor disa oHeraldo Inglez disalear mottea okxearani Konknni tiatrancheo jairati. Hanv mhonnonk soddina tumi divncheo nhoi, punn Romi Konknnileant cholltele potr-masikank jivim togpak tumchea jairatinchi goroz asa. ELVIS: Konnem tori fuddem soron ho puroskar chalu dovrunk zai, oxem mhaka dista. LOUIS: Fuddem sortoleanchea paim-nk dovrun fattim oddchele kulle porim khupuch melltat. Tiatristanim ho puroskar portean suru kelear odik borem zatlem. ELVIS: Tor koso? LOUIS: Tiatrachea mousomant bhair ghatlolo dor ek tujo tiatr komi-komi ponansam odik proig vo show korta. Dor ek show-achi ekuch tikettiche duddu mhonnchem 50 rupia puroskarachea khatir samballun dovorlear 50 proig mhollear 2,500 rupia zatat. Oxe toren 20 digdorspeam koddsun 50,000 rupia puroskar dobazo ghoddun haddpak adhar zatlo. ELVIS: Ho tujo sollo (advise) ekdom manddlo mhaka. Mhoje votin hanv toiar. Punn dusreank konn zagrut kortolo? LOUIS: Kuwait-chea desant, Kuwait-Goans Tiatristanchi Sonstha (KGTS) asa. Dor vorsa ekuch Konknni songitacho proig korun bhitor ailolo faido dor khepek 5 vichun kaddlele Goenche nivrutt (retired) tiatristank dor ekleak Rs.10,000 iogdan (contribution) kortat. Nhoi tanche arthik poristithik lagon punn tannim Konknni machier kelle vauracho ek mogacho iadostik (souvenir) mhonnon te ditat. Pordesan tikhan korun aslelea Goenkar tiatristanim adlea tiatristam khatir vaurunk zata zalear Goeam aslelea hozar tiatristanim voir sortolea lhan kollakarank uttejon diunk ho Gulab Puroskar samballunk kiteak zaina? Tunvem sanglam, tum toiar. Dusrea tiatristank konn zagrutt kortolo? Ho tujo prons. Hoi? Tiatrist Prince Jacob-an TIATRIST AKADEMY ghoddun haddlea. Goenche 40 motdarsongantle amdharanim (MLA) toxech Khasdar (MP) Goenche Vidhan Sobhen Konknni odhikrut Rajbhas Khaido 1987 duruxtt (amendment) korun Romi lipiekui Devnagri lipie sangata puribhaxa aspaun ghevpachem andolan suru kelam taka sogteancho tenko mevla. Tache bhoxen GULAB PUROSKAR-achem fuddarponn tujea bhuzar ghetlem.......Hello, hello Elvis. Hey Bhagvan!! Hannem keddna fon bond kelo kai? Ge hi kofi pie. Kedov meren konna thaim uloitalo re tum? Nhidchea kuddan bhitor sorun Louis-ache bailen tachea hatant kofi ditana vichar kelo. Elvis-acho. Aiz khoinchea director-acheo chukleo sangtalo tuka? Tachem soddun di. Ho ge oHeraldo ani polle Mini Mario-cho, paper-ar ailolo novea tiatracho anus KITEAK HO BAZAR CHOLTA? Ani zannai? First time in the history of Konkani Drama the stage is set for adult show. Mhaka hea tiatrak vochonkuch zai. Koficho nimnno ghontt ghetana Louis-an baileachea hatantlem disalem ghetlem. Ek xidduk nodor, tinnem sanglelea anus-ar ghali ani mhollem. Morgada, John Claro-acho tiatr Gupit Karann fokot vaddleleank (adults only) 1972 vorsant machier haddlolo. Teddna hanv lhan por. Mhoji gozal sodduch. Mottvea kalsanvan aslolo mhunn Mike Mehta-k porian tiatrachea karbareanim ho tiatr pollevpak diunk na khuim. Zalear Mini Mario-n koxem mhonnonk zata first time in the history.... Ghoddie Gupit Karann tiatr machier dakhovpant ailolo teddna Mini Mario zolmant ievnk na astolo. Are, hem tum kitem kortai? Paper vachtana mhojea kulleank 'first time' chimptte kaddtelea porim.....? Bhurgim khuim asat? Hea vellar khuim astelim tim? Iskolak nhoi? Sonvar aiz. Half-day. Hea ghorachim daram bond asat? Kitem zalam tujem? Soglloch urbela. Come on darling. Dont waste my time. First time in our marriage live. Saturday morning show. Strictly for married couples. Hey Bhagvan!!! I-N-T-E-R-V-A-L...... Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _______________________________________________ Goanet mailing list Goanet@lists.goanet.org http://lists.goanet.org/listinfo.cgi/goanet-goanet.org