Lapitt Maraathi shikaat aahe. Borkar Book Stall-anleant ek mullavi Moratthi (basic Marathi) pustok Lapitt-an vikot haddlam. Pustok haddchelem karann mhollear halinch Gõyche bhuddvont Kongres Vidhimondoll Zomean (Congress Legislature Party) Moratthikui fattlea daraleant Rajbhaxecheo dorzo divpachem chintlam. Mhonntoch, fuddarak Moratthi-chi goroz poddteli hem lokxan dovrun soroll Moratthi xikpachem kelam. Iskolant thoddi bhov hindi xiklelean Lapitt-ak Nagri Moratthi 48 vornnmall (alphabets) xikunk khup sompem zalem. 12 svor (vowels) a aa (A) i ii (I) u uu (U) e ai o au aM aH ani 36 veonznam (consonants) k kh g gh N (et cetera) portean ek favtt uzollnni (revision) keli ani lohu, lohu pustokar asle patth vachunk-borounk chalu kele. Maraatdhi bolatvaa yetva? - can you speak Marathi? Faaras naahi - not really Aaj rartvree kaay karatnaa-r? what are your plans for tonight? Maazhyaa ekaa junyaa mitvraane Blandino Gõy-Kazu feni pee-ne aani jewaayalaa bolaawale aahe I am invited to a Goa-Kaju feni drink and dinner by my long time friend Blandino. Ani oxe toren pustokar aslele patth pezan xikunk laglo. Somplele lok kovi Manohar Rai Sardessai hanchi Romi lipint asleli ek kovita Moga, Tuka Iad Asa? Moratthint borovpacheo iotn kortana Lapitt-ak eka Konknni kantarachi iad aili, ani tannem gavpak suru kelem. Ang mhojem poi punn atth lainaka Ont mhoje poi punn kis korinaka Ieo ghora, ioe ghora, ioe ghora, ieo ghora Ghor mhojem poi punn dar foddinaka. Kantar gaitana, bhitorlea kuddant borich kamant ghusleli Lapitt-achi bail, vonntir umkolltele ghoddialir nodor ghalta. Sokallchim sovai ikra vazlelim. Lapitt-an naka sokoilem korchem fokot donparchea bara horam vazlea uprant. Ani illoso ghetlo mhonntoch kenna-kenna umedir ieta ani adlim lok priya kantaram gaunk lagta. Punn aiz, vella bhair tachem kantar aikun, bailek ojapachi gozal. Kazari jinnentleo, tacheo vaitt-boreo sonvom-io tinnem onvbhovleat. Donparchem bara ani ratchem atth horam uprantuch tannem poilea milagrik nomoskar korcho asta. Tea adim tor nanch na. Kosle tori umedir asa ani gaita astolo oxo tinnem somzut ghetlo ani apnnalea kamacher bhor ghatlo. Lapitt, ang mhojem poi kantar Moratthi bhaxen borovpak laglo. Khinnbhor xant vattoron ghorant uttpolem. Moratthint borovpan hanga-thoim chukeo distaleo. Ganvantle Maraatthi shalentla Maastor Venkatesh, zagear ghatla (ghaltolo). paN sodeak ghaun tari pollum-ia? Oxem monnan chintun talleacho pitch ekdom nettan korun gavpakchea lohor-ar (mood-ar) ailo.
aang mhaajhe bagh paN hath laavunaka vonth mhaajhe bagh paN chhumb ghevunaka ie ghari, ie ghari, ie ghari, ie ghari ghar mhaajhe bhag paN daar toddunaka. Bailechea kanar poddacho avaz boslo. Sonsea porim tinnem apnnale kan fulloile. Thoddo vell adim ang mhojem poi ghaitolo monis kitem kai mhollear aang mhaajhe bagh mhonnta. Akasmat haka anik kitem zalem kai? Tonddantuch gunngunnun thoimsorlem kam soddun, taka pollevpak geli ani to . Tichea toklen jem korjolelem tem sarkem thirlem. Tichem kalliz goss zalem. Kitloch vell ticho bhitorlo svas bhair sorunk tras zale. Tichem paim zodd zale, ani dolle dukhannim borun gusmuttun roddunk lagli. Aiz sokun ticho sonvsar sompta kai dislo. Itlea begim ani oxem toren dukhachea sagor-ak fuddo korunk koxench tika puttvo naslem. Lapitt, apnnalea sonvsarant gull aslo. Taka khobor nasli tachi bail tachem natok polleta mhunn. Thoimsorli ti lohu koddsorli ani dusrea kuddant vochun fonache ankdde ghuvndaile. Hello Babush, mhojea bhava (roddta) Zata titlo begim amchea ghora kodde ieat re .(roddta) Tujea kuneadan toklecho xokk ghetla ..(roddta) Babazinank (ticho vhoddlo bhav) takai sang .(roddta) Lapitt-achea dhakttea bhavak vo dherak fon kortana .Hello. This is mental hospital. Can I help you? ..fon-ache ankdde chukle. Tevui-i zalear khuim mhunn vochun bosle? Tichem kalliz odik dodddoddlem. Porot ek dam fonache ankdde .. Orddem hor sompta mhollear mottori, skutterichem pursanv Lapitt-achea ghora samkara eksarkem thambta. Zonelantlean Lapitt polleta. Tegui mevnne ani tancheo baileo. Dogi mevnneo ani tanche ghov. Lapitt-ache bhav ani tancheo ghorkanim. Mavxi bhoin ani ticho ghov. Itli soireanchi pollton ekach barim? To chitunk poddta. Ghorant tor itlo vegim konnachoch zolm dis pallcheno na. Tanchea logn dis vo anniversary Dezembrant. Koslem karann kai hankam hanga ievnk? To apleakuch vichar korun kuddachem dar ugoddta. Salant ieta. Salant vhoddlea mevnneachea vegent, akanttun roddtele aple bailek polleta. Tachem kalliz goss zata. Ani poili soddpus bhurgeanchi ghevn vicharta. Bhurgim khuim asat? Bhurgim kollejik ani iskolak salamat asat. Mavxe bhoinnichi zap mellta ani ti fuddem vicharta, punn amkam kollunk zai tum koso asa? Hanv boro asa. Punn tem bhizudd zavn roddta kiteak? Baile islean pollenv vicharta Tuje bolaikechem chintun. Mhoji arogya gottmutt asa. Punn tumi sogott hangasor zoma zaunk karann kitem? Bushan-an (Lapitt-ache bailechem pet name) amkam sanglem tum akasmat kosli tori pixeam bhoxen kantaram ghavpak ani kovita vachunk laglo. Akhanttunn tannem amkam fon korun hanga ievnk nirop dilo. Vhoddlea mevnnean sogott eksarke hajir zavnchem karann ugttapem kelem. Are papianno, hanv zannam, tumche bhoinnin soddlollo bann sokoll poddchea adim tumi soroll hangasor pavpi tiche apurbaeche bhav. Tumchean, mhojea lagim ulounk ietalem ki na? Itlo ghuspoll tumi kelo to, mhaka dislem konnank tori vaitt zalem. Asum tem. Sangpachi gozal oxi. Gõychea bhuddvont fuddareanim Konknni bhaxecho tontto ghombir kela. Politik chal khelltat te. Moratthi vale kenna thavn hi sondh polletale. Tannim Devonagri lipin Konknni lekhokank challvoile ani Romi valeank nhidentle utthaile. Devonagri konn? Hindu somaz. Moratthi konn? Toch somaz nhi? Tankam koslem luksan Romi Konknni vangdda Moratthi Goenchi Rajbhas zalear? Ani zalich mhunn sozmat. Ami toiar asunk zai nhi Moratthik fuddo korunk? Ani hea khatir hanv Moratthi xiktam. Romintlean Nagri xikpeank ek dakhtto patth sorgest Felicio Cardoz-an boroilolo to hanvem Moratthin boroilo ani mottea avazan xiktalom. Hi tumchi bhoin mhojem soglem aikotali mhunn mhaka khoim zanniv? Tinnem goir-somoz kaddlo. Itlean tumchi polltonn pollevn hanv tothaklom. Atam sarkem aikat hanv koslo patth xiktalom poi to. Ek aslo ghoddo ek hota ghoddaa Ek aslo redo ek hota redaa Ghoddo aslo dhovo ghodda hota pan-dara Redo aslo kallo redaa hota kalaa Ghoddo gelo rannant ghoddaa ghelaa raanamadhem Thoim aslo kolo tithe hota kolha Tanchea mukhar ailo tyancha shomor ala Ani sangunk laglo aani saanghaila lagla Ami sogle bhav ga aamhee sorvojhaan bhau-u ga Mae mogan ravom ga eka premant raavoom-ia ga Thoim aslo vag tithe hota whaag Tannem ghalo dhengso tyenem ghaatla dhengsaa Reddo dhanv dhanvlo redaa pall pallala Ghoddo danv dhavnlo ghoddaa pall pallala Oso kolo foslo aaxea mulle kolha faasla Hachi somzovnni oxi. Ghoddo, zaun asa Devonagri. Redo, zaun asa Romi. Dhovo rong mhonnchem Devonagri xuddh lipi. Kallo rong, Konknni Romi lipi kallokantlean bhitor sorleli oxe Devonagri vale somzupi. Devonagri vale, koleak mellunk ghele. Kolo konn? Apnnakuch dhed xanne mhonntele Moratthi vale. Bhau-bhau te. Nare ghazoile. Vag konn? Churchill Alemao. Moratthi Gõychi Rajbhas koxi zatli oxo ek dhengso ghalea barrabor Moratthi kolo foslo. Ani oxe toren ghoddo ani redo bhieun poule. Ani tumkam sangtam. Pois thavn aileat tumi. Donparcho vell zala. Mhoji horkot na. Ravpachem asa tannim ravchem na tor pollchem. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _______________________________________________ Goanet mailing list Goanet@lists.goanet.org http://lists.goanet.org/listinfo.cgi/goanet-goanet.org